ريان وصلت البيت غيرت و صلت ومشت تاكل وهي تتكشم وتتبسم ساي واتمنت انو يوسف يكون برضو بحبها وهي ما عارفة انو كلمة الو منها بتنسي يوسف الدنيا باللي فيها 😁😁
يوسف من بعد طلعت ميار وهو بقول : اتصل لالا ما اتصل لا يا يوسف اتصل ووريها الحصل حتي لو ما قبلت عذرك تكون عملت العليك وريحت ضميرك يوسف بناقض في نفسو انو يتصل او لا لحدي ما رجع البيت 😵😵
...
ريان داخلة ومارقة في غرفتها وكل دقيقة تجري تعاين للتلفون كان عندها احساس قوي انها حتسمع صوت يوسف بس خاب ظنها ونامت وهي ماسكة التلفون
تلفونا كان هزاز الساعة ١ التلفون ضرب صحت بالهزاز
ردت وعلي بالها ميار لانو ما ممكن زول يتصل عليها زي الوقت دا غيرها☺☺
ردت وهي شبه نايمة : همممممممم ميوو عايزة شنوو
المتصل : ريان
ريان ببعد سمعت الصوت دا نطت من نومها وقعدت في نص السرير وقالت بعتاب :يوسف؟؟😯
يوسف اشتاق ليها واشتاق لبحة صوتها و طريقة كلامها وضحكتها قال من غير مايحس بنفسو :نعم يا بعد دقات قلب يوسف انتي
ريان بدت تبكي حست باحساس غريب حتي ما كانت بتحس بيو مع خالد حست انو روحها ردت ليها وانو صوت يوسف هو الامان بالنسبة ليها في البلد الغريبة عنها دي 😳😳
يوسف سمع صوت شهقاتها وبكاها قال ليها بحنية :ريو ما تبكي عشان خاطري
ريان وصوت بكاها بقي مسموع :ليه يا يايوسف ليه تعمل كدا ليه تخلي وحدة تتصل علي وتقول لي كدا انت لو ما عايزنيي ات....
قاطعها يوسف بجدية :ريان انا والله ما عندي ذنب وكل الحصل انوو . وحكي ليها الحصل من حوتة
ريان حست انها ظلمت يوسف لم حكمت من غير ما تسمع منو وقالت ليو :سامحني😭
يوسف حسي بصوت دقات قلبو مسموع لي ريان بينو وبين نفسوو اسامحك كيف وانا الطالب عفوك ورضاك وحبي يتغلي حبة علي ريان عشان يعلمها انها ما تحكم علي زول قبل ما تسمع منو قال ليها بجدية :البسامح ربنا ما انا ريان حست انها غلطانة في حقو حست انها انانية لانها ظلمتو وما ادتو فرصة يدافع عن نفسوو
قالت بحنان غصب عنها : اشتقت ليك😍
يوسف لحظتها نسي اسمو ونسي كل شي م عدا انو الدنيا ما سايعاهو من الفرحة قال ليها : ما سمعتك قلتي شنو؟
ريان بصوتها المبحوح:مشتاقة ليك
يوسف حسي انو الدنيا ما سايعاهو بالفرحة : قال ليها انا كمان اشتقت ليك والله فقدتك ياريان فقدت صوتك المالي علي يومي فقدت بحة صوتك المعذباني بعدين استوعب هو قال شنو حب يغير الموضوع عشان ما يعترف ليها بحبو ويخسرا لانها معتبراو اخوها وهو ما عارف انو ريان كمان عشقتو من صوتو
يوسف:ريان
ريان: ايوا
يوسف اوعديني لو مهما حصل ما تحكمي علي قبل ما تسمعي مني
ريان:اوعدك ياريت تسامحني عشان ظلمتك
وقالت: ما تتخيل كيف مرا علي الاسبوع دا كان ابيخ اسبوع في حياتي بس هسي يدوب روحي رجعت لي
يوسف ومستمتع انو بسسمع الكلام دا من البت الاختارا قلبو قال ليها :انا روحك
ريان كان نفسها تقول ليو اي روحي وحياتي وقلبي وكل شي حلو في حياتي الجديدة سببو انت يايوسف
بعدين اتزكرت انو ممكن يكون حاسبها اختو ما اكتر قالت ليو :اي روحي مش انت اخوي
وقلبها وجعا لم قالت كلمة اخوي دي
يوسف بينو وبين نفسو لا ياريو ما تقول ليي الكلمة دي ما تقولي اني اخوك ما تبني الحاجز دا ابوس ايدك بس قال غصب عنوو وبابتسامة باهتة : اكيد اخوك
بعدين يوسف اتزكر الزمن وقال ليها :ريو مفروض تنومي بعد دا بكرا وراك جامعة 😊😊
ريان بعفوية :لااا خليني اتكلم معاك اسبوع م اتكلمت معاك احكي لي الحاصل عليك
يوسف بصوت حنين :اشتقت ليك
ريان حست بانها بالجد حبت يوسف خجلت وغلبا الرد
ريان بعفوية :يوسف
يوسف :جمبك
ريان :بتحب؟؟
يوسف باستغراب :كيف قلتي؟
ريان واترددت في الكلام قالت :يعني اممممممممم اقصد عندك حبيبة؟؟
يوسف م فهم قصدها في الاول بعدين استوعب وحب يختبر ريان هي هي بتحس بشئ اتجاهو او لا وقال ليها بثقة :ايوا عندي حبيية
ريان:وبتحبها؟؟
يوسف برومانسية :ااأاااااااخ بس احبها ؟ انا بموت فيها وبعشقها بصورة ما تتخيليها
ريان وخلاص العبرة خنقتا قالت :طيب وانا ؟
يوسف ما سمعا بس حس انها اتضايقت قال ليها بحنان :ريو
ريان وخلاص ماقدرت تمسك دموعا اكتر قالت ليو برجع ليك يوسف
يوسف قال ليها بجرأة: حتبكي عشان قلت ليك عندي حبيبة؟؟
ريان ما حبت تظهر ليو شي من مشاعرها اتجاهو خصوصا انو طلع بحب وحدة تانية قالت بصوت واطي :لا .بس نعست وبكرا وراي جامعة
يوسف ما حب انو يضغط عليها وحب انو يعذبا حبة قال ليها : طيب تصبحي علي خير اساسا بعد شوية حتصل عليها
ريان وخلاص فاض بيها قالت ليو بدون نفس :خير.. تصبح بخير وقفلت الخط حتي ما انتظرت ردووو
يوسف كان متاكد انها ما حترد عليهو تاني قام اتصل عليها تاني عشان يقول لي لنا اتصلت عليها وما ردت شكلها نايمة
اصبح الصباح لنا طلعت الجامعة وهي زهجانة لقت ميار قداما ضمتا وقالت : طلع عندو حبيبة ي ميوو
ميار: منو دا كدي فهميني شي
ريان:يوسف
ميار : مالو يوسف ؟هو اتصل عليك؟
ريان: اي وياريتو لو مااتصل
ميار :ريو في شنو فهميني شي
ريان ساقت ميار وقعدو في بينش وطلعت تلفونا سمعتا المكالمة
ميار مصدوومة من السمعتو من اخوها قالت لي ريان :كذااب وبكذب عليك هو عمل كدا عشان يعرفك بتحبيو ولا لا 😊
ريان : م ف سبب يخليهو يكذب
ميار بجدية :اصبري انا بوريك ونادت واحد صاحبها اسمو سامر
" سامر زول حبوووب حلبي نضييييف خاطب وحدة دفعتووو وبحبو بعض بالجد😍" سامر كان فردة ميار للاخر نادتو وقعدتو قال ليو انا ححكي ليك شي وتوريني انت كنت حتتصرفف كيف بما انك شاب
سامر :احكي
ميار بدت تتكلم وريان بتسمع باهتمام :لو عندك وحدة صحبتك لا شفتها ولا شافتك وبس اتعرفتو بالغلط عن طريق التلفون وبقيتو اصحاب شديد
سامر :اها
ميار :يلا انت بتحبها وحاسي انو هي كمان بتحس اتجاهك بنفس الانت بتحسووو ..حتسوي شنو عشان تعرف انو هي هل بتحبك ولا لا؟؟!☺☺
سامر :بسيطة بقول ليها انا بحب وحدة ولو بقت تغير وتتضايق مصيرا يجي يوم وتعرف بمشاعرا 😂😂
ميار قبلت علي ريان وقالت ليها : شففففتي كلامي صح
ريان قالت لي سامر :طيب لو عايزة تغيظو تسوي شنووو؟
سامر :تقول ليو انها بتحب واحد
ريان ضحكت بخباثة وقالت لميار :خليهو يصبر لي
ميار اتبسطت انو ريان بتحب اخوها من قلبها ومستعدة تعمل اي شي عشان حبها
ميار دععت من قلبها انو ريان ويوسف يكونو لبعض. 😻💜💜💜💜💜
