عشقتها من صوتها

١

جاهو اتصال ورد "الوو"
كانت تبكي وتشهق تكلمت بصوتها المخنوق "حرام عليك ليه عملت كدا ؟؟ انا حبيتك شديد وماكنت بقدر اعيش من غيرك واتمنيتك شريك حياتي ليه بعد كلمت اهلي انك جاي تتقدم لي وانو حنعقد وخليت اهلي جهزو وعزمو الناس وبعدها اهلك يتصلوا يقولو الموضوع ما حيتم ويقولو انك عقدت علي بت عمك لييه عملت كدا ليه تخلي الناس يشمتو علي انت دمرتني شديد
وكان صوتها برغم البكا حنييين ومليان انوثة ورقة
اعتدل من نومتو وفي راسو الف سؤال قال ليها "انتي منو وعايزة منو؟😦😦
زحت التلفون من اضانها وعاينت للشاشة لقت انها غلطانة في الرقم قالت اسفة غلطانة في الرقم 💔💔 وما ادتو فرصة يتكلم وقفلت الخط

ريان بنوتة جميلة بكل معني الكلمة عمرها 22سنة😊😊..طيبة بتدخل القلب وشخصيتها لطيفة جدا متوسطه فارعة القوام بشرتها سمراء نبيذية لونها قمحيه😍😍
عيونها كبيرة عسلية عندها غمازة وابتساااااامة يالطيف تعذب كل الشافا😘😘
باختصار ملكة جمال وحورية من الجنة

ريان اصغر اخوانا واخواتا عندها ولدين اكبر منها مهند اداري في شركة في الترا واحمد دكتور اخر سنه وحيتخرج في سادس طب واختها الكبيرة ميمي متزوجة ومستقرة مع زوجها في السعودية اسرتهم وضعهم المادي فوق الممتاز ابوها عندو شركة خاصة بتاعت استيراد وتصدير ووكالة سفر وسياحة ورجل اعمال معروووف في الخرطوم😍😍 وامها ماشغاله في البيت..
ريان محبوبه شد الكل بحبهوها كل الناس😍😍

يتبع...