النبي مكنش بيعيش لُه اولاد..😞
كل لما يخلف ولد يموت "عبد الله..القاسم..ابراهيم"
،ماتوا كلهم !!
وف يوم النبي كان ماشي ف مكه ..
واحد من الكُفار قاله: يا أبتر .. عارف لما تقول فلان عمل عملية بتر لرجله ؟ يعني قطعها، اهو دا كان بيقول للنبي يا أبتر يعني يا مقطوع النسل بمجرد موتك هتتنسي مع الزمن لان ملكش حد يشيل اسمك من بعدك..عيالك ماتوا !
النبي كان يسمع الكلمه ويتدايق ويحزن حزن شديد😞
لحد لما ربنا قاله في القرآن :❤️
إنا أعطيناك الكوثر: يا مُحمد انا هعطيك نهر في الجنه ليك انت لوحدك..
اسمه الكوثرمحدش هيشرب منه غيرك فمتزعلش..
فصلي لربك وإنحر..قوم بقي صلي واستهتدي بالله وانحر..ادبح الدبايح ووزعها ع الغلابه
إن شانئك..الراجل اللي شتمك
ماله يارب؟!
قاله : هو الابتر..هيجي يوم القيامه ابتر مقطوع النسل ملوش ابن يعبره ويسأل عنه ولا عيله تقف جنبه هيجي بطوله،كله هيتبري منه ويسيبه..
متدايقش يا مُحمد! .. فرح النبي بالسوره دي جدًا ان ربنا يمكن حرمه من الخلفه لكن عوضه بنهر في الجنه وعوضه بان اسمه يتذكر للابد في الدنيا ويصلي عليه اكتر من مليار بني ادم يوميًا.. والراجل اللي شتمه يتنسي في الدنيا والآخره !
الفايدة: "عوض ربنا دايماً الأفضل والأحسن ولو مكنش فالدنيا هيكون فالاخره".....صلوا على حبيب الله عليه أفضل الصلاة والسلام
#منقول
أنت تقرأ
سعادة بطعم الأخلاق والدين
Romance( الكتاب ده اتعمل عشان يثبتلك ان الحياة لسه بخير وان فيه امل مهما طالت الهموم زي ما انت واثق انه في بعد الليل نهار) ❤💪 كان الهدف الأساسي من الكتاب هو تجميع الشبهات والقضايا التي لا يكف الملاحدة عن الأتيان بها مع الردود التي أقنعتني وبحثت عنها, ثم ت...
