يوسف وريان واقفين متنحين في بعض كل واحد فيهم لقي صورة التاني بنفس الشخصية الكان خااتيها ليهو في بالووو😊😊
يوسف نزل التلفون وعاين ليها في عيونا وقال :ريان
ريان مستغربة ومتوترة ومبسوطة وجواها كمية من الاحاسيس الغريبة قالت :يوسف؟!!
يوسف: ايوا يوسف
ريان التلفون وقع من يدها وخلتو وجرت دخلت الغرفة وقفلت الباب عليها يوسف رفع تلفونا ودخل غرفتوووو فتح التلفون لقاها خاتا صورتا في الشاشة وبقي متنح في الشاشة وكل ما تطفي ينورا
وقلبو باقي زي الدلوكة
يوسف بينو وبين نفسو :معقولة يا يوسف ربنا بحبك لدرجة البت الحبيتا من دووون بنات حوا ديل تطلع صاحبة اختك وتكون قاعدة في بيتكم؟😍😍😍
معقولة
ميار خبطت الباب فتحت ليها ريان
ريان و بدت تهلوس : اخوك ... شفتو ... يوسف ...ميار
..يوسف هنا
ميار :ريان قولي بسم الله وفهميني في شنووو
ريان: زائل اخوك هو نفس يوسف الانا بتكلم معاو
ميار وعملت مخلوعة: احللللللفي يعني انتي حبيبة يوسف الكان بحكي لي عنها؟😦😦
ريان: حبيبة شنو يا بت اخوك حابي وبعدين انا وهو اصحاب بس
ميار : بس هو بحبك لانو كان بيحكي لي عنك وحكت ليها عن كل البحسو يوسف اتجاها "لانو ميار شغالة بقانون اطرق الحديد وهو حامي"
ريان مصدومة لانو يوسف كمان لع بحبها زي ما هي بتحبو واكتر كمان
في غرفة يوسف
ماسك تلفون ريان في يدو مرة يشم التلفون عشان يشم ريحة ريان ومرة يضموو ومرة يعاين في صورتا حفظ كل ملامح وشها وادق التفاصيل فيه وكل مرو يقول سبحان الله في جمالك😍😍😍
قرر انو يتصل ويشوفا مسجلة اسمو بمنوو
اتصل من تلفونو في تلفون ريان اول من اتصل نورت شاشة التلفون بي صورة ريان ومكتوب فيها "نبضي" ظهر في الشاشة اسم " ال vip حقي
قال بصوت عاالي طلعت بتحبك يايوسف عايز شنو تاني وكان عايز يطير من الفرحة😃😃
بس كيف يواجهو بعض؟
كيف كل واحد يوري التاني انو بحبووو
في المستشفي
: يا دكتور المدام مالا طمني عليها
الدكتور : المدام حالتا مستقرة لحدي الان لكن اي زعل او صدمة ممكن تقتلا عادي عشان كدا ايعدو عنها الاخبار السيئة في الفترة
ابو خالد بيدعي :الله ينتقم من الكان السبب وناسي انو بيدعي علي نفسو لانو هو الاصر علي خالد يخطب ريان ويخليها تحبو ويتخلي عنها قبل العقد بدقايق عشان يكسر غرور حامد ويحطم اسرتو
ونسي انو من فوق سبع سماوات ربنا كاتبا ومدبراا
....
في مكان تاني
:ميار تلفوني مع اخوك امشي جيبيهو لي
ميار :مع يوسف؟😆
ريان بس سمعت اسم يوسف وقلبها قرب يتفجر ما عرفتو حب ما عرفتو خوف ما عرفت توصف احساسا دا قالت لميار :ايوا
ميار بخباثة بعد ما اتاكدت انو ريان ويوسف بحبو بعض حب صادق قالت ليها :طيب امشي جيبيهووو اساسا هو طلع
ريان :لاااااا مستحيل امشي جيبيهو انتي
ميار : انا يوسف مانعني ادخل غرفتو بس بما انك حتكوني المدام حقتو ف عادي امشي😊😊
ريان تنحت : تفتكري ميوو انو انا ويوسف حنكون لبعض؟؟
ميار : يارب تكونو لبعض والله ي ريان انا من شفتك حبيتك في الله واذا في وحدو تستاهل قلب يوسف فهي انتي واذا في زول بستاهل قلبك فهو يوسف
ريان بحب : الله يبقيهو قسمتي
ميار : هوووي شايفاك منبرشة في اخوي😂😂
ريان بهظار :منبرشة بس انا ميتة ومدردقة و اي شي
ضحكو وهظرووو
ريان بجدية : ميو متين عرفتي انو انا ريان البحكي عنها يوسف ؟
ميار حكت ليها لم البت اتصلت عليها وكيف كان حال يوسف متغير وكدا
ريان دمعتا نزلت وقالت : ظلمتوو الله يسامحني
ميار مسحت لي ريان دموعا وقالت ليها ما تبكي الحصل والحيحصل كلو لي خير هسي امشي جيبي فونك وتعالي خلينا نقراا
ريان : لاا خليهو التلفون ارح نقرا
وبدو يراجعو وريان كل شوية تسرح في يوسف ووتزكر لم اتلاقت عيونهم اول مرة وهم برا الغرفة
يوسف اصلا ما طلع من البيت يطلع كيف ونصو التاني فارق بينهم حيطة بس ما قادر يستقر في حتة وحدة يدهل ويقيف ويقعد عايز يمشي لي ريان بس بأي عذر؟
ما عندو عذر يخليهو يمشي الغرفة بعدين قرر انو ما يقعد في البيت عشان ما يجن بالتفكير الكتير فيها استحمي وطلع وشال تلفون ريان معاو
ريان تزكر دقيقة وتسرح في يوسف😍😍 ساعة لم غلبتا الحيلة قالت لي ميار وريني صورتو خليني اشوفوووو
ميار ضحكت ع تصرفا وفتحت تلفونا ورتا صورة يوسف☺
ريان : سبحان الله والله نفس الصورة الرسمتها ليو في خيالي
وبقت مهفية في الصورة
الساعة ١٠ ..
ميار :ريان امشي جيبي تلفونك قبل يوسف يجي
ريان: سمح وقامت معاها ميار لحدي ما وقفو قدام باب الغرفة ميار فتحت ليها الباب ورجعت دخلت ريان وهي متاكدة انو الغرفة فاضية دخلت بتفتش ع تلفونا لقت العطر بتاع يوسف فوق الطربيزة ومفتوح
شالتو عشان تقفلو
شمت العطر غصب عنها واتريحت منووو علي الاقل عشان تكون ريحة يوسف في انفها علي طول وبقت واقفة وبتعاين بعيونا للحاجات اللي في الغرفة والنور مطفي بس لانو الباب مفتوح نور الصالة منورها
حست بحركة زول وراها بس افتكرتا ميار جات تفتش معاها لانها طولت في غرفة يوسف وقالت ميياااا قبل تتم كلامها شافت ليك زولا زاااااتو واقف قداما
بدت تتمتم بالكلام : ااااننااا اصلاا يعننيي ميار
يوسف برومانسية : ريوو
ريان ووائل الاتنين عيونهم كانت فاضحاهم لبعض
قبل ريان ترد جات ميار داخلة شافت ريان مدنقرة راسا ويوسف حياكلا اكل بعيونو😂😂😂
ميار : ازيييكم
يوسف نزل عينو من ريان وقال ليها :اهلين
ميار : يوسف دي ريان صحبتي الحكيت ليك عنها وكملت بخباثة اسمها نفس اسم البت الانت بتحبها غايتو يا بختنا او حبيبتك طلعت بتشبه ريوو ريان والا رض عايزة تتشق وتبلعا من الخجل مشت وقفت جمب ميار وبقت تجر فيها من يدها عشان يطلعو😂😂
يوسف عاين لي ريان في عيونا وقال ليها : ريان
ريان رفعت عيونا من غير ما تحس وقالت : ايوا
يوسف بجرأة : يا بختي بي حبيبتي ومرتي
ريان طوااالي لفت وطلعت من االغرفة
ميار : حرام عليك احرجت البت
يوسف : ميار دي نفسها ريان الانا بحبها نفسها لنو الحكيت ليك عنها
دي نفسها القلبي اختارا
ميار : ااااي عرفت ي عمي وابشرك هي مرتبطة وانت بالنسبة ليها مجرد صاحب
يوسف والدنيا دارت بيو : انتي بتقولي في شنووو ؟!!!!!😥😥
ميار : م مصدقني؟ اسألا
وطلعت خلت يوسف يلف ويدور حول نفسو بعد كلام اختوووو
