سعادة بطعم الأخلاق والدين

معلومات تهمك

- ماتسبش بطارية موبايلك توصل لحد ١٠٪؜ وهتفضل كفائتها عالية معاك.
- الاندومي مابيجبش سرطان.
- متركزش في ١٠٠٠ حاجة، ولكن ركز علي حاجة واحدة ١٠٠٠ مرة.
- نصف المشكلة بيتحل لو إترزقنا بالشخص الصح اللي نحكيهاله.
- التغافل وتكبير الدماغ أهم أسباب إستقرار البيوت والعلاقات.
- النعمة وهي بتجيلك بيكون معاها قرين، وهو عبارة عن شخص يحسدك عليها.. فياريت تحصن نفسك بالاذكار.
- متزعقش وتتنرفز علي كل حاجة، إعمل لزعلك قيمة  ومتخليهوش أمر طبيعي.
- مش قادر تبطل ذنب.. يبقي علي الاقل متعلموش وتعرفه لغيرك.
- (صباح الخير، مساء النور، الله يعسلك) الكلمات دي أدعية لغيرك بالخير والنور الرباني، أما يعسلك يعني يرزقك بعمل طيب قبل وفاتك، والنبي قال: إذا أحب الله عبدًا عسله.
- طول ما إنت كتوم نورك ساطع، واول ما يستدرجك غيرك بفضوله ويخليك تحكي ساعتها هتخفت وبريق نورك هيضلم في نظره.. فإمسك لسانك.
- إن تيجي سيرة واحدة أو واحد قدامك بحاجة وحشة فتقول للي بيتكلم ملناش دعوة.. بشهادة النبي عينك مش هتشوف النار ولا وشك هيجي ناحيتها يوم القيامة.
- خلي نصيب الناس منك ٣ حاجات.. لو مش هتنفعهم متضرهمش، ولو مش هتفرحم متغمهمش، ولو مش هتجبرهم متكسرهمش!.
- لما يزورك حد متحرجوش بأسئلتك: تاكل؟.. تشرب؟.. حُط من اللي عندك وسيبه علي راحته.
- عاوز تنتقم؟!.. متنتقمش.. رجعهم غُرب زي ما كان زمان.
- لو عندك مقدرة تسامح سامح.. مش لغيرك، ولكن عشان قلبك يرتاح ونفسيتك تهدي.
- تبقي مغفل لو إتنازلت عن أحلامك بمجرد إن غيرك مش شايفها مناسبة بالنسباله!.

#الكتالوج.

من اجمل ما قرات .