على وشك الانهيار

البارت الواحد والعشرون

ابيت ام علي .
بعد مارجعو من السفر ومر يومين ع وجودهم بالعراق بدو بعرس علي ومليسا . العرس بالبيت والمعازيم كلش قليلين بحيث بس الاصدقاء والاقارب .

مليسا: اوف السحاب ليش يحشر .
هاله: اوكفي ولج عدل .
هيام: عاد كلش مالي خلك السحابج.
مليسا: امداك انتي .
هيام: تره اشلع السحاب وخلي قلاقيلج تطلع.
هاله: راح تفرج عليها امت محمد قبل لا يشوفها اخويه.

هيام: اي جا الجمال هاذ كوله بس العلي.

ام علي: كافي حجي ونزلن الدنيه كولها جوه حته البنات اجني وبس يصفنن زحمه منهن.
هاله: يابنات .
مليسا: اخذت ابايد هاله امشي اعرفج عليهن .

نزلن جوه وجان كولهن ملتمام بالحولي ولشباب بالصاله .
مليسا: هاله وهيام . غسق ولبنى.
لبنى: اوي عمه هوه هيج اليعرف .
هيام: مو اكولكم تجلط تكولولي لا خوش بنيه .

مليسا: شالت فستانها . هوه هيج مشت رادت تكعود وشافت مرة عمها وبناتها . اتقربت من خالتها ذني شجابهن ؟
ام عادل: مبروك يمه وتهلهل وجنها ممسويه شي. وبناتها يباركن .

مليسا: هيج صلافه اني مشايفه .
هاله: ولا يهمج عدنه منها اهوايه . بس لتنطيهن وجه .
مليسا: اجني ع مود الزقوم انطوهن وخلي يرحن.

لبنى: ولج مو هيج اسكتي .
البنات: يضحكن .
غسق: تعالن انحضر العصائر للشباب .
هيام: اني محضره حته الكلاصات . راح اخليلهم واجي .
لبنى: جايين وياج . وراحن البنات اربعتهن للمطبخ.

غسق: لج متصل بيج محمد ؟
لبنى: بحزن يمعوده مثله مثل غيره يولي ماحاجي بعد. هسه لو اعرف عليمن زعلان جان ارتاحيت.

غسق: اوف ياربي .
اندك الباب.
هاله: هاذ امير اجه .
غسق: طفرت انطيني اني اخذ.
هاله: وسم شبيج ؟
لبنى: ههههه عشيقها.
هيام: ماشالله . احجي انتي حته لصدمينه.
لبنى: اخذت نفس . اني سالفتي سالفه تعالن يم مليسا.
هاله: لا حب لا تعالي احجي منو الحب تبعج.
لبنى: محمد .

هيام:فتحت عيونها . محمد الشيخ .
لبنى: اي .

هاله: زين ماختاريتي هههههه . المهم تعالن.
لبنى: معقوله بي شي وميكولولي .

هيام: امشي شبيج صافنه .

راحن يم ميلو بس لبنى كاتلها الحزن .

امير: ها تفاحتي . شلونج .
غسق: تمام وانت .
امير: اني كلش مو تمام كلبي طاك عليج وانتي الحقيره متخابرين.
غسق: غير يم اهلي .
امير: دخلي اجي اخطفج من اهلج .
غسق: اكول حبيبي شبي محمد ويه لبنى . خطيه تكسر الخاطر.
امير: ليش شبيهم ؟
غسق: من رجعنه ولهسه حته سلام ميسلم عليها.

محمد: لك وين صرت .
امير: جاي . اوك حبيبي اشوفه شبي .
غسق: دخلت وبقت اصفك وتغني وياهن .

امير: محمد شبيك ويه لبنى؟
علي: باوع صفح مو ع اساس راح تخطبون ؟
محمد: امي معارضه .
امير: ع اساس يوكف بوجهك ام .