💕
مجرد ابتســـامة و قلـــب نظيف و نفــــس سمُوحة....
هكذا تعيش الحياة....
•••••••••••••••••••••••••••••••••••💕
اصحابنا رجعوا من سويسرا وهم مبسوطين شديد...ومرت الايام وجرت معاها الاسابيع وكرّت معاها الشهور(م عرفت اكتب شنو للشهور عشان كدة كتبت كرّت ظريف😊...قلت لو خليتها ساي بتزعل وانا ما بقدر ازعل انسان فما بالكم بكلمة كاملة😢)المهم امتحاناتهم قربت وكانوا بقرو سوا واي واحد فيهم مجتهد داير يرفع راس اهلو......
سمر لسة م فهمت خالد وهو م داير يعترف ليها(اي اقعد اتعولق كدا لمن يشلبوك😒😒هندي متخلف....م تركزوا انفعلت شوية😂)
دان اعترفت لوليد بس لسة خايفة من حكاية انو ينساها...الباقين مافي حاجة بيناتهم الا رغد وحسام طبعا😂😂.....
الامتحانات جات وكلهم نجحوا بمعدل امتيااز(يلا زغرتوا💃💃💃)واتخرجوا اخييرا.....
يلا رغد ودتهم الشقة وجابت ليهم كلهم هدايا....
جيهان جابت ليها:دستة بتاعة طرح بودرة ملونة وكعبات(جمع كعب م عرفتو)لون الطرح.....
دان جابت ليها:دستة ساعات ملونة لانها بتموووت في حاجة اسمها ساعات....
سمر جابت ليها:حاجة خاصة بما انها صحبتها المقربة م اقدرش اقولها ليكو🙊🙊🙊🙊
ليان جابت ليها:عطور ومكياج واكسسوارات لانها بتحب الحاجات الزي دي.....
الاولاد عزلوا ليهم براحتكم انا جسمي مكسر لاني لفيت السوق دا لف عشان اجيب للبنات الحاجات دي🤕.....
••••••••••••••••••••••••••••••••••••••••💕
بعد اسبوع بالظبط.....الشقة الكانت مليانة بصراخ رغد ودان....وشكل سمر مع امجد....وضحك ليان واحمد...وغزل حسام برغد...دا كلو اختفى في ظرف اسبوع واحد بس....
رغد كانت قاعدة في الارض وبتعاين للشقة....فجأة نفسها كتم عرفت انو دي نوبة الربو شالت تلفونها سريع وضربت لناصر بس م قدرت تتكلم في اللحظة دي كانت م قادرة تتنفس كلو كلو.....
ناصر رد بس مافي زول اتكلم معاهو....فصل وضرب ليها تاني اكتر من مرة بس م ردت خاف عليها واتوجه على شقتها سرييع....
••••••••••••••••••••••••••••••••••••💕
في السودان....
عند ناس محمد ابو حسام.....
كانوا فرحانين برجعة حسام....بس خايفين لانو وسام قاعد....كانوا منتظرين اي حاجة ومستعدين لاي مجزرة ح تحصل بينهم بس الحمد لله مافي حاجة حصلت لغاية مافي يوم.....
هزار مشت لحسام وقالت ليهو:انت عوير...اقعد لي كدة واخوك بهناك بجكس في حبيبتك😊....
حسام عاين ليها بعدم تصديق وقال:اخوي منو؟!...
هزار:اجججي يا حسام عندك كم اخو انت....ماياهو وسام دا...
حسام م زال محافظ على هدوئو وقال:اي حبيبة....
هزار ابتسمت بخبث وقالت:رغد....رغد خالد الكاسر...
لمن قالت اسمها حسام حس انو فقد اعصابو وكان م قادر يتكلم طوالي قام على حيلو واتوجه لغرفة وسام رزع الباب طااااااااااااااااااخ....
وسام اصلا كان منفوخ من مشكلة في مشروع....ولقى زول يتفشا فيهو...بس قام ليك عليهو....
حسام جا من هناك ولصق فيهو بوكس👊 لكن وسام بسكت...مسكو من التيشيرت وخبت بيهو الحيطة(اكشششششششنها 👊👊)
حسام زح من الحيطة وخماهو ليك بشلوت....
وسام وقف على حيلو ولزا حسام في الارض وطلع بي فوق ليهو واشتغل فيهو كفيت صاح👋👋👋👋....
بهناك هزار نزلت تكورك:يا خالتو امل خالتوووو امل اجري الحقي اولادك...
امل قامت جارية وابوهم وحلا ووعد طلعوا من غرفهم....محمد مشا عشان يحجزهم بس وعد مسكتو وقالت:انتظر يا ابوي خليهم دا زعل مكبوت من خمسة سنين خليهم يفرغوهو(في جك ولا في حلة😂💔)....
امر:لكن ح يقتلوا بعض...
وعد:خليهم يا امي...
بعد شوية اتقلبت الاية حسام بقا بفوق ليهو وبضرب في وسام...وسام لزاهو منو وهو بقول:ليييه عملت كدة انا عملت ليك شنو اصلا...ولصق فيهو بوكس...
حسام اداهو شلوت وقال:انا كنت عايز انقذك منها لكن....
وسام جدعو بالمنبه وقال:انا كنت كبير بعرف مصلحتي شنو....
حسام اتفادا المنبه وشال الجزمة (اكرمكم الله) وفناها بيهو وهو بقول:انا ما كان هاين علي اشوف اخوي بتغشا.....
وسام مسك الجزمة وعاين ليهو مسافة....بس فجأة وبدون مقدمات حسام ارتما في حضن اخوهو وهو ببكي وبقول:خمسة سنين يا كلب م كنت بتسمعني صوتك...تيمان على شنو نحنا...حتى لو م بنشبه بعض بنضل اخوان...وتيمان...
وسام حضنو هو التاني وقال:بس انت م فهمتني كويس انا افتكرتا انو انت داير تفرق بينا بس...
حسام:انا مستحيل اعمل كدة يا اخوي...بس سامحني....
وسام:مسامحك يا تومي مسامحك....
محمد سجد لله شكر في الارض وامل حضنت وعد وهي بتبكي...وحلا وهزار حضنو بعض....
هي دقيقة انتو قبيل فهمتو هزاروه غلط زي م انا فهمتها صاح🙄....
لا دي كانت خطة منها عشان يمشو يتضاربوا وهي عارفة انو مستحيل يتصالحوا مالم يتكلموا مع بعض...من وسام جا هي كانت بتحاول تحرش فيهو..عشان يتكلم مع حسام او يتشاكل معاهو...وكان مرة حلا كلمتها عن رغد....وهي الاخترعت شغل سويسرا عشان وسام يمشي....(واي لكن عافية منك يا هزورة البندورة😂💃)....
كدي هم اتصالحوا ونحنا م عرفنا قصتهم شنو...طيب listen to me.....
# Flash _ Back.....
قبل خمسة سنين....
كانت تتكلم بالهاتف بصوت منخفض جدا حتى لا يسمعها احد....ولكنها لم تكن منتبهة للآذان التي كانت تستمع اليها.....
هي:انا والله بحبك انت دا م بحب غيرك😣....
هو:ووسام موضعو شنو من الاعراب😒....
هي:وسام مجرد تمضية وقت م اكتر....
هو:انا بشوف غايتو لكن انتي شكلك كدة بتحبي وسام....
هي:والله بحبك انت...
هو:اثبتي لي...
هي:داير شنو...
هو:تعالي لي الشقة....
هي:بس انت عارف المرة الفاتت قربو يمسكونا....
هو:م تخافي يا حبيبتي...
هي:حاضر اي شي عشانك يا قلبي...
هو:يلا باي..
هي:باي...
وطلعت من المخزن الهي كانت قاعدة فيهو...غافلة عن حسام السمعها....حسام اول م سمعها مشى كلم وسام...ووسام لمن سألها انكرت واصلا وسام كان بحبها اكتر من نفسو......
هي:كيف يعني يا حبي انا بحبك ومستحيل اخليك....
وسام:بس حسام قال لــ......
هي طوالي نزلت ليها دموع وقالت:معقولة تصدق حسام وتكذبني...واصلا هو كان بخونك....
وسام باستغراب:كيف يعني بخوني....
هي بدموع التماسيح:مرة قال لي خلي وسام وتعالي لي انا....انا بحبك اكتر منو....
وسام بقى م شايف قدامو لانو عصبي شديييد وطوالي مشى لحسام وشاكلو....
وسام:مشكور يا اخوي دا انا الختيت ثقتي فيك شكرا جزيلا...
حسام كان بعاين ليهو باستغراب وقال:انت بتتكلم عن شنو😕...
وسام اداهو بوكس وقال ليهو:تاني م تتكلم معاي...وطلع خلا حسام ما عارف اخوهو مالو ولا الحصل ليهو شنو....
مر اسبوع ووسام م بتكلم مع حسام....وفي يوم حسام كان في الجامعة قامت ظهرت ليهو هناية حبيبة اخوهو.....
حسام:بعدي مني...
هي:لا انا بحبك انت م بحب اخوك...
حسام:بس انتي حاليا حبيبة اخوي ومش اخوي بس ..تومي...
هي:بس انا بحبك...
قام وسام جا في اللحظة دي وهي لمن شافتو قامت باست حسام🙊(قليلة ادب...م مربية...حوووومارة😠😠😠😠😠)
وسام نطط عيونو لمن شافها وهي طوالي مشت عليهو ونزلت دموع التماسيح وقالت:شفتو بعينك يا وسام دا اخوك اسي والحالة تومك...يخونك وبعمل في حبيبتك كدة..(حباك حمار يا بعيدة😠)
وسام ولا اتفاهم طوالي نزل دق في حسام ودقاهو لمن زيتو طلع...وحسام بحاول يفهمو لكن وسام م اداهو فرصة....وطوالي وسام سافر خلا السودان وتما دراستو برا وم جا السودان تاني نهائيا....
أنا البت قالت ليهو عرسوني لولد عمي غصب والفت ليها قصة كدة وهو صدقها......
••••••••••••••••••••••••••••••••••••••••••••••💕
في بريطانيا.....
في المستشفى....
الدكتور قال لناصر انو رغد مفروض تاني م تقعد براها لانو النوبة ح تجيها كتير تاني....
ناصر كلم رغد وهي وافقت وقال ليها انو عمها برضو طلبها هناك في السودان وهي وافقت بحسن نية وكلمت ناصر يحجز رحلة بكرة....
••••••••••••••••••••••••••••••••••••••••••••💕
💙 سبحان الله....الحمد لله....الله اكبر 💙
to be continued......❤️
أنت تقرأ
عشقتك حتى النخاع 💕
Teen Fictionعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
