💕
السبب الذي يجعل الذكريات موجعة...
هي انها كانت صادقة جدا مع من...
رحلـــوا من حيـــاتك 💔
••••••••••••••••••••••••••••••••••••••••••••💕
قاطعها بكف رماها في الارض وهي بتنزف....مسكها من شعرها ووقفها وقال ليها بصوت غاضب:يا**** ليه م عملتي الغداء قاعدة هنا بتعملي في شنو ووظيفتك شنو هنا..صرخ فيها:وووورررييييني 😡😡😡
عبير م كانت قادرة تفتح خشمها من الالم...رماها في الارض وهي حست انو ظهرها اتكسر...اول م رماها جاب عصاية طوييلة وبقا يضرب فيها وهو بنبز فيها لمن تعب وفي النهاية رما العصاية في الارض وطلع بعد م قفل عليها الغرفة....
👆دي كانت حالة عبير كل يوم... دايما بجي من برا سكران وبقع فيها ضرب م عارفة هي عملت ليهو شنو...من يوم اتزوجتو بس كان بضربها...
لعنت ابوها وعمها وكلهم واولهم نفســـها 💔...
••••••••••••••••••••••••••••••••••••••••••••💕
في فلة ابو حسام...
غرفة وسام...
كان راقد في السرير وهو ماسك صورة عبير....اتذكر الرسالة الرسلتها ليهو صحبتها...كان مكتوب فيها..
" لو سمحت انقذ عبير...البت عايزة تضيع شبابها مع واحد اكبر من جدها زاتو...دا كلو عشان تنساك وعشان هي وعدت بكدة...بليييز يا وسام أنقذها "
ورسلت ليهو صورة ثعيد صراحة لمن شافها بطنو طمت واستغرب كيف عبير ح تعمل حاجة زي دي... صحيح انو قلبو واجعو عليها شدييييد وهو كل يوم بتقطع اكتر بس في حاجة بتقول ليهو خليها تستاهل الفيها دا واكتر 💔....
••••••••••••••••••••••••••••••••••••••••••••💕
عند سمر....
كانت بتتكلم مع خالد....
سمر:خالد خلاص...
خالد:لا والله قوليها تاني...
سمر:اممم ابيييت...
خالد:والله اجيك في البيت...
سمر بتحدي:م بتقدر...
خالد:تحدي ؟؟...
سمر:اي...
خالد:طيب افتحي لي الباب....
سمر بضحكة:احساس أنو أنت قاعد تحت....
خالد:انتي افتحيهو وشوفي....
نزلت تحت وهي ميتة من الضحك فتحت الباب ولقت خالد في وشها من الصدمة قفلت فيهو الباب 😂😂😂😂😂...قام ضرب الجرس...جات البت الشغالة عاينت ليها باستغراب وفتحت الباب ورجعت مطبخها تاني...
سمر عاينت لخالد وهو ميت من الضحك...
خالد:اها ح تقوليها ولا نمشي غرفتك؟؟!...
سمر فهمتو غلط طوالي هبت فيهو وقالت:يا حيوان يا كلب داير شنو في غرفتي اصلا انتو كلكم واحد كلكم نفس الطينة ياخ ديل شنو ديل 😤😤😤😤...
خالد:😳😳😳😳😳😳😳...في شنو مالك؟؟؟
فهم هي قاصدة شنو بس فقعها ليك ضحكة...
سمر كانت بتعاين ليهو باستغراب....قام قاليها:حبيبتي عمري وحياتي فهمتيني غلط...انتي براك مخك شمال😂😂😂😂...
سمر اتحرجت ومشت منو قام مسكها من يدها وقال ليها:اها بعد دا كلو م دايرة تقوليها...
سمر:اممممم بحبك ❤️...
خالد فك يدها وبقا يصرخ:قالتها يا ناس...قالتها اخيييرا....
فجأة سامر وسارة اخوانها وابوها وصحباتها وام خالد وابوهو ديل كلهم جو طالعين من وين وكيف م معروف....
كلهم كانوا بقولوا ليها: ❤️ happy birthday to you
عاينت لخالد وهو قال ليها:حبيبتي أنا مستحيل انسى يوم ميلادك....
سمر ابتسمت ليهو بامتنان وحب وهو بادلها الابتسامة...المهم احتفلت مع اهلها واهل خالد وكلهم ادوها هداياهم ولمن جا دور هدية خالد...ركع على ركبتو وطلع ليها خاتم وقال:سمر حياتي وحبي..البت المن اول مرة شفتها فيها ملكت قلبي سنة كاملة وهي ما حاسة بحبي ليها...الليلة بعد سنة وشهر وتلاتة يوم حست بي واعترفت لي بحبها...اليوم واسي وقدام الناس ديل كلهم أنا بحبك ودايرك على سنة الله ورسوله تقبلي تتزوجيني؟؟
سمر كانت بتعاين ليهو ودموعها رقرقت طوالي هزت ليهو راسها بلالا..
خالد نزل راسو ورفعو تاني وقال:يعني بعد المحاضرة دي ووجع الركب دا م دايرة توافقي😧...
سمر ابتسمت وهزت ليهو راسها بموافقة...خالد ابتسم ولبسها الخاتم وسط فرحة اهلو واهل سمر ❤️
أنت تقرأ
عشقتك حتى النخاع 💕
Dla nastolatkówعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
