يوسف : غبي ي يوسف غبي الخلاك تقول ليها انك عندك حبيبة شنو طيب كيف حتقدر تفهما انو هي نفسها حبيبتك الانت بتتكلم عنها
جرا نفس طوووووويل ومسح بي يدو علي شعروو وقال : بس جد حلوة يا بختك بيها يا يوسف بس انا لازم اقنعا انو هي الانا بحبها وابعدها من الولد المرتبطة معاو دا
ميار رجعت لقت وش ريان احمممر من الخجل ويدينا متلجة وترجف ضحكت عليها وقالت ليها : الحب يسوي كدا؟
ريان : حسيت قلبي حيقيف لما ناداني والله بحبو ي ميوو
ميار : عايني عارفة انك بتحبيو وعارفة كمان انو بحبك بنفس الكمية لانو هو قال لي دي هي ريان الحكيت ليك عنها وانا بحبها بس انا قلت ليهو انك مرتبطة وانو بالنسبة ليك مجرد صاحب
ريان نططت عيونا وشالت المخدة بقت تضرب في ميار : ليه ي غبية قلت كدي هسي حيقول اني ما بحبووو
ميار : اصبري ي مرض وانا حوريك عملت كدا ليه وبدت تتكلم : اوووول شي اديني تلفونك وتلفوني
ريان مدت ليها التلفونات
ميار اتصلت من تلفونا علي تلفون ريان وفتحت الخط وخلتو فاتح
ريان باستغراب : ميار انتي اكيد جنيتي😡
ميار عشان لم يوسف يتصل يلقي تلفونك مشغول يعرف انك جد ارتبطي
ريان: طيب ليه حنقنعو بكدا ؟؟
ميار : عشان يجي يعترف ليك بحبووو لانو يوسف ما بيطلع اللي في قلبو سريع
ريان وبدت تسمع من ميار باهتمام ضحكت وقالت ليها : عليك جنس حركات
ميار كملت : يلا لم يتصل في تلفونك ونشوف المكالمة حنفصل الخط لانو حيتصل في تلفوني ولو لقي تلفوني مشغول حيجي يطربق البلد علينا فعلا ميار ما تمت كلاما يوسف دخل انتظار في تلفون ريان
خلو مكالمتو قطعت وطوالي قفلو الخط و زي ما قالت ميار اتصل في تلفونا
ميار ردت وفردة سماعة في اضانا والفردة التانية في اضاان ريان: ايوا ي يوسف
يوسف بغضب : وين البت دي
ميار : بتتكلم بالتلفون
وائل وخلاص فاض بيهوو : بتتكلم مع ممنو زي الوقت دا اديني ليها😬
ميار : طيب .. نادت ريان بصوت علي نظام انها بعيدة هاك تلفون
ريان بخوف عرفت انو حيطين عيشتا : منووو
ميار : يوسف
ريان شالت التلفون وقالت بهدوووء : الووو
يوسف: بتتكلمي مع منو يا ريان؟ وبدا صوتو يعلي شوية شوية ومش قلتي انو الزول دا قال ليك ما عايز حركات الحب والكلام دا وانوا ماشي لي اهلك طوالي؟؟ طيب بتكلم معاك زي الوقت دا عندو شنو وعايز شنووو ؟؟؟ واتتو مش امتحاناتكم قربت بطلي كلام بالتلفون وركزي في قرايتك
ريان طلعت البلكونة وهي مبسوووطة من غيرة يوسف عليها قالت برومانسية : بتغير علي؟؟
يوسف بعتاب: اي بغير
ريان وحبت تلعب باعصابو : تغير علي وانت مرتبط؟؟
يوسف بحنية : بس انا ما مرتبط
ريان: كييف ؟! مش قلت انك عندك حبيبة؟؟
يوسف : هسي عندي وبحبها وبموت فيها بس هي ما ظنيتا تكون حاسة بي
يوسف شاف نور غرفة ريان طالع في البلكونة عرف انو في زول فيها واتوقع انها تكون ريان وقف بيعاين ليها من ورا الستارة شاف كيف بتمسك التلفون كيف بتلعب بالوردة الماسكاها في يدها والقطعتا من الورود الجمبها
ريان : وليه ما تحس بيك ؟
