على وشك الانهيار

البارت السابع

ام علي: ادك بالباب .
علي: لتخافين مراح اذبحها ويباوع ع مليسا.
مليسا:كاعده ع الجربايه ومدنكه راسها. هاذ بس لا يوديني العمو.
علي:اكو شريفه تشتغل بمطعم ؟
مليسا: دنكت راسها وساكته محجت.
علي: ليش شرتي مني ذيج المره ؟ ليش متردين الكاج ؟ درينثتي بيه اهنا ليش ماجيتي ؟ بصوت عالي كرار قندره ويييييييننن ؟مليسا سدت عيونها حيل وخلت اديها ع وجها وبقت تبجي من الخوف وعصبيه علي .. اتقرب منها وكمش اديها احجي لتبجين . احجي لاحركج هسه اشغلج بالمطعم .طلع تلفونه وخابر كرار.
كرار: نايم ودك تلفونه.. الو علي .
علي: هلا كرار شلونك.
مليسا كمشت ايد علي .وهزت راسها لاا تحجي بصوت ناصي لتحجي فدوه لتكول.

كرار:زين الحمد لله.
علي: جامليسا اهنا ليش مكتلي.
كرار: ليش انت وين ؟
علي: بتركيا وهاي مليسا لكيتها.
مليسا: دموعها تصب وترجف وتتوسل بي.
كرار: ها اي خوش لو ادري جان كوتلك من زمان بس ماادري انته اهناك. بس وين لكيتها.
علي:لكيتها بالمطعم.
مليسا: خلت اديها ع وجها .
علي: شفتها دتتغدا هيه وبنات ثنين وتفاجئت بيها اهنا هسه باوعتله وعيونها مليانه دموع .. المهم اخابرك بعدين اني راح اطلع .
كرار: الله وياك حبيبي خلي بالك عليها امانه.
علي: انشاالله.. وسد التلفون . احجي اسمع.

مليسا: تشهك وتحجي .. اني . ماريد ارجع لبيت عمو والله علي مااتحمل اعيش ويه واحد سكير . الف مره تحرش بيه كوه اخلص روحي منه . حتاجيت ومحد يمي مكدرت اخلي كرار ومرته اهنا همه شنو ذنبهم . عشت ويه صديقاتي وشتغلت بالمطعم ردت اثبت روحي لحد ماالكي شغل بشهادتي. بقت تشهك .. و.
علي: نكسر كلبه اصلا كلبه وكف يحاسبها كوه عن نفسه .قاطعها بعد مترحين الاي مكان تبقين اهنايه حالج حالنه.
مليسا: سكتت .

علي: بقه يباوعلها وهيه مشالت راسها . دمعت عيونه لج مبقه مكان مدورت عليج حته للمطار خابرت . من سمعت انتي اهنا الليل منمته ليش تعرفين اني وين ومتجين ؟
مليسا: مجنت ادري لحد ماشفتك قبل كم يوم وخفت ترجعني البيت عمي . بعدين ليش مهتم الامري.

ام علي: يمه شبيك افتح الباب الخاطري.
علي:مد ايده راد يمسح دموعها بس هيه فزت عبالها يضربها. اقترب عليها خايفه هههههه المسويه سوايتج متخاف يلا امي راح تنجلط عليج عود تستاهلين خوفها . نوب طلع واشر عليها باصبعه شوفي يمه اذا شفتها معتبه الباب اكسر رجليها والله.
ام علي: اكسر ايدك . وحضنت مليسا يمه كلبي طاك عليج ليش ولج خليتيني بقلل وهاذ الخبل لليله منامه ع مودج .
مليسا: باوعتله . وحضنت خالتها .
علي: يلا اروح بقيت الشباب وحدهم. طلع وبقت مليسا وعمتها ومياده مطلعت من غرفتها تطحن بروحها.

البنات:
غسق: شمرت الجنطه وبقت تفتر بالبيت ودردم . هوه شعليه شعليه بيه الله ياخذك ... نوب وكفت .لا اسم الله .. ونوب ذاك اخذ مليسا .. وطفرت ع لبنى بس لا يسويلها شي .
لبنى: كعدت ع الكرويته . لا يمعوده . ماعتقد يسويلها شي بالليل ونخابرها.
غسق: كعدت بصفها . لج شلون هسه شلون.
لبنى: خلي يهده الجو يمعوده لتخبصين راسي خلي افكر.
غسق: بصوت عالي هجم بيت راسج اني رايحه ماابقه اهنا  . وخذت جنطتها وطلعت.
لبنى: امري ل الله جايه .