البارت الثالث عشر.
بالليل.
مليسا: خلت حمره . وتصل عليها علي .وطلعت البنات بالصاله كاعدات ع مسلسل .
غسق: واو هاي وين ويه كل هل شياكه ؟
مليسا: علي عازمني ع رحله بالبحر.
لبنى: بدت سوالف العشاق . الج ساعتين وربي اذا صارت بـ9 وانتي ماكو اخابر خالتج .
مليسا: تتمسكن لتصيرين قاسيه .
لبنى: اسفه بس مضطره .
غسق: اي صدوك تحجي لبنى اني هم حروح ويه امير واجي بـ9 عادي.
لبنى: لاموعادي انتي امير غريب مطلعون بالليل . هاي ابن خالتها .
غسق: يبووو داحسج مثل عمتي.
لبنى: اني موصايه عليجن عذرني اخواتي ماكدر اخاف عليجن اكثر من روحي .
مليسا: باستها وطبعت الحمره بخدها . وربي ماتإخر . باي
غسق: نفس طبعت لبنى طبعيها بخد علي.
لبنى: انجبي ثكلي . باجر يكول خفيفه.
مليسا: طارت راحت تركض شافت علي واكف ومكتف اديه اتأخرتي ؟ اي وربي استلمتني لبنى تكول ساعتين وترجعين.
علي: فتح الباب . دتعالي وخلي لبنى تحجي براحتها.
مليسا: غير تخابر خاله .
علي: لا صدوك عود .. مليسا: اي وربي تهديدها بالعضم.
علي: بس احسن دااطمئن عليج لبنى عاقله وفاهمه مو مثلجن . مخابيل .
لبنى: اليوم محمد تعجب بالاكول السويته .
غسق: هههه الله يفتح كلبه عليج.
لبنى: يمعوده ماضن . ولو ماكو شي بعيد عن رب العالمين بس يختي اني مطلكه و قاطعتها غسق.
غسق: و شنو مو بشر واذا اطلكتي يعني اله جديده يردون . هيه تحجي ولبنى تضحك . والله ياالله عاد الميريدنه يطبه مرض فشلتي بزواجج الاول مو معناها هاي هيه.
لبنى:ماكدر اتجاهل مشاعري اتجاها بس لازم اسيطر ع كلبي اخاف تاخذني الموجه وغرك.
غسق: اني غركت .. لج اليوم المخبل وكف كدام الناس ويكول اني احبها وهيه بقره ماتفهم . لان مضحكتله.
لبنى: هههههه والله حلو .
محمد: ديتفرج لعبه .. وامير كاعد يمه ويشجع وخابص روحه. اكول امير .
امير: ها ..
محمد: وجعا . اكولك اني جني داحب من جديد .
امير: اي خوش .
محمد: هوه موصوجك خ اكوم انام .
امير: لا لا صدوك تعال منو الي تحبها ؟
محمد: لبنى .
امير: زين ماختاريت بس لبنى مطلكه .
محمد: اي وشبيها الطلاك مو عار وبعدين ماسمحلك تحجي عليها هيج .
امير:نهز شاربه ع مرته
محمد: انجب .
علي:واكف ويه مليسا .. صعدي .. تصعدين لو نرجع ؟
مليسا: اكيد المغامره حلوه . ساعدني . صعد كدامها بالتخت وكمش ايدها وسحبها . الله شكد حلو ودخلت تباوع .
علي: شغله وتحرك . باوعلها . بسرعه كعدت . علي فدوه اخاف . هههههه دقيقه واجي يمج تحرك شويه وراح جابها يمه كعدت وهوه يقود .. تدرين اليوم منرجع للبيت.
مليسا: ليش يابه ؟
علي: اسمع كلمه احبك ياله .
مليسا: عادي اني انام اهنا وانت ابقه كاعد.
علي: مستحيل ياحلوتي . اني ارجع سباحه وانتي ضعلي اهنا.
مليسا: ينطيك كلبك ؟.
علي: اي .. المهم تعالي ننزل جوه .
مليسا: وين ؟ اكول لتبقه تحجي حجي ماحبه.
علي: اخذ نفس اني صابر عليج بس وربي اذا طخت ابالي هسه اشمرج منا لج اني اخاف عليج من كولشي تردين ٲذيج.
مليسا: كمشت ايده . اني يمك احس روحي املك الكون.
علي: ابتسم . ياروحي انتي . . بقت تباوع بعيونه . يلا خلي نرجع .. هههههه هيه مال لواته كولي احبك ونرجع.
مليسا: استحي . والله ليش اتخجلني .
علي: شطالب اني . وبعد ساعتين من السوالف وهوه ساعه يغازلها ساعه يباوع لعيونها وساعه يلعب بشعرها .
مليسا: كاعده كدام علي وهوه كامش شعرها . ويلم بي من وجها . علي .
علي: روحه .
مليسا: بصوت ناصي احبك.
علي: شنو مسمعت.
مليسا: لا والله .
علي: اي والله . يلا كولي خلي ارجع .
مليسا: دنكت راسها بصوت شويه عالي .احبك .
علي: باعي بعيوني وكوليها . اليوم امسح هاذ الخجل.
مليسا: باوعت بعيونه واخذت نفس احبــــــــككككك . بصوت عالي.
علي: ههههههه حضنها كعتي السمجات خطيه .
مليسا: بقت ساكته بحضنه . يارب كون توكف الساعه اهنا كون اعيش عمري بحضنه هيج يارب شكد مرتاحه . داحس بحضنه الامان الي جنت احسه بحضن ابويه . داحس الحنيه الي جنت احسها يم امي . داحس الحب الي بيزن كوله عنده .
علي: حس تشيرنه تبلل . خله ايده ع خدها لكاها تبجي . كمش وجها بديناته ثنينهم . شبيج ؟
مليسا: تباوع بعيونه وبس دموع تنزل . لتعوفني ابد .
علي: باس خدها . حتلو اذيتيني وضجت منج اموتج حته ماشوفج يم غيري.
مليسا:قابله تموتني بس لتعوفني.
علي: رجعها لحضنه وشغل التخت ورجع . ميلو كافي تبجين تره ابقيج اهنا.
مليسا: هههههه اوك ماابجي بعد .
أنت تقرأ
على وشك الانهيار
Fiction généraleقصتي تتكلم عن ثلاث بنات لكل وحده قصه مختلفه عن الثانيه لتقن تحت ضروف تابعو القصه ونشاالله تعجبكم ♥
