على وشك الانهيار

البارت الخامس

بالعراق.
ابيت لبنى .
ام حسين: خابرت ع لبنى شفتها وين ماوين ؟
حسين: اي يمه مستقره ويه صديقاتها ودزتلي صوره. اني بعد كم يوم اروح بلا متدري اشوف شنو الوضع.
ابو حسين: شوكت تبلش دراسه.
حسين: يابه تكول اليوم اول يوم تقديم . وبعدين تدرس بالبيت.
ام حسين: الله يوفقها ويبعد عنها ولد الحرام .
حسين: يئشر ع ابو وامه طلعت بمسؤليتكم اذا سوت غلط . ماحاسبها بكد ماحاسبكم ويئشر عليهم.
ابو حسين: بصوت تربيتي وعرفها مالها بالغلط شي جان سوته الغلط من طاحت بورطه . وسكت حته ميجرح جنته....

ابو غسق وعمتها رجعو للعراق . وقررو يرحون يشوفوها بس يرتبون امورهم.
ساهره: شبيك ياامين . تره البنيه متئكدين منها كل الزين وانت مدام هيج راح تاكل روسنه شكو دزيتها.
امين: خفت اضغط عليها وتغافلنه وتروح عاد بعلمنه احسن.
ساهره: انتبه داتحجي ع تربيتي يخوي.
امين: انشاالله مااحجي ابد .. بس نروح اني وياج نشوف شكو ماكو يمها.

بتركيا.
مليسا وغسق طلعن يشوفن الشغل بالمطعم . ولبنى راحد تقدم وثيقتها .
مليسا: بالطريق.لج شلون نشتغل بمطعم خاف يتحرشون بينه .
غسق: خلي يقبلون اول مره وبعدين محد يتحرش قابل عراقيين يركضون حته وره البزازين.
مليسا: انشاالله خير.

لبنى: وصلت ونطت وثيقتها وفايلها ونطوها ورقه توقع عليها ونوب طلعت تشتري كتب .
بالمكتبه.
داتختار كتب للصف السادس ادبي . وصادفت ولد شويه ضخم وحلو هوه تركي بس اسمر .ومعروف انو التراك كولهم بيضان وشكران.
الولد: باللغه التركيه. مرحبا اني صرب.
لبنى: اهلا اني لبنى من العراق .
صرب: اها تشرفت بيج . محتاجه شي ؟
لبنى: لا اخذت شويه كتب اقره بيهن بالبيت.
صرب: المكتبه وصاحبها كدامج.
لبنى: شكرا جزيلا راح احاسب وطلع لان عندي شغل بالبيت.
راحت للمحاسب مال المكتبه ودفعت فلوس الكتب وطلعت ..

علي:بعد شهرين ونسوي حفله افتتاح ونعزم كم مدير شركه وزبائن شويه زينين حته نسوي صيت للفرع هاذ .
محمد: ااي احسن شي تسوي .
امير: بس يكلف اهوايه.
محمد: اني وياك منقصر.
امير: اكيد غير اخوي الجبير هاذ.
علي: كفو منكم متقصرون .
محمد نروح للمطعم نتغدا اني جعت.
امير: اي ياريت.
علي: اني مااشتهي.
امير: يااخي راح توكع من طولك هلفتره بس شغل ماتاكل هوه هيج كالوها .
محمد:شغل ومليسا الله يساعدك.
علي: البارحه اذكرت كالت بحفلت التخرج راح كرار يساعدني وشرد من العراق ويه كرار ومرته بلكي كدرت تطفر .
محمد: لوين تروح مكالتلك حته نشوف وينها.
علي: لا يخوي ماكالت .ولاجاي اذكر .
امير: خله ايده ع كتف علي المقسوملك مايضيع.

مليسا وغسق . شافن ابو المطعم وشغلهن وشافن الشروط وقبلن عليها .
رفعت: بنات الي ميناسبجن احجن من هسه واني اوعدجن محد يتعرضلجن.
غسق: تسلم عمو متقصر .
رفعت : ولو انتن هم بحسبت بناتي لا ونوب عراقيات من لحمي ودمي شلون اعوفجن.
مليسا: بندي شغل من اليوم.
رفعت: اي عمو من اليوم ابدو شغل. ونطاهن ملابس كرصون وهنه هم مستورات يعني مو مثل باقي الملابس تنوره قصيره وهيج شي لا عباره عن بنطرون وبدي ربع وسدريه ..