💕
كن كالقمر يرفع الناس رأسهم ليروه.....
ولا تكن كالدخان يرتفع ليراه الناس.....
••••••••••••••••••••••••••••••••••💕
حسام مشى ودق لرغد الباب.....والباب فتح وهنا كانت الصدمة.....
م كان متوقع انها تكون جارتو...بس م دا الصدمو.....صدمتو كانت فى انو دي م الشخصية الهو كان معاها قبل ساعة.....ديك حيوية ومهتمة بمظهرها.....
بس دي عيونها كانت مورمة وحمراء بسبب البكاء وشعرها الناعم مفكوك مغطي ظهرها....وبجامتها مكرفسة....كان واضح انها كانت بتبكي مسافة طويلة.....
فتحت الباب وعاينت ليهو بانكسار ودخلت وقالت:اتفضل....💔
حسام دخل وقفل الباب وقال: السلام عليكم....
رغد: مرحبا....
حسام:عايز سكر لو سمحتي 😊....
رغد اشرت على المطبخ بعد م مسحت دموعها....وفجأة وبدون مقدمات قعدت في الارض وهي بتبكي... حسام اتخلع منها وقال:بسم الله مالك في شنو انتي كويسة 😳....
رغد بس كانت بتبكي وبتقول كلام م مفهوم....
حسام قعد جمبها وهي وقعت في حضنو طوالي وبكت زيادة وقالت:هو ليه مشى خلاني..انا والله بحبو...صحيح انو كان قاسي معاي...بس مهما كان بضل بابا....انا م عايزة قروشو والله م عايزاها....عايزاهو يحضني مرة وحدة بس ويقول لي كلام زي الناس....نفسي يحضني ويطبطب على ويعوضني عن فقدان ماما...بس هو م عمل كدة هو رماني عند المربيات ولولاهم م كنت ح اعرف اتكلم عربي اصلا....قول ليهو رغد مشتاقة ليك...قول ليهو رغد قالت ليك تعال ليها....😭😭😭😭😭💔💔
حسام كان مصدوم وما عارف يعمل شنو.....بس لقى نفسو بدون شعور حاضنها وبطبطب عليها وهو بقول:دي سنة الحياة...ناس تموت وناس تتولد...مافي زول ح يفضل في الدنيا دي...الا الله بس...هو الباقي...
رغد ببرائة:يعني بعدين م في زول ح يكون في العالم....😕
حسام استغرب منها وقال:اي...ح يفضل الله بس...
رغد:الله💕....
لمن قالت كلمة ❤️اللّٰه❤️ حست كأنو الامل اتولد جواها حست بطاقة كدة وانتعاش....بعدت من حسام وقالت:انا اسفة....
حسام وقف على حيلو وقال:ولا يهمك...😊
رغد قامت وقالت ليهو:السكر هناك...
حسام مشى اخد سكر وقال ليها:شكرا...
رغد:عفوا...
حسام جا يطلع بس وقفو صوت رغد.....
حسام اتلفت عليها وقال:نعم..
رغد بطفولة:اممممم ممكن اعرف اسمك؟!
حسام ابتسم على براءتها وقال:حسام....💙
رغد ابتسمت ليهو وهو طلع مشى على شقتو....
حسام طلع بجاي والبنات جو داخلين بجاي.....
كلهم لاحظوا لوجهها واضح انها كانت بتبكي....بس في حاجة حيرتهم انها كانت مبتسمة ودي م حصل حصلت......
بعد م غيروا ملابسهم سمر مشت ليها في الغرفة وقالت:رودي كنتي وين الليلة؟!...
رغد:سوسو فاتك نص عمرك م شفتي الحصل لي شنو!!😪
سمر:الحصل شنو...سريع احكي....
رغد حكت ليها من ما نفسها كتم لغاية م حسام طلع اسي.....
سمر:واااي لكن هو سمح؟!..
رغد:دا همك😒....
سمر:يا شيخة جاوبي....
رغد:حلو م عليهو كلامو....
سمر:انتي زاتك فاتك...
رغد:اها....
سمر قامت حكت ليها لمن يزيد جاهم قبيل ووليد شاكلو.....
رغد:اوووف ياخ يزيد دا م داير يخليني في حالي....
سمر:قلت ليك كلمي مدير اعمالك الكسار دا....
رغد:م يحتاج بتصرف معاهو براي....
أنت تقرأ
عشقتك حتى النخاع 💕
Fiksi Remajaعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
