انفينيتي❤

الجزء الحادي والعشرون❤

     "الغاية تبرر الوسيلة"
                                  والكيس من يفهم❤

                        ..........................................................................

    جوري صحت الصباح وعملت روتينها اليومي ،وجهزت حاجاتها المسافرة بيهم ،ولبست  واتجهزت ونزلت تحت ،عشان طيارتها قربت ،المهم وتعالوا شوفو البكا ،قلبوه بيت عزا ،وجواد اصلا أبا يودعها ،المهم بعد الوداع طلعت مع جواد المطار ،ولاقت أصحابها والكانو معاهم في التيم هناك ،وأهم زول منو رئبال طبعا ،وبعداك الناس مشو علي طيارتهم متوجهين الي ايطاليا (بلد البيتزا❤😢)..................

   في الطيارة ....
جوري قعدت جنب محسن ،ورئبال جنب واحدة إسمها إيلاف ،المهم محسن قال لي جوري:جوري ممكن تبدلي إيلاف
جوري:no problem 😊
المهم جوري قامت وبدلت إيلاف
رئبال عاين لي جوري وقال:كيفك؟
جوري(بي ابتسام):الحمد لله وانت؟
رئبال: في احسن حال الحمد لله
جوري:كيف خالتو سوسن
رئبال:كويسة الحمد لله بس مع المرض وكدا
جوري:ربنا يشفيها أن شاء الله ،وصل ليها سلامي
رئبال:يوصل ان شاء الله

                               -تسارع في الأحداث-
  وصلو فندق سليسيا أفضل فنادق روما ،وأي زول مشا غرفتو ،ونامو بعد يوم طويل ..

                ...........................

   منذر طلع لمن عرف بي جود ومشا بيتهم بليل (ما قلت ليكم الود دا مجنون والدايرو بيعملو) نطا باب الشارع ودخل زي الحرامي للبيت طلع فوق ودخل غرفة جود ،في الأثناء دي جود كانت لابسة بجامة سودا حلوة شديد مع لونها وفاكهة شعرها بتسرح فيه ،لمن دخل وعاينت لي انعكاسو في المراية ابتسمت بي سخرية وقالت:لسا ليك عين تقعد بيها معاي ،منذر اتصدم منها وما اتوقع الرد دا منها ابدا كان بقول انو دي ما جود البريئة البعرفها
جود:لسا ليك وش تعاين لي بيه ،اتكلم ولا اتبكمت علي آخر عمرك ،جاي تعتذر مني وتمثل لي فيها دور البريئ صاح ،ومنتظرني ابكي ليك واسامحك صاح _وقامت، وبي صوت غريب _لاكن لا لا ما نا البدي فرصة تاني لي زول فيني عشان يعتبرني زي الدمية زي ما داير يوديها معاو ما انا البيتحكمو فيني يا منذر ما انا ،فهمت ولا أعيد .بعدين انت بي صفتك شنو ومنو انت اصلا عشان تختار لي انا الاسويه والما اسويه ،محتاجين لي قعدة عشان نحدد ،لاكن ماتتعب في الأكل والشراب والمشي لأني بعرف اعملهم برأي _وجات قعدت جنبو وقالت بي سخرية واستهزاء _ لاكن عارف شنو ؟ بالجد الزول لمن يدون اكتر من قيمتو بستعلى ،عارف شنو يا منذر انا حتي بقيت اتخنق لمن اسمع اسمك او اقولو بعد ماكنت بتعني لي أي حاجة للاسف ،انا بالضبط ما عارفة بعدين مرتك حتستحملك كيف ،انتا بتحب تتحكم في البنات بتحب تحسسهم أنهم مستعبدات عندك عشان حضرتك تعمل الدايرو وهسي وحاليا من دون أي كلمة أطلع من غرفتي والا قومت البيت فيك...