💕
هناك الكثير من الكلمات...
تولد وتموت بين السطور...
لكن لا احد يراهــا💔...
•••••••••••••••••••••••••••••••••••••••••••••💕
يوم الخطوبة....
رغد من الصباح مشت الكوفير تقول هي العروس....عملت جلسات فيشل وحاجات كتير تانية....ولمن المغرب جا جهزت فستانها وكان فستان اسود
فيهو نجوم كتيرة لامعة بالذهبي وعشان هي عارفة السودانيين وتفكيرهم..
كان استربليز....لبست كدة غيظة لحسام واهلو وخلت شعرها عادي بس عملت ليهو مكوة خفيفة لانو اصلا ناعم ومفرود....ولبست كعب عالي ذهبي وسلسل ذهبي مكتوب فيهو رغد بالانجليزي كان جابو ليها حسام زاتو....ولبست حلق نجمة كبير وبس....

بتاعة الكوفير قالت ليها:ما شاء الله عيني باردة عليك...ماشة عرس؟....
رغد:خطوبة...
بتاعة الكوفير:ما شاء الله خطوبة اختك ولا شنو....
رغد ابتسمت بعد م ختت الحساب وشالت تلفونها ووقفت على حيلها بعداك قالت:لا خطوبة حبيبي....واتحركت طلعت خلت بتاعة الكوفير فاتحة خشمها عشرة امتار....
لمن وصلت كان لسة م بدو تلبيس الخواتم م دخلت وقفت برا وضربت لوسام....
وسام:رغد كيفك....
رغد:تمام وانت....
وسام:الحمد لله....
رغد:انت في الحفلة صح....
وسام م قايلها عارفة فقام قال بتوتر:اي اممم حفلة واحد صحبي....
رغد ضحكت قبل م تقول:وسوم انا عارفة بموضوع الخطوبة وضربت اقول ليك انا برا تعال لي....
وسام بصدمة:برا وين😨😨😨....
رغد:انتو مالكم الليلة انا برا البيت تعال دخلني...
وسام:رغد جنيتي😳😳....
رغد:اووووف ح تجي ولا كيف....
وسام:انتي م طبيعية لكن انتظري جاييك....
وسام طلع ليها واتصدم اكتر لمن شافها...كان متوقع انها تكون حزنانة بس صدمتو في انها جات...م اتوقعها متأنقة للدرجة دي...بس طلعت احلى من العروس زاتو....
رغد دارت حول نفسها وقالت ليهو:اها كشختي كيف....
وسام ابتسم قبل م يعمل يدو كدة👌ويقول:خطيييرة😘....
رغد:ثانكس يلا ندخل.....
رغد مسكت يدو وسام ودخلوا الناس كلهم كانوا بعاينوا ليها باستغراب وصدمة....والبعض باحتقار بسبب لبستها....اما حسام فكان عامل كدة👇
😳😨😳😨😳😨😳😨😳😨😳😨😳😨😳😨😳😨 نهائي م اتوقع انها ح تجي وكمان جات كدة....
رغد م عاينت ليهو و مشت لام حسام الكانت قاعدة مع اهلها....
رغد:خالتو كيفك....
امل عاينت ليها مسافة قبل م تقول:اهلا يا بتي....
رغد ضحكت قبل م تقول:شكلك م عرفتيني....
امل بابتسامة:ابدا والله....
رغد ابتسمت بعذوبة وقالت:انا رغد...
امل باستغراب:رغد...رغد...رغد منو يا بتي....
رغد ابتسمت بسخرية وقالت:معقولة م عرفتيني ياخ رغد..رغد خالد الكاسر 😏....
امل فتحت عيونها كبار وقامت على حيلها وقالت بصدمة مخلوطة بغضب:الجابك شنو😡....
رغد:اعصابك يا خالتو.....
امل:جيتي عشان تخربي عرسو صاح لكن في احلامك أنا بالمرصاد.....
رغد:لا انا اصلا م جيت عشان اخرب العرس بالعكس انا جيت احضر الخطوبة.....
امل:العقد م خطوبة والعرس بعد تلاتة يوم😏😏....
رغد حاولت قدر الامكان تحافظ على هدوئها وم تنزل دموعها..ابتسمت وقالت:مبروووك ياخ وين العروس نفسي اشوفها....
امل باستفزاز:لالا الخوف تحسديها م هو اختار ليهو بت ناس ومؤدبة ومربية تربية تمام...م فاكة ولافة لا عندها ولي لا عندها رقيب....تلعب بعقول الشباب....
رغد فهمتها وعيونها غرقت بالدموع بس نهائي م نزلتها...عاينت ليها مسافة بعداك لفت ببصرها وعينها وقعت على حسام قاعد جمب منار ومبتسم....
بس ابتسامتو كانت ابتسامة ألم...ابتسامة رغد عرفتها وفهمتها...بس م اشتغلت بيهو ومشت عليهو هو ومنار....
سلمت على منار بالحضن والابتسامة....وحضنت حسام وهمست ليهو:مبروك....
طبعا الناس كلها اتصدمت بما فيهم حسام...بعدت منو وابتسمت وقالت لمنار:مبرووووك حبيبتي الف مبروك....انا رغد الكاسر صحبة حسام..وغمزت لحسام😉....
منار: الله يبارك فيك....
حسام بس كان بعاين ليها....نهائي م فتح خشمو.....
مر الوقت وجا وقت تلبيس الخواتم لبسوا الخواتم ومع الحاح ام حسام قلبوها عقد وحسام زاتو م كان عارف اتصدم من تصرف امو بس م قدر يتكلم لانهم كانوا عقدوا خلاص💔....
في النهاية رغد سلمت على حسام وقالت ليهو:ربنا يهنيكم....وطوالي طلعت وحسام متابعها بنظراتو....منار لاحظت لتصرفات حسام ولنظراتو لرغد بس م اتكلمت معاهو.....
اهل العريس والعروس اتفقوا انو يعملوا العرس في اسبوع بس...وقدر م منار اعترضت مفي زول سمعها.....
أنت تقرأ
عشقتك حتى النخاع 💕
Novela Juvenilعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
