💕
دائما هناك امل💝 يهمس لنــــــا~~~~~
ان في الغيب شيئاً جميلاً يستحق الانتظــــــــار🖤....
•••••••••••••••••••••••••••••••••💕
رغد رجعت الشقة ودخلت لغرفتها وعاينت للهدايا المالية غرفتها...مشت اخدت ليها شاور ولبست ليها بجامة مريحة كدة وكيوت وفكت شعرها وقعدت في الارض في نص الهدايا وفتشت بين الهدايا لمن لقتها وابتسمت وقالت:م ح افتح غيرها هدية قلبي❤️.....
فتحت هدية حسام وكان صندوق لونو سماوي وفيهو ورود بالابيض والوردي والسماوي فتحت الصندوق وكان فيهو مصحف💕 على شكل الصندوق الخارجي سماوي وفيهو ورود بالابيض والوردي والسماوي كان شكلو روعة وخاتي في الصندوق حولين المصحف ورد جوري مجفف وشوكلاتات كتييييرة ميني....(الصورة فوق)
م اكذب عليكم لكن رغد م عرفت دا شنو صراحة كدة....شكلو عجبها وفتحتو قرت صورة الفاتحة ساي كدة زي الكلام العادي....وطوالي شالتو وودتو لسمر في غرفتها.....
رغد:سمووور...
سمر شالت المصحف بسرعة وقالت ليها بخلعة:انتي بتصلي😳....
رغد عاينت ليها باستغراب وسمر قالت ليها:قصدي يعني انتي طاهرة....
رغد باستغراب:سمر انتي بتقولي في شنو....
سمر عاينت ليها واخدت نفس وقالت:جاتك؟!....
رغد:لا لسة...
سمر اتنفست بارتياح وعاينت للمصحف وقالت لها:دا مصحف يعني قرآن...
رغد:قرآن💝....
سمر:يس جابو ليك منو؟!.....
رغد بابتسامة:حسومي هارتي...
سمر:حسومي قلتي لي😌....
رغد:يس...ممكن توريني بقروهو كيف؟!.....
سمر شغلت ليها القرآن بصوت القارئ مشاري العفاسي💕.....
رغد حست بطمأنينة كدة عجيبة لمن سمعت القرآن وقالت لسمر خلاص تاني بقراهو هو.....
سمر:حلو بس انتبهي اذا جاتك اوعى تلمسيهو زاتو عرفتي...
رغد:لييييه؟!...
سمر:لا يمسه الا المطهرون....
رغد:م فهمتك بس اوكي يلا تصبحي على خير.....
سمر:وانتي من اهله يا بيبي....
رغد دخلت غرفتها وشغلت القرآن بصوت مشاري العفاسي ونامت وهي حاضنه المصحف💕.....
••••••••••••••••••••••••••••••••••💕
مرت الايام والاسابيع وشلة رغد وشلة حسام بقو شلة واحدة 💙 وعلاقة رغد بحسام بقت قوية شدييييد....وحتى حسام ايقن انو هو بحب رغد دي.....واصلا رغد حبها لحسام بقى ملاحظ وبقت م بتنوم الا وهي حاضنه المصحف الجابو ليها....ولسة محاولات يزيد وبشار متواصلة في انهم يبقوها مدمنة بس كل مرة ربنا بنقذها 💙.....وخالد خاتي عينو على سمر بس سمر معتبراهو اخ لا اكثر وما فاهمة هو داير يوصل لشنو....ووليد ودان..وليد اعترف لدان وهي كمان بتحبو بس م دايرة تعترف ليهو باي شي.....
•••••••••••••••••••••••••••••••••💕
في يوم في الجامعة......
رغد:شباب
كلهم:هلا....
رغد:مش عندنا اجازة اسبوعين...
احمد:والمطلوب اثباتو😴...
حسام عاين لاحمد وقال:احم😒...
احمد:سوري قصدي تابعي انسة رغد....
رغد:هههههههه المهم في الاسبوعين دي انا عازماكم....
دان:ويييين؟!
رغد:سبرايز بس انتو جهزو شنطة فيها حاجات اسبوعين يعني من ملابس...
خالد:انتي خاطفانا....
رغد:شبه كدة انتو ادوني جوازاتكم بس.....
سمر:ما تقولي لي مسافرين😳....
رغد: exactly....
حسام:طيب ورينا وين عشان ندفع حق التذكرة....
رغد:😒😒😒😒😒😒😒
حسام:في شنو؟!
رغد: حسومي حبيبي اسمعني انا قلت "عازماكم" يعني انتو م بتدفعوا اي شي حتى الاكل..كل العليكم تعملوهو تشيلوا ملابسكم بس....
الشباب كانوا بعاينوا ليها كدة😳😳😳😳😳😳😳😳😳😳
بس البنات كانوا متعودين....
امجد:انتي متأكدة يا بيبي؟!...
رغد:م تخاف يا حلو متأكدة....
حسام:انا قاعد على فكرة😒...
رغد:سووووري حبيبي....
خالد:أن شاء الله حالي مع زول كدة...قالها وهو بعاين لسمر...
بس سمر كالعادة زي الدحشة م فهمتو🤦💔🐸....
•••••••••••••••••••••••••••••••••••💕
في السودان......
في كافيه******....
عثمان:اسمعي يا بت الناس انا البت دي م بعرفها...
هديل:مشكلتك يا اصلي انت اصلا اذا عندك بت ضربت لي اجيك لشنو😒..
عثمان:ياخ اها بعرفها وم تعملي لي فيها بتحبيني وكلام فارغ لانك عارفة انتي شنو بالنسبة لي😚...
كلامو جرحها شديد بس قالت ليهو:انا عارفة نفسي شنو بالنسبة ليك....لكن انا قلتها ليك مرة وتاني بقولها ليك احسن مني م بتلقى زول....وشالت شنطتها وقامت خلتو....
بس هو ولا هماهو....طوالي شال تلفونو وضرب لصحبو:اها يا اصلي الليلة الحنك شنو؟!..
خطاب صحبو:تعال الليلة شقة سماح قالوا عندها مزز قاطعات الليلة😌....
عثمان:خلاص بجي بس انت جهز لي الهناي...
خطاب:هناييك جاهز انت بس تعال...
عثمان:مسافة السكة....
خلوهو يمشي لتفاهتو وتعالوا اقول ليكم الشخصية التافهة دي منو.....
يلا دا عثمان ود عم رغد... ولد عمها راشد.....يلا دا تافه وبتاع بنات ومدمن و اي شي عايزو بعملو احساس انو ولد الكاسر وكدة في البيت عامل فيها شريف مكة بس برا البيت استغفر الله بس😷🙊....عمرو 26 سنة خريج ادارة اعمال.....هو سمح واي شي بي فايدة الخِلقة شنو اذا الاخلاق ماف🤷....
••••••••••••••••••••••••••••••••💕
في بريطانيا.....
الشلة كلها كانت في شقة الاولاد.....
امجد:عليك الله يا رغد ماشين وين؟؛.....
رغد:لالالا يا بابا لازم دي تكون مفاجأة....
احمد:طيب ح نقعد كم...
رغد:اسبوعين وتلاتة ايام....
وليد:والجامعة يا زكية...
رغد:كلمت العميد وقال اوكي....
خالد:طيب ح نعمل شنو في التلاتة ايام دي؟!....
سمر:انتو ليه بتسألوا كتيييير كدة؟!😪....
احمد:حماس يابيبي 😆....
رغد:التلاتة ايام ضرورية اكتر من الاسبوعين....
امجد:الان عرفت الفايدة في انو الناس تصاحب ليها زول مقرش😂💔...
رغد:قول والله يعني انت مصاحبني بس عشان قروشي😒...
امجد:لالا ياخ معقولة يا رغدووه...ياخ انتي الحب والقلب زاتو❤️....
حسام وهو رافع حاجب:يا شيخ😴...
خالد:امجد يا امجد وقعت في الشخص الغلط😂😂💔....
امجد:والله يا شيخ حسام اسفين....
•••••••••••••••••••••••••••••••••••💕
نرجع السودان تاني😚.....
دخل بهيبته الى ذلك القصر الضخم مارا بالحديقة السرية...
(سوري امزح🐸عارفة مزحي ثقيل whatever نرجع للولد م يضيع دا أمانة في رقبتي😂💔)
مارا بالحديقة الكبيييرة والتي بها كل انواع الورود🏵️🌹🥀🌺🌻🌼🌷🌸....تخطى المسبح ودخل عبر باب المدخل....
كانت جالسة في الصالة تشاهد التلفاز وتشرب قهوتها....ولكن شمت ريحة الريحة المابتغباها....
(انا قاعدة اخربها في اللحظات الاخيره🙊😴)
واخترقت أنفها رائحة العطر(اخترقت دي والله طالعة من اعماقي🤠)الذي صمم خصيصا له هو....التفتت له وقالت بصدمة:وساااااام😱😱
نمشي ونجي نشوف وسام دا شنو وقصتو شنو ظابط👍😉
•••••••••••••••••••••••••••••••••••💕
💙 سبحان الله....الحمد لله....الله اكبر 💙
to be continued......❤️
أنت تقرأ
عشقتك حتى النخاع 💕
Ficção Adolescenteعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
