الصمت لغة ...... لغة مختلفة تماما ....... لغة مظلمة وعميقة بباطننا....... عندما يخذل الإنسان مرة مرتين ، ثم تلات...... يصبح أكثر هدوءا ، وأعمق نوما ، وأقل كلاما........ الصمت واقع آخر يرفضه الواقع الحالي.
.........................
جود صحت الصباح ، علي صوت الباب وهو بضرب ،استغربت لمن لقت روحا بي هدوم المدرسة تاني اتذكرت انها امبارح نامت بيهم ، رفعت رأسها من المخدة وحسن بيهو تقيل شديد ،وكان واجعها، قامت من السرير بعد تعب ومشت تفتح باب الغرفة ، امها اتخلعت لمن لقتها بي هدوم المدرسة ، وشها شاحب مها:يابت مالك لابسة هدوم المدرسة جود:لا لا ماف حاجة بس امبارح جيت تعبانة ونمت بيهم وما صحيت إلا هسي مها مشت هبشت جبهتها:يابت جسمك حار تقولي لي ماف حاجة ، حاسة بي شنو هسي جود:راسي واجعني مها:ارح نمشي المستشفي جود:لا لا ما يحتاج مها:يابت كيف يعني مانمشي انتي عيانة حود:لا لا يامي ، امكن عشان ما اكلتا حاجة من امس، هسي يبقا كويسة مها:خلاص كنتا دايرة اقول ليك ، ألبسي عشان نمشي لي ناس عمك جود اتذكرت انو اللية الجمعة وكل جمعة العائلة بتتلما عند بيت زول والمشكلة انو الليلة اللمة كانت عند ناس عمهم الكبير أبو ناس منذر ،وهنا كانت الصدمة لأنها ما كانت حابة تلاقي منذر تاني ، لاكن ما عندها حل لانو البيت كلو ماشي فقالت لي امها:كويس وأمها مشت جود قعدت في السرير بي عدم حيلة وبقت تفكر انها كيف حتمشي بيت ناس منذر
عند جوري مشت صلت بعد امها صحتها ، وشالت لبسها عشان تلبس ، ولبست بنطلون رياضي لونو لحمي،وفيهو خطين بي الجمبة بالأبيض ، وسبورت ابيض ، وتونك ابيض فيهو حزام في النص لونو دهبي،وطرحة فنيلا البتكون لينة دي لونها لحمي ، وعملت لابلو(بي تشديد اللام) (labello دا لبستيك لي الناس الما عارفين) خفيف وردي ، وكنتور وهايلايت خفيف برضو وطلعت حلوة شديد، اصلا جوري بتعشق حاجة اسمها مكياج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عند جود مشت استحمت واتسوكت واتوضت وصلت ، ومشت لبست بنطلون جينز فاتح كافة هو من تحت، ولبست بودي بني وفوقو نوع البلوزات البتكون واسعة ديك وقصيرة من قدام لونها ابيض واكمامها طويلة، وسبورت ابيض، جود طبعا ما محجبة، عملت شعرها كعكة بي فوضوية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
