💕
من باعـك واعتبرك سلعــة....
ثم نــــــ💔ـــــــدم....
اخبره بــان البضاعة المباعة...لا تستـــبدل ولا تـــــرد....
••••••••••••••••••••••••••••••••••••••••••••💕
العصر.....
وليد وامو وابوهو واختو جهزوا عشان يمشو لدان ويخطبوها....
المهم ياخ وصلوا ناس دان..ومنتصر ابو دان رحب بيهم وخصوصا أنو احمد ابو وليد صحبو من زمااااان....
دان م كانت عارفة الجا منو بس ضيوف اصحاب ابوها نزلت سلمت علي وتين ومناهل ام وليد....ولاحظت للشبه بين ام وليد ووليد...بس م ركزت..وم خطر على بالها انها تكون ام وليد....
عند الرجال....
بعد الونسة الكتيرة ومن موضوع لموضوع ومن شغل لعملية وووووو....احمد قال:والله يا منتصر السبب الرئيسي لزيارتنا دي..أنو انا داير بتك دان لولدي وليد دا❤️.....
منتصر بفرحة:ونحنا وين لاقين زي وليد دا...طبعا لازم اسألها في الاول....وانتو ناس نسبكم يشرف....وغير كدة ياخ انت اخوي نحنا من الأساس مع بعض....
وليد:طبعا يا عمو...ونحنا لينا الشرف....
منتصر قام ومشى لدان وقال:يا بتي احمد صحبي دا جا هنا وقال دايرك لولدو.....
دان خافت واتذكرت وليد وقالت:بس يا بابا انـ.....
ابوها قاطعها وقال:عندك لنهاية الطلعة فكري وتعالي كلميني...
دان:طيب....
وطلعت فوق وضربت لوليد بس م رد ليها....ضربت كتير في النهاية رسلت ليهو رسالة مكتوب فيها:ولد صاحب بابا خطبني استعجل حبيبي...
وليد قرا الرسالة بس م رد ليها وضربت ليهو تاني قام قفل التلفون....هي خلاص اتيقنت انو وليد بلعب بيها وقسمتها مع ولد صاحب ابوها...بكت لمن دموعها نشفت في النهاية وقفت على حيلها وقالت:م وليد البخلي دان منتصر تبكي...ح اوافق على الولد دا وان شاء الله يسعدني واقدر اسعدو....
وليد بهناك مبسوووووط ومتأكد انها ح توافق عشان تنساهو....لانو حافظها وعارفها عن ظهر قلب...بكل تفاصيلها حافظها....
•••••••••••••••••••••••••••••••••••••••••••••💕
في شركة خالد الكاسر....
رغد كانت قاعدة وبتعاين لناصر وقصي ودموعها نازلة.....
قصي:رغد أنا امي اسمها ريم هي سعودية....وهي كانت أول زوجة لابوي الله يرحمو....وزي م انتي عارفة ابوي الله يرحمه كان بتزوج كتييير....قام خلانا أنا وامي في السعودية...ومشى بريطانيا...ولقى امك هناك واتزوجها والباقي بحكيهو ليك ناصر.....
ناصر:احم بعد ما الاستاذ اتزوج والدتك..م كان عايز منها اولاد نهائي...وهي كانت بتبلع حبوب منع الحمل بس برضو حملت بيك والاستاذ هاج شديييد وهي كم مرة حاولت تقتلك....
هنا رغد شهقت شهقة من الموت وختت يدها في خشمها ودموعها نزلت شلال بس.....
ناصر تابع:بس قدر الله وولدتك واتوفت طوالي لانو الحبوب ومحاولاتها الفاشلة في انها تقتلك اثرت عليها....
قصي:سبحان الله كانت عايزو تموتك وماتت هي....ودا السبب في انو ابوي الله يرحمه يكرهك...لانو صراحة حب امك اكتر من امي...وافتكر انك السبب في موتها....عارفة يا رغد اخر مرة ابوي اخدني في حضنه لمن كان عمري سنتين بس...
رغد بكت شدييييييد وقصي حضنها وقال:حبيبتي م تخافي أنا هنا بعوضك عن ابوك وعن امك وعن اي زول....
رغد حضنتو شدييد وزادت بكاء....بقت تبكي وتبكي...لمن في النهاية نامت في حضن اخوها...ولاول مرة رغد تحس بالامان والحنان الابوي...لاول مرة في حياتها❤️.....
أنت تقرأ
عشقتك حتى النخاع 💕
أدب المراهقينعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
