💕
من تركني ورحــــل💔....
سأعتبره مثل الذي ترك الدنيا ورحل عنها.....
فأمواتي لا يعودون حتى لو اتعبنــــــــي فراقهــــم💔....
•••••••••••••••••••••••••••••••••••••••••••••••❤️
رغد كانت قاعدة وفجأة قامت على حيلها وسمر سألتها ماشة وين جاوبت بأنها جاية....كانت حاسة انها م متطمنة....فجأة في زول مسكها ودخلها في ممر كدة وقفل ليها خشمها....
حسام:اهدي انا حسام....وشال يدو من خشمها.....
رغد كانت بتعاين ليهو بصدمة...فجأة وقعت في حضنو وبتقول:ليه عملت كدة وربي ارعبتني...
حسام حضنها وضحك وقال:طيب بتترعبي كيف😂😂...
رغد زحت منو شوية ولعبت بزراير بدلتو وقالت:حبيبي....
حسام قرب منها و مسكها من خصرها وقال:عيون حبيبك انتي....
رغد ضحكت وفجأة اتذكرت انو حسام داير يعرس بت عمو وكدة...كانت عايزة تبعد بس حسام فهمها ومسكها قوي....
رغد نزلت راسها وقالت:نحنا م لي بعض...
حسام:ليه لكن...
رغد:م عارفة....
حسام رفع راسها وبدون شعور منو باسها🙈🙊....رغد فتحت عيونها بصدمة لانو دي كانت أول مرة حسام بتجرأ ويبوسها كدة💔💔....
م حست بنفسها الا وهي مدياهو كف لمن يدها وجعتها....حسام نزل راسو بس الكف وجعو....مسكها ورجعها على الحيطة وقرب منها شدييد ومسك يدها وضغتطها ليها لمن وجعتها وقال بهدوء:رغد ابوي م حصل اداني كف تجي انتي تديني كف..عشان شنو عشان بستك..الجديد شنو م انتي كلو مرة بتبوسيني😏....كل الاختلاف في الموقع بس....
رغد رفعت راسها بصدمة..دا م حسام...مستحيل يكون دا حسام الكان م برضى فيها نهائي...قالت ليهو وحنكها برجف وعيونها مدمعة:فعلا الجد شنو م هو انا تافهة وحقيرة وسافلة واي شي كعب بخطر على بالك عرفت💔💔💔....
حسام يا دوب حس م وحس بحجم الكلام القالوا....مسكها وحضنها وقال:رغد انا اسف م عارف الكلام دا طلع مني كيف...وربي م قصدي طلع عفوا😣....
رغد بعدت منو وابتسمت باستهزاء ولسة دموعها نازلة قالت ليهو:رقمي عندك وقت م تكون داير تسلي نفسك اضرب لي عرفت...لانو المدام الجديدة م ح تقدر تمسك يدها قبل العرس💔....
حسام:رغـ.....
رغد قاطعتو:لا هسسس لانو هي شرفك وعرضك اما انا اممم اعتبرني خدامة جارية اي حاجة💔....عشان انت بتخاف عليها م ح تعمل ليها حاجة عرفت....بس عشان انا بلبس بناطلين وفساتين قصيرة معناها انا بت م كويسة💔....عشان م بلبس طرحة معناها انا بت كعبة💔....عشان انا بسلم على الاولاد وبتكلم معاهم معناها انا تافهة وبتاعة اولاد💔.....عارف يا حسام لو اي زول قال لي الكلام دا م كان زعلت لانو هم م عارفين عني حاجة...بس انا مصدومة فيك انت💔....انت عارف عني اي شي يعني مفروض لو زول طلعني كعبة انت تقيف معاي.... بس انا نسيت انو انت سوداني واكيد في يوم ح تستغل الحاجة دي...المهم باي حبيبي والرقم عندك متى م داير اضرب لي😊....
حسام مسك يدها وقال:رغد انا.....
رغد قاطعتو:م عندك ثواني بس....نادت ليها شافع كدة وكلمتو يجيب ليها القلم...جابو ليها ومشى..اول م جابو مسكت يد حسام وكتبت فيها رقمها دا كلو وحسام بعاين ليها....اول م خلصت رجعها على الحيطة وقرب منها وقال:رغد عايني جوة عيوني وقولي انك عايزة علاقتنا تنتهي....
رغد نزلت راسها وما اتكلمت... حسام رفع راسها وقال:رغد انا بتكلم معاك....
رغد رفعت راسها ومجرد م عيونها الزرقاء الواسعة الكحيلة اصطدمت بعيون حسام البنية الناعسة والواسعة اتبكمت....بس اتشجعت وعاينت في عيونو وقالت بعيون مدمعة وبتردد شديد:حسام انا..انا عععاااييزة علاققتنا تنتتهي💔💔قالت الكلام دا ودموعها نزلت غزيييرة.....
حسام عاين ليها وهو مدمع....حضنها وباسها في رقبتها وقال:استودعك الله الذي لا تضيع ودائعه....ومشى خلاها اول م مشى هي انهارت بالبكاء....
حسام مشى وهي قعدت تبكي وهم غافلين عن الزول الشافهم مع بعض بس م سمع من كلامهم حاجة💔....
بعد م الحفلة خلصت رغد كانت واقفة مع صحباتها وليان قالت ليها:رغد المرة ديك سألت منك....واشرت على ام حسام...
سمر:ليه في شنو....
ايان:قالت لي ام فستان اسود قصير دي منو..قلت لها صحبة العروس....
قالت لي:اسمها منو...قلت ليها رغد خالد الكاسر...كان شوفتي المرة حسيت زي الكشحو فيها موية وقالت لي:بت خالد الكاسر بصدمة كدة..وتاني قالت يعني هي جات ومتين....لمن سألتها انتي بتعرفيها م جاوبت لي....
رغد:م تشتغلي بيها كتير.....
أنت تقرأ
عشقتك حتى النخاع 💕
Novela Juvenilعندما تجتاحنا الهموم..... وتتكبلنا الاحزان..... وتتوشح حياتنا الوان السواد..... عندما تكون الدموع هي اللغة الوحيدة،التي تترجمها العيون...... عندما لا يكون هنالك طريق للفرح او البسمة...... عندما لا نشعر بحلاوة الحياة..... هل نستسلم ام نحارب؟؟! يجب أن...
