💕
لم ولن اقبل يوما بفرض نفسي على قلب احد....
وهذا م يجعلني دائما اقف بالمنتصف....
لا راحــــلاً ولا باقيــــــاً...
•••••••••••••••••••••••••••••••••••••••••••💕
في قصر زايد الكاسر....
زايد كان قاعد في مكتبو وهو ندمان....
كان منزل راسو بين يدينو...
زايد:دا شنو العملتو دا يا زايد رميت بتك في جهنم بايدك ضحيت ببتك الوحيدة عشان القروووش💔💔من يوم اتزوجت وانا عايش في نار م قادر استحمل نظرات الاستحقار من عمر وعامر بعد دا لكن استاهل...اوووف م عارفها اذا كانت حية ولا ميتة من يوم عرست م عرفت خبرها م معروف سعيد دا عمل فيها شنو لانو سكيير وجنو نسوان يا ربي ما يعذبها😿💔..
" عندها يندم الجميع...يوم لا ينفع الندم 💔"
في نفس القصر....
غرفة عبير..
امها كانت قاعدة في سريرها وهي شايلة واحد من بلوزاتها...
حنان ببكاء:يا رب رجع لي بتي يا رب العالمين...الله لا يوفقك يا زايد الله لا يوفقك يا راشد رميتو لي بتي في النار ربي يحرق قلبكم زي م حرقتو قلبي يا رب العالمين....جدعتوها عشان القروش حسبي الله و نعم الوكيل فيكم حسبي الله 😭😭😭....
•••••••••••••••••••••••••••••••••••••💕
في مكان قريب...
قصر راشد الكاسر....
في الصالة....
راشد:انتي يا منى ولدك وين؟؟؟...
منى:ولدي منو؟؟؟....
راشد:عثمان ياخ...
منى:بري م بعرفو ليهو قريب شهر مافي....
راشد:اختفى وين يعني 😳...
منى:يمكن سافر...
راشد:لالا لو سافر أنا كان عرفت....
قاطعتهم مرام....
مرام:عثمان في السجن....
منى وراشد:😳😳😳😳😳😳😳😳😳😳😳😳
راشد:دا شنو الكلام البتقولي فيهو دا 😳😳....
مرام:دي الحقيقة...
منى:سجمي والوداهو السجن منو....
مرام:لو كلمتكم م ح تخلوهو في حالو....بس ولدكم اتقبض في شقة دعارة مع مخدرات وحشيش وخمر وكلام فارغ....
من جات سيرة المخدرات راشد وشو شحب...لانو هو من اكبر تجار ومروجين المخدرات في البلد...
مرام عاينت ليهو وابتسمت بسخرية لمن شافت معالم وجهه وقالت:روجتها وجبتها وتاجرت بيها عشان تدمر بيها شباب البلد صاح؟؟بس الحصل شنو دمرت بيها ولدك....م في النهاية سيسقى كل ساقٍ بما سقى صاح ولا لأ...
وازيدكم من الشعر بيت قبضوهو ناس الامم يعني لو عملتو شنو داك م ح تقدر تطلعوهو فهمتو...
ومشت خلتهم في صدمتهم....كلنا عايزين نعرف بتاعة دي عرفت كيف صاح 😉 عارفة انا الحس الشماري لم يعد يحتمل على قول خالد لكن بنعرف بعدين بس اذا نسيت ذكروني...
••••••••••••••••••••••••••••••••••••••••••💕
في الوقت دا قصي وسمر كانوا في المطار منتظرين طيارتهم....
سمر كانت بتدعي انو يزيد م يكون وصل رغد او عمل ليها حاجة...حكت لقصي اي شي وهو اتوعد لو يزيد لمس منها شعرة ح يندم 💔...
طيارتهم جهزت ركبوا فيها واقلعوا نحو مدينة الضباب....
أنت تقرأ
عشقتك حتى النخاع 💕
Fiksi Remajaعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
