ريان ومنزر في العربية...
منذر:ريان طبعا انت عارفة انو البلد دي صعبة والناس نفوسا ما طيبة ولانيتها بتكون صافية انا ما بقول ليك ما تثقي في زول بس ما تثقي بالساهل وانتي بت ماشاء الله عليك كل الناس بتتمني قربك عشان كدا اعملي حسابك وخلي بالك علي روحك شدييييد واتحصني قبل ما تطلعي اي مشوار😊😊
ريان ابتسمت عيونا اتملت دموع وقالت ببراءة :بالجد صاحب مهند☺☺
منزر بحنية :اكييد حكون اخوك وسندك وحبيبك لو عايزة وغمز ليها
ضحكت ريان علي استهبالو 😂😂
منزر عايز يعزما فطور ويستثمر اكبر وقت ممكن انو يكون جمب ريان بس هي رفضت بحجة انو ميمي واسامة حيكونو منتظرنها ووافق منزر ع قرارها ووداها عفراء لي ميمي واسامة 😀😀
اسامة اصرا علي منزر انو يفطر معاهم بس منزر اعتذر انو عندو شغل ومشي
ريان استغربت لانو قبل شوووية كان مصر الا يعزمها فطور بس سكتت ومشت الموضوع😟😟
ولفو اشترو الفي والمافي لي ريان واسامة محل ما يمشو يقعد ينتظرهم في الكوفي شوب لحدي ما يخلصوو
لم جا العشا كانت ريان وميمي تعبو من الحوامة و قررو يرجعو البيت ويواصلو بكرا
اول من وصلو البيت تلفون ريان رن ريان ابتسمت تلقائيا لانو اكيد المتصل يووسف☺☺
ميمي انتبهت ليها بس ما سألتا لانهم مرهقين ولانو اسامة معاهم
ريان دخلت غرفتا وردت علي يوسف واتونست معاو وحكي ليها يومو من بعد ما قفلت منو لحدي ما اتصل عليها هسي
وريان بتسمع ليو باهتمام
بعدها يوسف طلب منها تحكي ليو تفاصيل يوما
""وطبعا كلنا بنعرف البت الراجعة من السوق ومن بيت العرس ما بتسكت 🐸🐸""
حكت ليو بالتفاصيل المممممملة جدا وحكت ليو لم اتطاقشو هي وميار بس طبعا ما ورتو اسم البت ويووسف مستمتع انها بتحكي ليو
ريان بدت تتثاءب
يوسف:ريونه نومي خلاص لانو وراك بكرة لفة تانية
ريان:يوسف
يووسف حس بروحو حتطلع لم قالت اسمو وقال في سرو امررري وتتدللي يا بعد دقات قلب يوسف انتي وقال بصوت مسموع: نعم
ريان :اقرا لي قرآن☺
يووسف اتكيف منها للاخر وبالرغم من انو كان تعبان ومرهق بس رضي ريان اهم عندو من كل شي
وجاب المصحف وبدا يقرا ليها لحدي ما نامت وهو خلي الخط فاتح بيسمع صوت انفاسا لحدي ما نامو وتلفوناتهم الاتنين طفو كهربا
...
ميمي صحت صلت الفجر ومشت لي ريان ف غرفتا لانو دا الوقت الوحيد البتقدر تحكي فيو براحتا مع اختها
ميمي خبطت الباب وجاها صوت ريان :ادخلي قمراي
ميمي لي ريان القاعدة ف المصلاية وبتدعي انو ربنا يسهل ليها الجاي في حياتا: ريونتي
ريان :قري"يعني احكي التقارير اللي عندك"
ميمي بجدية : مين الاتصل عليك امس وخلاك تبتسمي كدا؟
ريان قامت وطبقت مصلايتا ووختت راسا ع رجول اختها واتنهدت وحكت لي ميمي كل شي عن يوسف من وقت ما اتصلت عليهو بالغلط لحدي اخر مكالمة
ريان: ميمي تفتكري الانا بسويهو دا غلط؟
ميمي: والله ما عارفة بس انتي اعمل حسااابك في التعامل معاو
ما نظلم الولد ساي يمكن بالجد نيتو صافية وم عندو نية يأذيك بس انتي خليك حذرة ف التعامل معاو
ريان : ان شاء الله
سمعو صوت كركبة برا عرفو انو اسامة صحي قامت ميمي عشان تسوي الشاي ويفطرو ويطلعو السوق
....
اثناء ما هم بيفطرو دق تلفون اسامة رد: الوو منزر
اسامة : ليه ياخ ما تعذب نفسك
اسامة : ههههههه خلاص يازول بننتظرك ان شاء الله وقفل
التفت علي سارة ولنا وقال ليهم: منزر عازمنا فطور برا
سارة وريان اتبسطو عشان تبقي مرقة وحدة بالمرة
...
مشو عشان يجهزو للطلعة ريان تلفونا رن ردت من غير ما تشوف وعلي بالا انو يوسف: الوووووووو
المتصل : اسمعي هنا قولي لي اخوانك عديمين الحيا ديل يبطلو تهديداتهم دي والا والله اصلك في محلك واتنقم منك وقفل الخط
ريان خانها التعبير واتزكرت الصوت الصوت اللي ياما دلعها وونسها الليلة بيهددا
ريان رجعت ليها كل زكريتا القديمة وبتدت تصرخ يشكل هستيري جات ميمي جارية علي غرفتها
ميمي : ريان قولي بسم الله في شنو مالك بتبكي
لنا : اتصل علي يا سارة وبيهددني
ميمي : دا يووسف الحقير؟
ريان: خالد
ميمي وكانو اتكبت عليها موية بااااااردة غلبا الرد وبقت تهدي في اختها لحدي ما نامت ريان بعدها شالت تلفونها واتصلت علي مهند وكلمتو بالحصل كلووووووووو
مهند وشياطين الدنيا كلها وقفت في وشو وحلف انو يعمل الخطط ليو😠😠😠
رفع تلفونو واتصل علي احمد دقاييق وكانو اولاد حامد الاتنين قاعدين قدام البحر ومهند بيغلي من الغضب لدرجة ما قادر يقول لي احمد بالحصل الجملة الوحدة الطلعت منو : اتصل علي ميمي بتوريك
اتصل احمد وسمع من ميمي وكالعادة جاط وكورك وحلف الا يكسر عضامو بس مهند مسكو وقال ليهو احنا بدل نكسر عضامو نكسر روحو وغرور اهلووو
احمد راق لانو عرف انو اخوهو ناوي علي كبيرة
وسمع منو للاخر وقال ليهو جبتها والله يا مهند
وابتسمو الاتنين وحلفو الا يردو الكف بكفين لاسرة خالد...
