على وشك الانهيار

البارت الحادي عشر

البارت الحادي عشـر.
بعد ماوصل عم مليسا لتركيا . راح ع العنوان الي نطته الهم مياده. دك الباب وطلعت .
مليسا: فتحت عيونها عـ..ـمـ..ـوو
ابو عادل: وعمه العماج وكمشها من شعرها.
مليسا: رادت تخلص روحها وتعيط عوفني .
لبنى: شكو وطلعت تركض هيه وغسق وسحبتها . هاذ منو وشتريد منها.
ابو عادل: بيت مال كحـ. هاذ لو شنو .

غسق: رئستا طبت وخابرت علي.
علي: متمدد ع الكرويته وجا اتصال غسق. الو ها غسق.
غسق: علي الحك واحد اجه اهنا ويريد ياخذ مليسا يمكن عمها.
علي: سد التلفون ولبس سترته وطلع مستعجل ..
مليسا: خلصت روحها كوه ودخلت للغرفه وقفلت الباب. كعدت وترجف وتبجي.
غسق: عمو منا الناس وعيب هل تصرف تره يجون ياخذوك الشرطه.

ابو عادل: انتي انجبي ولتحجين منو حضرتج وبقه يسب بغسق ويغلط عليها  . نوب كالها امج الدايحه معرفت تربيج ومديحتج اهنا .
غسق: اياني واياك تحجي ع امي تره اخابر الشرطه خليني محترمتك لخاطر مليسا .
لبنى: حجي عيب عليك انت مو صغير شنو هل تصرف . دخلت غسق وغسق تفور لان حجه ع امها .
ابو عادل: طلعنها هاي الدايحه اليوم اشرب من دمها .

علي: وصل شاف ابو عادل بالباب. اشر للبنات يدخلن  . تره عيب تتهجم ع بنات .
ابو عادل: العيب عليك ياسكط شعندك ويه بنت اخوي .
علي: ماعندي شي وياها بس مثل ماهيه بنت اخوك هيه بنت اخت امي يعني بنت خالتي عرضي هاي . واذا تحاول تقتربلها والله احرك الخضر واليابس تريد وحده لبنك روح شوفله من مستوا مو لكيتلك بنيه ماوراها اهل عبالك تستغلها وتزوجها الواحد مالاكيله مره من وره سوالفه المكسره .
ابو عادل: احترم نفسك عاد سكط مو سكط غصبا ماعليها تزوجه.
علي: متزوجه مليسا . وهيه اهنا اجتي اشوف صديقاتها.

ابو عادل: مزوجه شنو ؟
علي: اي ازوجنه اني ومليسا ومنتضرين العقد يخلص .
ابو عادل: منو سمحلك تزوجها .
علي: امي سمحتلي بماانو هيه خالتها فهيه المسؤله عنها مو بس انت وبعدين اني احق من ابنك السكط.
ابو عادل: خوش لعد اخذها بالعافيه عليك بس انطيني غايبها وحاضرها واذا مليت منها وتريد تشمرها لتجيبها الي وشوفني خلقتها .
علي: فتح عيونه تبيع بنت اخوك وانت الي جاي مناك ليجاي ع مودها ومسوي روحك حريص.
ابو عادل: فكنه من هل حجي . ومهرها 200 مليون اذا متكدر لهل مهر طلك ونطينياها .

علي: راح للسياره جاب دفتر . اكو بيت بالمنصور 200 متر كامل وبنائه حديث وسعره 300 مليون اخذه الك مكانها تحب نوقع لو تريد بعد.
ابو عادل: سحب الدفتر من ايد علي وباوع بالورقه شافه صدوك جان يوقع وياخذ الورقه .
علي: ميصير هيج التفاق تعال خلي اجيب شهود وعقد لازم بينه يصير . اتفضل اكعد جوه . دخل ابو عادل ودخل وعلي خابر ع امير ومحمد اجوي.
كاعدين بالصاله.
محمد: تفضل حجي وقع اهنا .
ابو عادل . وقع ولشباب وقعو ويا .. سفط الورقه وخلاها بجيبه .وطلع .