عشقتك حتى النخاع 💕

part 4❤️

💕

احســــاس مؤلـــــــــــــــــــــــــــــم....
ان تجد بعد العناء من تحبه...لكنك~~~~~~~....
عاجــز عن الوصول الـــــيه💔.....

•••••••••••••••••••••••••••••••••💕

البنات كانوا في الكوفير بتجهزوا للحفلة.....
رغد:نعزم ناس حسام...
جيهان:عزمناهم...
رغد:حلوووو❤️....
رغد لبست فستان لونو كحلي طويل ومخصر على جسمها....اكمامو كاملة...ومن ورا مفتوح لنص ظهرها او تحت بشوية....لبست تاج الماس صغير وكعب فضي....وسلسل رفيع بالالماس....وحلق طويل...وكانت توووووحفة.....



••••••••••••••••••••••••••••••••💕

بهناك الشباب كانوا بتجهزوا عشان يمشوا الحفلة.....
حسام:ابوي قال لي بت خالد الكاسر معانا في الجامعة.....
احمد:خالد الكاسر بحالو😱....
خالد:واااو اكيد كسااااارة 😍....
امجد:اوف كورس ح تكون كسارة....
حسام:واثقين كدة مالكم...
امجد:أنا م داير بت خالد الكاسر انا داير رغد دي بس❤️😍.....
خالد:اي والله البت دي شدة م سمحة م بقدر اعاين ليها زاتو....
وليد:بطلوا وهمنة تمام😒....
حسام:هي م سمحة شديد...
احمد:كذاااااااااااااااب😑....
حسام:😒😒😒😒😒😒😒😒😒😒😒😒😒😒
احمد:خلاص ارح الحفلة بتفوتنا...
خالد:دقيقة نشيل هدايانا....
شالوا هداياهم ونزلوا تحت وركبوا العربية واتحركو.....

•••••••••••••••••••••••••••••••••••💕

الناس كلها كانت منتظرة رغد تجي.....طبعا معظمهم ناس دفعتها ومعظمهم ما عارفين هي منووو....
الفندق كان مزيين كلو بالبالونات والانوار والشرايط الملونة كان توووحفة👌....والحفلة كانت ب 50 سنت....
امجد:كان دا عيد الميلاد العرس بكون كيف....😌
احمد:الله اعلم....
شوية كدة الانوار طفت وفي نور اتركز على البوابة....الناس كلها انظارها اتوجهت للبوابة....وجات داخلة رغد💕 كانت اية في الجمال...كانت لا توصف...الشباب كلهم من اجانب وعرب فتحوا خشمهم وهم بعاينوا ليها....جات داخلة وهي راسمة في وشها ابتسامة مافي احلى منها😊....
دخلت وجابوا الكيكة وكانت من خمسة طوابق... وبالجمبات فيها ورود وقلوب صغيرة....
قطعت الكيكة واصحابها جابوا ليها هداياهم وشكرتهم....بعداك مشت وقفت مع شلتها وشلة حسام...
رغد:الحفلة حلوة...؟!
امجد:حلوة لكن ما احلى منك😍....
رغد ضحكت وقالت: ثانكس...
احمد:رغد...
رغد:هلاا...
احمد:بتعرفي بت خالد الكاسر؟!....
رغد عاينت لصحباتها وقالت ليهو:خالد الكاسر....
احمد:اي....
رغد:اها مالها...
احمد:قالوا معانا في الجامعة بلييز كان بتعرفيها ربطي لي معاها...
صحباتها ضحكوا وهي قالت ليهو:يعني شنو ربطي؟!.😯....
امجد:ربطي..يعني حنكي ليهو معاها...
رغد:حنكي؟!😕😕😕
امجد:جاية من وين انتي...يعني خليهو يتكلم معاها....
رغد:اهاااا....
قاطعها صوت ناصر.....
رغد:ايوة ناصر...
ناصر:ممكن ثانية انسة رغد....
رغد:اكيد...عن اذنكم شباب...
وليد:مش دا مدير اعمال خالد الكاسر زاتو....
خالد:اي هو....
سكتوا مسافة وهم بعاينوا لبعض وتاني حسام قعد يضحك....
حسام:كتمت لو طلعت هي بت خالد..😂😂😂😂😂😂😂😂.....
احمد:كدي اسكت ياخ....ما ممكن تكون بتو....
سمر:لكن هي بتو...
احمد بلع ريقو وقال:كذاابة...
ليان:اسألها....
رغد جاتهم وقالت ليهو:كنا وين..اها اخليك تتكلم مع بت خالد...
احمد:لالا ياخ كسرت الحنك...
خالد:رغد انتي ابوك اسمو منو...
رغد:لييش...
امجد:مجرد فضول...
رغد ابتسمت وقالت ليهو: enjoy the party ومشت خلتهم....
حسام:دي مالا🙄....
ليان عاينت لخالد وقالت:مالك ومال ابوها...داير بيهو شنو يعني...😡
امجد:ما بس انتي قلتي اسألوها....
سمر:اذا انتو م مصدقين دي حاجة ترجع ليكم انتو فاهمين😡...ومشو خلوهم....
حسام:لا بالجد في شنو؟!😳...
وليد:انا عارف😕...
خالد لمح رغد وهي بتبكي:يا شباب رغد بتبكي...
وليد:ليه؟!....
حسام:شكلو في قصة....
امجد:احتمال الموضوع يتعلق بأبوها😯....
احمد:بتكون اتذكرتو مش هو مات قبل شهرين تقريبا....
خالد:منو هو؟!...
حسام:خالد الكــاسر ابوهـــــــــا....
وليد عاين لخالد وامجد وقال:مفروض تعتذروا ليها....
خالد:امجد تعال....
خالد ساق امجد ومشى لرغد وقال:رغد انا اسف والله م كان قصدي...
رغد مسحت دموعها وابتسمت:لا عادي...
امجد:حتى انا اسف...
رغد:نحنا اصحاب م في بينا اعتذار...وبالمناسبه انا اسمي رغد الكاسر...
احمد:كنت عارف😁...
امجد:بسم الله جيت من وين انت...
احمد:من السودان😒💔...
اثناء ما هم واقفين مع بعض وبتونسوا يزيد جا من هناك.....
يزيد وهو بمد ليها هدية وورد:كل سنة وانتي طيبة رغودة...
رغد:وانت طيب شكرا
حسام والشباب والبنات كانوا بعاينو ليهو ياشمئزاز شديد....
بعد معط دام لاكتر من نص ساعه من قبل يزيد.....
يزيد:يلا يا بيبي كان نفسي اقعد اكتر بس مشغول شوية...
حسام:م قصرت والله...
يزيد:انا بتكلم مع رغد...
رغد مسكت يد حسام وقالت:انا وحسومي واحد😇...
حسام اتصدم من ردة فعلها لكن ابتسم ليزيد ابتسامة استفزازية😏....
يزيد بلعها في حنانو ومشى خلاهم....
امجد:واااي لكن يا رغد نسفتي جد ابو جبهتو زاتو😂....
رغد:ياخ ما قاعدة احبو نهائي بس هو جنو يتلصق فيني....
اتونسوا مسافة وبعداك رغد قالت:حسام ممكن دقايق..
حسام استغرب من طلبها بس قال:اوكي يلا...
رغد:تعال الحديقة...
رغد وحسام طلعوا ورغد قالت ليهو:انا اسفة عشان يوم المستشفى...
حسام:لا عادي اصلا انا نسيتو😊...
رغد مدت ليهو يدها وقالت:new page....
حسام مد ليها يدو وابتسم وقال:no problem....
رغد من الفرحة حضنتو وحسام اتصدم منها بس ما بين...هي بعدت منو وقالت:سوري انفعلت شوية😔...
حسام:لالا عادي....
المهم ياخ الحفلة خلصت واي زول رجع بيتهم مبسوط وفي مشاعر اتولدت داخل حسام تجاه رغودة المزيونة❤️....