سعادة بطعم الأخلاق والدين

مش هيفهمه ناس كتير

لو مارست امرأة الجنس مع رجل غريب و الاتنين عملوا تحاليل و كانوا خاليين من الامراض => العلاقة دي ليس فيها ضرر صحي

لو مارست غيرها الجنس مع زوجها و طلع عنده الايدز او فيروس بي => العلاقة دي ضارة صحياً

-------------

لو اكلت لحم خنزير متربي في مزرعة نضيفة و اخد تطعيماته و رعاية بيطرية جيدة و انت بدورك طبخت اللحمة جيدا => اللحمة دي مفيش دليل علمي علي انها هاتتسبب لك في ضرر صحي

لو انت اكلت لحم بقر متربي في مزرعة قذرة، بدون اي رعاية بيطرية و البقر كان عنده امراض => هاتبقي ضارة جدا بصحتك و قد تؤدي لامراض خطيرة

-------------

لو انت شربت 3 فناجين قهوة كل يوم او اكلت بار شيكولاته كل يوم في حياتك لمدة 40 سنة => انت معرض لامراض كثيرة

لو انت شربت كوباية واحدة بس من البيرة يومياً => هايفيد كليتك و ينظفها و هايخلي صحتك أفضل.

-------------

الإيمان بصحة النص في تحريم العلاقة الغير شرعية لحكمة إلهية أو أسباب إجتماعية مالهاش علاقة بالتحاليل  الطبية

الإيمان بحرمة أكل لحم الخنزير أو لحم الاسد ده حق كل مؤمن بس بدون إقحام الطب البيطري فيه لان الامراض اللي بتصيب الخنازير و الحيوانات الاخرى فيها تشابه كبير و كمان في أمراض بتصيب الحيوانات الحلال و لا تصيب الخنازير.
.
كون شرب القدر القليل من الخمر و الذي لا يؤدي إلي السُكر حرام شرعاً لا يعطيك الحق في ان تحتج بالعلم لأن السكر و الملح اللي في بيتكم ممكن يكونوا اكثر ضرر منها بكتير.

مصيبتنا أننا ربطنا العلم بالإيمان ربط مبالغ فيه جعل الناس تبحث في كل مسائل الإيمان عن أدلة علمية مادية و هدمنا بإيدينا كل وسيلة لتعليمهم "الإتباع" و "تقديس النص".

البحث عن الأدلة العلمية إجتهاد محمود و لكن المبالغة في الربط بينه و بين النصوص المقدسة يؤدي إلي نتائج كارثية و مصائب عواقبها وخيمة.

#اهدم_صنمك
#اقتصدوا_في_الإعجاز_العلمي
#منقول