على وشك الانهيار

البارت التاسع

ام علي: شافت علي رجع . تعال ولك شنو هل حجي.
علي : رحمه الوالديج يمه سكتي والله ماكو شي . البنيه تعبت ورجعت واني رجعت وراها . شاف غرفة مليسا مفتوحه ودخل . حط راسه ع المخده شافها رطبه من الدموع دفن وجها بيها اوف ياريحتج ماليه هل غرفه وشويه وغفه .
ام علي: شافت ابنها دخل للغرفه . اي مبين ماكو شي الله يقدم البي خير .

البنات.
لبنى: دخلت تركص قنعته ... قنعته .
غسق: ها شبيج ؟
لبنى: قنعت علي ميجي ياخذ مليسا بعد.
مليسا: صدوك وجيتت عليها حضنتها تعالن خلي اكوللجن شي بس لتحجنه. وكعدت مليسا تحجي ع مياده والي سمعته منها .
غسق: عززززا ..
لبنى:الولد يحبج وبالحفله اكلج اكل بعيونه.
مليسا: اي مبين اخذ مرته وراح .
غسق: غير انتي سويتي روحج تحجين ويه ولد وهوه حترك كلبه.
مليسا: يستاهل يلا خلني انام تعبت ..
لبنى: تصبحون ع خير .
غسق: ليش احنه مو دنيه صبح اني بعد مانام راح احضر نفسي اول يوم دوام وماداوم .
مليسا: اني اخبث واجي ساعه 10 اكثر .
لبنى: غفت ومليسا هم . وغسق طبت للحمام .

الصبح .
امير : ديعلم غسق ع الشغل . وهيه نعسانه كوه تركز. باعي ع الكمبيوتر شويه دخلي اهنا تلكين الملفات.
غسق: تثاوب .. اي فهمت.
امير: شنو انتي منايمه ؟
غسق: لا نايمه وشبعانه نوم شوف مصحصحه.
امير :مبين. احجي شبيج ليش منايمه.
غسق: وره مرجعنه للبيت اجتي مليسا واني لهسه منايمه.
امير: عاا . روحي ارتاحي وباجر نكمل ممتوازين هسه.
غسق: لا عيب من علي هسه يكول اول يوم تتكاسل بي.
امير: تعالي نشرب كهوه ..

علي: ينتضر مليسا وماكو خابرها.
مليسا: توها نازله من السياره وشافت تلفونها . الو ها علي.
علي: وجعا صباح الخير. وينج لهسه ماكو.
مليسا: صباح النور . اني راح ادخل جايه ..
علي: بعد مااجتي .. عيني انتي تعرفين عن الاداره فميحتاج اعلمج استلمي مكتبج بصف مكتبي .
مليسا: شكرا . رادت تطلع وكاللها شلون صرتي ؟.. التفتت عليه .زينه . بتسملها وهيه طلعت.

محمد: اخذ صوره لبنى بلا متدري وديباوع عليها .

لبنى: بالبيت خابرها صرب وطلعت يساعدها بالدراسه. بس هيه ممرتاحتله لان شويه عينها وكحه ومن تكوله اخي يكولها لتكولين اخي
صرب: يحجي تركي وهوه ديانته " صابئيه " رَنَ تلفون لبنى .. الو هلا محمد.
محمد: هلا بيج شلونج .
لبنى: زينه بس هسه دااقره وصرب ديساعدني من ارجع اتصل بيك.
محمد: ها انتي ويه صرب ؟
لبنى: اي.
محمد: سد التلفون بلا ميكولها شي.
لبنى: شصارله هاذ ليش سده بوجهي.
ورجعت تقره.

ام علي: تحجي ويه بنتها . ها حياتي جهان اي ماماتي اجي بس خلي اخوج يثبت بشغله واجي كم يوم يمجن.
جهان: تبجي مشتاقيلج والله يمه فدوه رجعي طك كلبي عليج.
ام علي: انشاالله اكول لخوج واجي عكب باجر .
جهان: انشاالله يمه اخذي راحتج.
ام علي: الله وياج .. وصاحت مياده ... مياده.
مياده: طلعت من غرفتها . هااا.
ام علي: راح ارجع للعراق تجين اشوفين اهلج لو لا.
مياده: اي طبعا اروح شكو باقيه اهنا.
ام علي: ماشي اكول لعلي وشوف شيكول ..