يوسف طلع وهو بلوم في نفسو انو لو ما كان قال ليها مرتبط ما كانت فكرت توافق علي سامر لو هي حاسة بنفس احساسووو
وصل المعرض واخلاقو ضييقة ويتنرفز في اقل شي بعدين قعد مع نفسو وقال يايوسف لازم تبقي ريان شي ثانوي في حياتك لانها معتبراك شي ثانووي وخت في نفسو الموضوع دا وطلع ماشي ع البيت بعد خلص الدوام بس بعدين غير شارعو ومشي النيل😢😢
ميار اتصلت ع يوسف عشان يرجعهم البيت لقت تلفونو مقفوول خافت علي اخوها بالجد كلمت ريان انها تتصل ع السواق وجا وصلهم
وصلو ودخلو سلمو علي ام ميار وطلعو غرفتهم ريان من الصباح ما اكلت شي كيف تاكل وهي عارفة انو يوسف ما حيكون اكل شي ولا حتي ليها نفس تاكل
انتظرو يوسف هي وميار متحججين بالقراية بس وحدة قلبها علي اخوها والتانية قلبها علي حبيبا😵😵
ريان وخلاااص الصبر غلبا : ميار يوسف اتأخر شديد
ميار وباين عليها القلق حبت تطمن ريان : عادي م تخافي بتأخر كدا
ريان: ميار م تغشيني بعرف يوسف انا ما بيتأخر اكتر من ١١ برا البيت
ميار : دي المرة التانية يتأخر كدا اول مرة لم اختلفتو ودي المرة التانية
ريان بزعل : دا اخر البمشي وراك ي ميار الله يجازيك
ميار بزعل : اي والله زودتها شوية😶
وهم بيتكلمو كدا سمعو صوت باب غرفة يوسف فتح الاتنين لا شعوريا قامو جروو علي الغرفة
لقو يوسف واقف بيطلع في قميصووو
ميار : يوسف وينك نتأخر قدر دا ؟
يوسف وما كان طايق حتي نفسو : ميار اختيني بالله ومشي قفل باب الغرفة في وشهم حتي ما عاين لي ريان في عينا
ريان بدت تدمع : شفتي كرهني اكيد حيكون كرهني
ميار : ما تقولي كدا ي ريو يوسف مستحيل يكرهك بس هو متضايق عشان عرف انك مرتبطة مع واحد تاني
ريان بدت تبكي بطريقة هيستيرية : بس انا ما مرتبطة مع غيرو ولا عايزة غيرو ميار انا بحبو هو وعايزاهو هو فاهماني انتي
ميار وكسر خاطرا حال ريان ويوسف: بعرف والله بعرف.. اتصلي عليهو ريوو
ريان ما صدقت طوالي رفعت تلفونا واتصلت علي يوسف
يوسف وقتها يدوووب فتح تلفونو جاتو مكالمة ريان ما رد المكالمة الاولي ولا التانية رد في التالتة وهو قلبو عايز يقيف من التوتر ريان البت الوحيدة القدرت تلعب باعصابو هي البت الوحيدة البشوفا بت هي في عيونو كل الدنيا بس للاسف ما ليهو حتكون حقت زول غيروو
رد والعبرة خانقاهووو : هلا ريان
ريان بحنية :يوسف
يوسف بينو وبين نفسو عليك الله ما تقولي اسمي بالطريقة دي والله ما اقدر استحمل اكتر من كدا بغالب نفسو ويكابر رد : نعم
ريان سكتت ما عرفت تقول شنووو بقو ساكتين الاتنين
يوسف بجدية : انا عايز انوم تصبحي بخير وخلي بالك علي نفسك وركزي في قرايتك ريان في النهاية انتي زي ميار عندي بس ياريت ما نتواصل مع بعض تاني وقفل الخط ما انتظر منها رد غلبو يمسك دمعتو اكتر من كدا نزلت دمعتو للمرة التانية والمرتين سببهم ريان
ريان ما مستوعبة كلام يوسف ولا ميار اللي كانت خاتة السماعة مع ريان
ريان: سمعتينهو قال شنو ؟ سمعتي يا ميار ما عايزني اتواصل معاو
ميار عرفت انو اخوها مكسور من جوا ما عرفت تسوي شنووو
ريان غالبا النوم وغلبتا القراية ما قادرة تسوي شي الا انها تفكر في يوسف
اصبح الصباح لبسو ميار وريان ونزلو تحت بعدهم طوالي نزل يوسف
ام يوسف: ريان يا بتي عيونك دا مالا حمرا وورامة كدا كنتي بتبكي ولا شنوو ويوسف طوالي رفع عينو عاين ليها اتلاقت عيونهم يوسف طوالي اتشغل بتلفونو
ميار عايزة تغطي لي ريان:اي امس الليل كلو تبكي وما نامت اشتاقت لي اهلا عشان كدا
يوسف عارف ميار كذابة بس ما حب يتدخل وهو قلبو واجعوو عليها وعارف انو هو سبب بكاها
وقف علي حيلو وقال لميار منتظركم في العربية
ميار وريان طوالي قامو مشو العربية كالعادة ميار قدام وريان ورا
قعدت ريان ورا يوسف وما قادرة ترفع عينا تعاين ليو ولا هو قادر يعاين ليها بس كل مرة ومرة برفع عينو يشوفا سرحانة وبتعاين بالقزاز وكلهم صامتين ماف واحد قادر يقول كلمة
عدو١٠ ايام بالحالة دي ويوسف بتجنب ريان بقدر ما يقدر وريان مشتاقة تسمع اسمها من شفايفو اشتاقت للونسة معاو اشتاقت لكل شي فيهو بس كل ما يطلع بتمشي غرفتو تتريح من عطروو وتطلع
ميار شايفة الحالة الوصلو ليها ريان ويوسف وما قادرة تعمل شي بس خلفت انها الا تخليهم يعترفو لبعض بمشاعرعم وفعلا بدت تنفذ خطتا..
صحي برشة موية باااردة علي صدرو العاري والمليان جروح من اثر الضرب
الضابط : قوم يازول وكمان عندك نفس تنوم
خالد حول عيونو اسوود وعينو وحدة وارمة ما بقدر يفتحا وجسمو مليان كدمات بالغصب وقف علي حيلووو
الضابط بنفس البنرة : جاتك مكالمة
خالد : من منوو
الضابط : من باراك اوباما حتتكلم ولا كيف؟؟
خالد مسك التلفون بالغصب : وقال الووو
: هههههههه اها يا باشا كيف بيتك الجديد ان شاء الله مرتاح فيهوو
خالد: مهند؟
مهند بنفس الضحكة الخبيثة : ما تكون اتوقعت باراك اوباما بالجد
خالد بضعف : مهند انا يامهند امي في المستشفي بسببك
مهند باستنكار : انا سويت شنووو تاجرت معاك في المخدرات
لا سمح الله؟؟
خالد بكي ضعفو وقلة حيلو وقال لي مهند : انا والله ما قصدت اكسر قلب ريان انا حبيتا من جوا قلبي بس كان قدامي خيارين اما ارضي اختك او اخسر عفو ابوي وانا اخترت عفو ابوي وهسي امي في المستشفي بسبب الكلام دا وابوي مصدق اني بتاجر في المخدرات بالجد من يوم دخلوني السجن ما شفتو الله يسامحك يا مهند
مهند ضميرو انبو انو فكك اسرة كاملة عشان يرضي غرورو وكبريائو وقرر في نفسو انو يطلع خالد من السجن ويلغي التهمة العليهو وزي ما ثبتا عليهو بتلفون بيقدر يشطبا بتلفون قفل الخط من خالد وطوالي اتصل تلفون
مهند: اسمع اشطب كل التهم ضد خالد واتكفلو بعلاج امو كامل مكمل في المستشفي ونزلو ليهو اعتذار في الجريدة وقفل الخط حتي ما انتظر رد
...
في شندي
.... ام ريان وابوهااا
سهام : ميمي اتصلت علي
حامد : كيف اخبارهم
سهام: حتبقي جد قريب
حامد: بالجد ؟ ماشاء الله والله الحمدلله يارب الف حمد وشكر ليك
