💕
هناك من يرى الحب حيــــاة و هناك من يراه كذبــة....
كلاهما صادق..فالأول التقى بروحــه❤️....
والثاني قد فقدهــــــا💔....
••••••••••••••••••••••••••••••••••••••••••••••💕
اليوم التاني.....
سمر من الصباح كلمت سامر اهلها وقالت ليهم انو عبوودي جاي.....كلهم فرحوا شديد وطوالي هي وسامر ركبوا عربيتهم ومشو المطار..عشان يستقبلوا عبودي الجاهم بعد 5 سنين....
سمر جهزت سريع واتحركوا على المطار وبقو منتظرين عبودي يطلع.....
طيب مسافة م يطلع ليهم نعرفكم بعبودي...
عبد الله احمد دا صاحب سمر من هم صغار من فتحت لقت عبد الله دا عمرو 24 سنة اكبر منها بسنتين...حلو وكسار شديد بس عيبو الوحيد انو نسونجي وبتاع بنات بطريقة خيالية....المهم لمن سمر اتعرفت على رغد هو كان معاها وطبعا صحبة سمر صحبتو واتصاحبو وبقو لمن اضربو مثل صداقة بقولوا سمر ورغد وعبد الله 💙💜....
المهم عبد الله طيارتو نزلت وطلع ولقى سمر صديقة طفولتو 💞 سلم عليها بشوق وبحرارة كبييرة....سلم على سامر ومشو البيت....
وصل البيت سلم على ابو سمر وعلى اختها سارة وقال:وين خالتو؟!....
كلهم قعدو بعاينوا لبعض وهو م اتطمن من نظراتهم...وقال:سمر خالتو وين...
محمد ابو سمر:احم والله يا ولدي في الخمسة سنين دي حصلت بيناتنا مشاكل ونحنا قررنا انو الانفصال الحل الافضل لينا نحن الاتنين....
عبودي بصدمة:شنو انفصال😨....طيب ليه م كلمتوني....
سامر:انت كنت في الغربة م حبينا نقلقك بس....
عبودي:كيف يعني تقلقلوني دي امي ربتني هي في حين امي م اشتغلت بي....
سارة:وربي دا الحل الافضل لينا كلنا....واسي هم زي المتزوجين بتعاملوا عادي وعلاقتهم حلوة مع بعض....
عبودي:طيب تمام...
قعدوا اتونسوا مسافة...بعداك سمر ودت عبد الله غرفتو عشان يرتاح.....
••••••••••••••••••••••••••••••••••••••••••••••••💕
عند رغد....
انهارت في الصالة....اخوها جا جاري من هناك وقال بخوف:رغد مالك...انتِ
كويسة....
رغد حضنت اخوها وبكاها زاد بطريقة م طبيعية....لمن بتشهق...اخوها حضنها وبقى يقرا ليها لحدي م هدت....بعد م هدت مسكها وقال:رغد مالك في شنو....
رغد مسحت دموعها وقالت تعال احكي ليك....
وحكت ليهو اي شي من اول يوم شافت فيهو حسام لغاية اللحظة....
قصي حضنها وقال:ولا يهمك حبيبتي فترة وح تعدي أن شاء الله.....
رغد بانكسار:أن شاء الله🙀....
قاعدين كدة تلفون رغد ضرب....شافت الرقم كان غريب....ردت وجاها صوت بت....
البت:السلام عليكم....
رغد:وعليكم السلام....
البت:رغد كيفك أن شاء الله كويسة....
رغد:تمام وانتي....
البت:كويسة...شكلك م عرفتيني.....
رغد:صراحة اي....
البت:طيب..انا مرام بت عمك راشد....
رغد:اها مرام كيفك تمام....
مرام:تمام...اكيد مستغربة عشان ضربت ليك....
رغد عاينت لقصي وقالت:اي...
مرام:ضربت عشان اعزمك خطوبة عبير بت عمو زايد....
رغد:اها والله مبروووك....
مرام:الله يبارك فيك..والله كانت عايزة تضرب ليك العروس زاتها بس قلت ليها انا بضرب ليها.....
رغد:مافي مشلكة يا بيبي كلكم واحد....
رغد:طيب تعالي وكلمي قصي برضو م عندي رقمو وانا بالجد نفسي اتعرف عليهو....
رغد:حاضر.....
مرام:تسلمي يلا باي...بعد اسبوع الخطوبة....
رغد:تمام..باي....
رغد قفلت من مرام وكلمت قصي..وهو قال م عندو مشكلة....
رغد استأذنت ومشت غرفتها.....سمر ضربت ليها....وقالت ليها انو عبودي جا وكدة....
سمر:رودي حاسة بيك متضايقه مالك حبيبتي....
رغد ابتسمت لانو سمر الوحيدة البتفهمها:مافي حاجة....
سمر:رودي انا سوسو 😑....
رغد حكت لسمر الحصل والكلام القالو ليها حسام.....
سمر:رغد اهدي وبعدين انتي ليه خليتيهو....
رغد:سمر انا مستحيل أفرق ابن من ابوهو انا حسيت بالاحساس دة م عايزة غيري يحس بيهو....
المهم سمر اتكلمت معاها مسافة وهدتها بعدها رغد قفلت منها ورقدت في السرير كمحاولة لانها تنوم😥.....
أنت تقرأ
عشقتك حتى النخاع 💕
Teen Fictionعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
