شوارع الانتظار طويلة⬅⬅ وارصفتها يملؤها الوجع💔 دائما هناك أمل....يهمس🔉 لنا في ان الغيب شيئ جميل💐 يستحق الانتظار⏰
................................
المهم وصلت الجامعة ونزلت لاقت صاحبتها الانتييم قدام الباب رؤى:جوجو (طبعا جوري بدلعوها بي جوجو من هي صغيرة) مالك اتاخرتي كدا مانا هنا اعدا ومستنياكي ليا زمن جوري:معلش ياحبيبتي يارورو بس الوالدة أصرت عليا إني اقعد اشرب الشاااي رؤئ:طب يلا عشان مانفوتش المحاضرة كمان جوري:يلا،بس وين فارس ويوسف رؤئ:ماعرفش والله جوري:شكلهم دخلو المحاضرة طبعا رؤئ كانت لابسة بنطلون جينز كافاهو من تحت ومعاهو تونك لبني فاتح طويل من ورا وقصير من قدام نحت الركبة ومعاهو حزام بني وطرحة بنية وسبورت بني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(رؤى زي ماذكرنا سابقا أنها هي صحبت جوري الانتيم اتلاقو في الجامعة يلا رؤى دي امها مصرية وأبوها سوداني وبتتكلم كلام مكس مصري بي سوداني لأنها قاعدة تمشي إجازات مع امها لي حبوبتها في مصر وبتحب اللهجة المصرية وعندها أخو واحد بس اتخرج وأشغال مع ابوهو يلا هي حلبية شدييد وحلوة وشعرها اسود وناعم وأقصر من جوري بي شوية بدلعوها بي رورو واصحابها بيقولو ليها المصرية هي اصلا بتشبهم شايلة ملامح امها المصرية) يلا فارس ويوسف ديل اصحابهم فارس طويل وحلبي وشعرو ناعم برجعو لي ورا دايما مكسر بنات الجامعة كلهم لاكن هو ماعندو ليهم شي بس عندو واحدة حبيبتو بتقرا في أولي طب أسنان زيهم اسمها ريم لاكن ما مع الشلة ناس جوري بيقولو ليها المفترية لانها شايفة روحها ورافعا نخرتها علي الناس لانها حبيبة فروووسي زي ما بتقول😂و يوسف دا يلا الجن كولو فيه يلا هو طويل واسمر وعيونو ناعسة ونوع الناس المتكون حواجبهم غزيييرة ديك وبرضو البنات مدشدشين فيهو يلا كمان هو نسونجي لي أبعد الحدود كل اسبوع عندو واحدة ما زي فارس(الهدي الرضي علي قول الحبوبات😂💔)
المهم دخلو المحاضرة وفعلا لقو فارس ويوسف هناك المهم حنكو الدكتور كدا قام دخلهم ،بعد المحاضرة انتهت فارس ويوسف مشو لي جوري ورؤى يوسف:ايه الحلاوة دي يا جوجو جوري:انا طول عمري جميلة فارس:يا عيني علي الثقة جوري:أيوة ماهي الثقة اهم شي مش كدا يا..... كلهم:وداد😂😂😂💔(بي خشم بشة😂😂) جوري:دا هقيقة (بي خشم ماما اميرة😂😂)و...... ريم جات قاطعتها ريم:فروووووسي (طبعا بتقولها بطريقة أستغفر الله بس) رؤى:يادي النيلة جوري:خلاص جات يوسف:انتو مالكم حارقين رزكم😂😂 ،(فارس مشا ليها طبعا هي ما بتجي ليهم بتناديهو من بعيد) فارس:اهلين حبيبتي كيفك ريم:انا بخير طول ما حبيبي بي خير فارس:دوم يارب ريم:حبيبي لينا كم زمن ما طلعنا مع بعض انتا لي متهرب مني كدا فارس:ما قصة متهرب يا ريم لاكن انا كم مرة قلتا ليك انا مضغوط مع الجامعة ريم:الجامعة الجامعة الجامعة وبعدين مع الجامعة دي اسي مأكل الناس قاعدين يمشو الجامعة برضو دا ما يمنعهم أنهم يلاقو حبيباتهم فارس:خلاص يا ريم ما تزهجيني عليك الله وريني عايزة تطلعي متين ريم:بجد شكرا فروووسي وجات حضنتو ناس جوري ورؤى كانو بعاينوليهم من هناك لمن حضنتو رؤى قبلت وقالت: استغفرك ياربي هي ايه دي النيلة اللي فارس وااإع فيها دي ربنا يعينو عليها جوري ويوسف ماتو ضحك😂😂 علي رؤى المهم كل الناس رجعو بيوتهم وفارس مشا مع ريم اوزون ورجعو
يلا تعالو أعرفكم بي ريم يلا قمة الدلع وشوفة الروح فيها لكن جميلة أول شي قوامها متناسق مايلة للقصر لونها خمري بتحب الشياكة شعرها صابغاهو بالكبدي المائل للاسود ودايما بتحب تعملو كيرلي الحجل والزمام مابفارقوها ونوع الناس المصاحبة شلة الحراحر المتعجرفين في الجامعة الشلة الشايفا روحا أنها "يا دنيا مافيكي إلا انا"(اي بس ديل يا هم زاتهم الفي راسكم 😉)،وعندها انو الزول الما عندو قروش دا مابسوي ولا شي بالنسبة ليها عشان كدا فهمها عقيم شديد 💔💔
......................... في مكان تاني، جلس علي الكرسي وومرر يده علي وجهه مارا بعينيه الناعستين وفي نفس الوقت حادتين كعيني الاسد رغم ذلك يظهر منهما حزن دفين لاتستطيعان اخفائه وقد اقتلع منهما النظارة منتهيا عند شعره الغزير الأسود مثل الفحم ،وقد قال لصديقه حائرا :هسي انا اسوي شنو يا وليد وليد:اصبر يا رئبال بتتحلا أن شاء الله بس انتا خلي ثقتك في ربنا كبيرا وما تتهزا ابدا رئبال:ونعم بالله ، لاكن انا ما بقدر ارجع السودان تاني ذكرياتي كولها بترجع معاي ، والمشكلة انو أمي تعبانة و ماف طريقة تانية غير كدا وليد:اي كلامك صاح لاكن انتا لازم ترجع السودان بعدين الكلام دى تما تلاتة سنين وانتا مفروض تكون نسيتو بعد دا وامك اولا من كل شي والسودان ما ليهو علاقا ياخ افهمني ياخ مامكن انا لي سنتين بحنسك وهسي مفروض تمشي رئبال:طيب وابوي وليد:ما عارف والله غايتو ربنا يسهل الأمور إنشاء الله ، هسي انا ماشي المكتب في شغل ماخلصتو بنكمل بعدين أن شاء الله رئبال:إنشاء الله
