ريان ويوسف ﻋﻼﻗﺘﻬﻢ ﺯﻱ ﺍﻟﺴﻜﺮ ﻭﻛﻞ ﻳﻮﻡ ﻣﺎﺷﺔ ﺍﺣﻠﻲ ﻭيوسف ﺑﻘﻲ ﻳﺘﺠﺮﺃ ﻭﻳﻈﻬﺮ ﻟﻴﻬﺎ ﺣﺒﻮ ﻗﺪﺍﻡ ﺍﻣﻮﻭ...
ريان ﻭﻣﻴﺎﺭ ﻭﺍﻡ يوسف ﻗﺎﻋﺪﻳﻦ ﻓﻲ ﺍﻟﺼﺎﻟﺔ ﺑﻴﺘﻮﻧﺴﻮ ﻻﻧﻮ ﻣﻴﺎﺭ ﻭريان ﻣﻠﻮﻭ ﻣﻦ ﺍﻟﻘﺮﺍﻳﺔ يوسف ﺟﺎ ﻗﻌﺪ ﻗﺼﺎﺩ ريان ﻭﺟﻤﺐ ﺍﻣﻮﻭ ﻭﻗﺎﻝ ﻟﻲ ﺍﻣﻮ : ﺍﻟﻤﻜﺎﻥ ﺩﺍ ﻣﻨﻮﺭ ﻛﺪﺍ ﻟﻴﻪ
ﺍﻡ يوسف ﻣﺎ ﻓﻬﻤﺖ ﻗﺼﺪﻭﻭﻭ : ﺍﻧﺖ ﺟﻨﻴﺖ ﻳﺎ ﻭﻟﺪ ؟ ﻣﺎ ﻳﺎﻫﺎ ﺻﺎﻟﺘﻨﺎ ﺣﻘﺖ ﺍﻣﺲ ﺯﺍﺗﺎ
يوسف : ﻭﺣﻠﻮﺓ ﻛﻤﺎﻥ ﺍﻟﺼﺎﻟﺔ ﻭﺭﺍﻳﻘﺔ ﻭﺍﻧﺎ ﺑﺤﺒﻬﺎ ﻭﺑﻘﻮﻝ ﻓﻲ ﻛﻼﻣﻮ ﺩﺍ ﻭﻋﻴﻨﻮ ﻣﺎ ﻧﺰﻟﺖ ﻣﻦ ريان😍
ريان ﺍﺗﻤﻨﺖ ﺍﻻﺭﺽ ﺗﻨﺸﻖ ﻭﺗﺒﻠﻌﺎ
ﻣﻴﺎﺭ ﺣﺒﺖ ﺗﻬﻈﺮ ﻣﻊ ريان ﻗﺎﻟﺖ ﻟﻴﻮ : ﺗﻘﺼﺪ ﺍﻟﺼﺎﻟﺔ ﻭﻻ ﺍﻟﻘﺎﻋﺪﺓ ﻓﻲ ﺍﻟﺼﺎﻟﺔ ؟
ريان ﻗﺮﺻﺖ ﻣﻴﺎﺭ ﺷﺪﻳﺪ
ﻣﻴﺎﺭ ﺑﺪﻭﻥ ﺷﻌﻮﺭ : ﺍﺍﺍﻱ
ﺍﻡ يوسف ﻳﺪﻭﺏ ﺍﺳﺘﻮﻋﺒﺖ ﺿﺤﻜﺖ ﻭﻗﺎﻟﺖ ﻟﻴﻮ : ﺑﻴﻨﻲ ﻭﺑﻴﻨﻚ ﻳﺎ ﻭﻟﺪﻱ ﺍﻟﺼﺎﻟﺔ ﺗﺴﺘﺎﻫﻞ ﺗﺘﺤﺐ
ريان ﺧﻼﺹ ﻣﺎ ﻗﺪﺭﺕ ﺗﻘﻌﺪ ﻗﺎﻟﺖ ﻟﻴﻬﻢ ﻋﻦ ﺍﺫﻧﻜﻢ ﻣﺎﺷﺔ ﺍﺗﺼﻞ ﻋﻠﻲ ﺍﺑﻮﻱ ﻭﻗﺎﻣﺖ ﺟﺮﺭﺭﺭﺭﻱ ﻃﻠﻌﺖ ﻏﺮﻓﺘﻬﻢ ﻫﻲ ﻭﻣﻴﺎﺭ
ﺿﺤﻜﻮ ﻛﻠﻬﻢ ﻻﻧﻮ ﻋﺎﺭﻓﻨﻬﺎ ﺧﺠﻮﻭﻟﺔ
يوسف : ﻳﻤﺔ ﺍﺧﻄﺒﻴﻬﺎ ﻟﻲ ﻛﻔﺎﻳﺔ ﺍﻛﻮﻥ ﻋﺬﺍﺑﻲ
ﻣﻴﺎﺭ ﺑﻬﻈﺎﺭ : ﺗﻜﻮﻥ ﻋﺬﺍﺑﻲ ﻭﻻ ﻣﺎ ﻗﺎﺩﺭ ﺗﺴﺘﺤﻤﻞ ﺑﻌﺪ ريان ﻋﻨﻚ
ﻣﺎ ﻟﻘﺖ ﺍﻻ ﺍﻟﺠﺪﺍﻋﺔ ﻑ ﻭﺷﻬﺎ
يوسف : ﺍﺧﺠﻠﻲ ﻳﺎ ﺳﺠﻢ ﺍﻟﺮﻣﺎﺩ
ﺍﻡ يوسف ﻣﺎ ﻗﺪﺭﺕ ﺗﺼﺒﺮ ﻓﻜﺖ ﺯﻏﺮﻭﺩﺓ ريان ﺳﻤﻌﺘﻬﺎ ﻋﺮﻓﺖ ﺍﻧﻮ يوسف ﺣﻴﻜﻮﻥ ﻛﻠﻤﺎ ﺑﻌﻼﻗﺘﻬﻢ ﺑﺲ ﻣﺶ ﺑﻤﻮﺿﻮﻉ ﺧﻄﻮﺑﺔ
ريان ﺑﻴﻨﺎ ﻭﺑﻴﻦ ﻧﻔﺴﻬﺎ: ﺍﻟﻠﻪ ﻳﺠﺎﺯﻳﻚ ﻳﺎيوسف ﺗﺎﻧﻲ ﺣﻼﻗﻴﻬﺎ ﺑﻲ ﻳﺎﺗﻮ ﻭﺵ😦
ريان ﻗﺮﺭﺕ ﺍﻧﻬﺎ ﺣﺘﺴﺎﻓﺮ ﻣﺼﺮ ﻣﻊ ﻧﺎﺱ ﺍﺑﻮﻫﺎ ﻻﻧﻮ يوسف ﻣﺴﺘﺤﻴﻞ ﻳﺮﺿﻲ ﺍﻧﻬﺎ ﺗﻘﻌﺪ ﻓﻲ ﺍﻟﺸﻘﺔ ﺑﺮﺍﻫﺎ ﻭﻣﺴﺘﺤﻴﻞ ﺗﻘﺪﺭ ﺗﻘﻌﺪ ﻣﻌﺎﻫﻢ ﺍﻻﺟﺎﺯﺓ ﻛﻠﻬﺎ
ﺍﻣﺘﺤﺎﻧﺎﺗﻬﻢ ﻣﺎﺷﺔ ﺯﻱ ﺍﻟﺴﻜﺮ ﻭﻫﻲ ﻭﻣﻴﺎﺭ ﻣﺒﺴﻮﻃﻴﻦ ﻭﺟﺎ ﺍﺧﺮ ﻳﻮﻭﻡ ﻟﻼﻣﺘﺤﺎﻧﺎﺕ ﺑﻌﺪ ﺧﻠﺼﻮ يوسف ﺟﺎ ﺳﺎﻗﻬﻢ ﻭﺩﺍﻫﻢ ﺷﺎﺭﻉ ﺍﻟﻨﻴﻞ ﻭﻛﺎﻥ ﻋﺎﺯﻣﻬﻢ ﻏﺪﺍ ﻭﻣﺒﺮﻣﺠﻴﻦ ﻟﻠﻴﻮﻡ ﻛﻠﻮﻭﻭ
ﻭﺻﻠﻮ ﺷﺎﺭﻉ ﺍﻟﻨﻴﻞ ﻭﻗﻌﺪ ﺷﻮﻭﻳﺔ ﻣﻴﺎﺭ ﻟﻘﺖ ﺑﻨﺎﺕ ﺩﻓﻌﺘﺎ ﻓﻲ ﺍﻟﺜﺎﺗﻮﻱ ﻣﺸﺖ ﺗﺘﻮﻧﺲ ﻣﻌﺎﻫﻢ ﻣﻊ ﺍﻧﻬﺎ ﻣﺎ ﻛﺎﻧﺖ ﺑﺘﻄﻴﻘﻬﻢ ﺑﺲ ﻋﺸﺎﻥ ﺗﺨﻠﻲ يوسف ﻭريان ﻳﺎﺧﺪﻭ ﺭﺍﺣﺘﻬﻢ ﻓﻲ ﺍﻟﻜﻼﻡ
ﺍﻭﻝ ﻣﻦ ﻣﻴﺎﺭ ﻗﺎﻣﺖ يوسف ﻣﺸﻲ ﻣﺤﻠﻬﺎ ﻭﻗﻌﺪ ﺟﻨﺐ ريان ﻭﻋﺎﻳﻦ ﻟﻴﻬﺎ ﻓﻲ ﻋﻴﻮﻧﺎ ﻗﻮﻭﻭﻱ ﻭﻗﺎﻝ ﻟﻴﻬﺎ : ﺷﻮﻓﻲ ﻳﺎ ﺑﺖ حامد ﺍﻧﺎ ﻣﺎ ﺑﺤﺐ ﺍﻟﻠﻒ ﻭﺍﻟﺪﻭﺭﺍﻥ ريان ﺍﺳﺘﻐﺮﺑﺖ ﻣﻦ ةمظظ
يوسف ﻛﻤﻞ : ﻣﺎ ﺑﻘﺪﺭ ﺍﻛﻮﻥ ﺑﻌﻴﺪ ﻣﻨﻚ ﺍﻛﺘﺮ ﻣﻦ ﻛﺪﺍ ﻭﻏﻤﺰ ﻟﻴﻬﺎ ﻣﺎ ﺑﺴﺘﺤﻤﻞ
ريان ﻭﺍﻟﺨﺠﻞ ﻋﺎﻳﺰ ﻳﻘﺘﻼﺍﺍ
يوسف : ﻓﻌﺸﺎﻥ ﻛﺪﺍ ﺍﻧﺘﻲ ﺗﻘﻮﻣﻲ ﺗﺘﻜﺮﻣﻲ ﻭﺗﺪﻳﻨﻲ ﺭﻗﻢ ﺍﺑﻮﻙ ﻭﺍﻧﺎ ﺍﻟﻤﺴﺎ ﺑﺨﻠﻲ ﺍﺑﻮﻱ ﻳﺘﺼﻞ ﻋﻠﻴﻬﻮﻭﻭﻭ ﻭﻣﺴﻚ ﻳﺪﻫﺎ ﻭﻗﺎﻝ ﻟﻴﻬﺎ : ريان ﻳﺸﻬﺪ ﺍﻟﻠﻪ ﺍﻧﺘﻲ ﺍﻭﻝ ﻭﺍﺧﺮ ﺍﻧﺜﻲ ﻓﻲ ﺣﻴﺎﺗﻲ
ريان ﻭﻫﻲ ﻟﺴﻪ ﻣﺪﻧﻘﺮﺓ ﻗﺎﻟﺖ ﻟﻴﻬﻮ : ﻭﺑﺘﻚ؟؟😂
يوسف ﻗﺎﻝ ﻟﻴﻬﺎ ﺑﻨﻬﺮﺓ :ريان
ﺍﺗﺨﻠﻌﺖ ﻭﺭﻓﻌﺖ ﺭﺍﺳﺎ ﻗﺎﻝ ﻟﻴﻬﺎ : ﻗﻮﻟﻲ ﺑﺘﻨﺎ ﺍﻥ ﺷﺎﺀ ﺍﻟﻠﻪ
ريان بخجل: ﺍﻥ ﺷﺎﺀ ﺍﻟﻠﻪ
يوسف : ﻭﺍﻟﻠﻪ ﺑﺮﻳﺪﻙ ﻳﺎ ﺑﺖ ﺍﻟﻨﺎﺱ
ريان: ﻡ ﻗﺪﺭﺕ ﺗﺮﺩ ﻓﻀﻠﺖ ﺳﺎﻛﺘﺔ ...
ﻛﻤﻠﻮ ﻳﻮﻣﻮ ﻭﻛﺎﻥ ﺣﻠﻭﻭ ﻭﻛﻠﻬﻢ ﺍﺳﺘﻤﺘﻌﻮﻭ ﺭﺟﻌﻮ ﺍﻟﺒﻴﺖ ﻭﻃﻮﺍﻟﻲ ﻉ ﺍﻟﻨﻮﻡ
ﺍﺻﺒﺢ ﺍﻟﺼﺒﺎﺡ ﻣﻴﺎﺭ ﻋﻨﺪﻫﺎ ﺣﻤﻲ
ريان ﻣﺎﺷﺔ ﻋﺸﺎﻥ ﺗﺠﻴﺐ ﺑﺎﻗﻲ ﻫﺪﻭﻣﺎ ﻭﺣﺎﺟﺎﺗﺎ ﻣﻦ ﺍﻟﺸﻘﺔ ﻋﺸﺎﻥ ﻣﻔﺮﻭﺽ ﺗﺴﺎﻓﺮ ﺑﻌﺪ ﺩﺍ ﻭﻛﺎﻥ ﻣﻔﺮﻭﺽ ﺗﻤﺸﻲ ﻣﻌﺎﻫﺎ ﻋﺸﺎﻥ ﻳﺠﻴﺒﻮ ﺑﺎﻗﻲ ﺍﻟﻬﺪﻭﻡ ﺑﺲ ريان ﺣﻠﻔﺖ ﻉ ﻣﻴﺎﺭ ﺍﻧﻬﺎ ﻣﺎ ﺗﺘﺤﺮﻙ ﻭﻫﻲ ﻣﺤﻤﻮﻣﺔ
ريانﻃﻠﻌﺖ ﺣﺘﻲ ﻣﺎ ﻛﻠﻤﺖ يوسف ﻻﻧﻮ ﻛﺎﻥ ﻧﺎﻳﻢ
ﺍﺗﺼﻠﺖ ﻉ ﺍﻟﺴﻮﺍﻕ ﻭﻛﻠﻤﺖ ﺍﻡ ﻣﻴﺎﺭ ﻭﺍﺑﻮﻫﺎ ﻭﻃﻠﻌﺖ
ﻃﻮﻝ ﺍﻟﺴﻜﺔ ﻭﻗﻠﺒﻬﺎ ﻣﻘﺒﻮﺽ ﺑﺲ ﻣﺎ ﻋﺎﺭﻓﺔ ﺍﻟﺴﺒﺐ ﻫﻲ ﻓﻲ ﺍﻟﺸﺎﺭﻉ ﺍﺗﺼﻞ ﻋﻠﻴﻬﺎ منزر ﺑﻌﺪ ﺍﻟﺴﻼﻡ ﻭﺍﻟﺴﺆﺍﻝ ﻋﻦ ﺍﻻﺧﺒﺎﺭ
منزر :ﺷﻨﻮ ﻳﺎ ﻣﺰﺓ ﺍﺧﺘﻔﻴﺘﻲ ﻛﺪﺍ
ريان : ﻛﻨﺖ ﻓﻲ ﺑﻴﺖ ﺻﺤﺒﺘﻲ ﻋﺸﺎﻥ ﺍﻻﻣﺘﺤﺎﻧﺎﺕ
منزر : ﻭﻭﻳﻨﻚ ﻫﺴﻲ ﺧﻠﺼﺘﻲ ﺻﺢ
ريان ﺑﻌﻔﻮﻳﺔ : ﺍﻱ ﺍﻻﻣﺘﺤﺎﻧﺎﺕ ﺧﻠﺼﺖ ﻭﻣﺎﺷﺔ ﺍﻟﻢ ﺑﺎﻗﻲ ﻫﺪﻭﻣﻲ من ﺍﻟﺸﻘﺔ ﻋﺸﺎﻥ ﻣﺴﺎﻓﺮﺓ ﺻﺤﺒﺘﻲ ﻛﺎﻥ ﻣﻔﺮﻭﺽ ﺗﺠﻲ ﻣﻌﺎﻱ ﺑﺲ ﻋﻴﺎﻧﺔ ﻳﺎ
ﺣﻠﻴﻼ ﺑﻌﺪﻳﻦ ريان ﺍﺳﺘﻮﻋﺒﺖ ﻫﻲ ﻗﺎﻟﺖ ﺷﻨﻮ ﻭﻧﺪﻣﺖ ﺍﻧﻬﺎ ﻭﺭﺕ منزر
ﻣﺎ ﻛﺎﻧﺖ ﻋﺎﻳﺰﺍﻫﻮ ﻳﻌﺮﻑ
منزر : ﺍﻳﻮﺍﺍﺍﺍ ﺗﻤﺎﻡ ﻭﺑﺎﻟﺸﻔﺎ ﻟﻲ ﺻﺤﺒﺘﻚ
ريان : ﺍﻣﻴﻦ ﺗﺴﻠﻢ ﻭﻣﺸﻜﻮﺭ منزرﻉ ﻛﻞ ﺷﻲ ﻣﺎ ﻗﺼﺮﺕ ﻣﻌﺎﻱ
منزر ﺑﺨﺒﺎﺛﺔ : ﻻﻻ ﻣﺎ ﺗﺸﻜﺮﻳﻨﻲ ﻳﺎﺥ ﺍﻧﺘﻲ ريان ﻭﻟﻌﻴﻮﻧﻚ ﺍﻧﺎ ﺑﺴﻮﻱ ﻛﻞ ﺷﻲ
ريان: ﺗﺴﻠﻢ ﻳﺎ ﺍﺧﻮﻱ ﻭﺷﺪﺕ ﻉ ﻛﻠﻤﺔ ﺍﺧﻮﻱ
منزر : ﺍﻟﻌﻔﻮ ﻳﺎ ﻗﻠﺒﻲ .. ﻳﻼ ا ﺴﺘﺌﺬﻥ ﺍﻧﺎ ﺑﻌﺪ ﺩﺍ ﺟﺎﻧﻲ ﺷﻐﻞ ﻣﺴﺘﻌﺠﻞ
ريان : ﺗﻤﺎﻡ ﺑﺎﻱ
منزر: ﺑﺎﻱ ﻭﻗﻔﻞ
ريان ﺑﻌﺪ ﺗﻠﻔﻮﻥ منزر ﺩﺍ ﺿﻴﻘﺘﺎ ﺯﺍﺩﺕ ﺯﻳﺎﺩﺓ
ﻭﺻﻠﺖ ﺍﻟﺸقه ﻭﺑﺪﺕ ﺗﻠﻢ ﻓﻲ ﻫﺪﻭﻣﺎ ﻭﺣﺎﺟﺎﺗﺎ ﺍﻟﺠﺮﺱ ﺿﺮﺏ
ﻣﺸﺖ ﺗﺸﻮﻑ ﻣﻨﻮﻭﻭ ﻟﻘﺘﻮ منزر
ﻓﺘﺤﺖ ﺍﻟﺒﺎﺏ : ﻣﺮﺣﺐ منزر
منزر ﻣﺪﺍ ﻳﺪﻭ ﺳﻠﻢ ﻋﻠﻴﻬﺎ ﻭﺿﻐﻄﺎ ﻓﻲ ﻳﺪﻫﺎ
ريان ﻣﺎ ﺍﺳﺘﻮﻋﺒﺖ ﺑﺲ ﺟﺴﻤﻬﺎ ﺍﻗﺸﻌﺮ ﻣﻦ ﺣﺮﻛﺘﻮ
منزر ﻭﻛﺎﻥ ﺷﺎﻳﻞ ﻓﻲ ﻳﺪﻭ ﻫﺪﻳﺔ ﻣﺪﺍﻫﺎ ﻟﻴﻬﺎ ﺩﻱ ﺍﺗﺰﻛﺮﻳﻨﻲ ﺑﻴﻬﺎ
ريان ﺷﺎﻟﺖ ﺍﻟﻬﺪﻳﺔ ﻭﻗﻠﺒﻬﺎ ﺑﺪﻕ ﻣﻦ ﻧﻈﺮﺍﺕ منزر : ﺷﻜﺮﺍ
منزر : ﻣﺎ ﻓﻲ ﺍﺗﻔﻀﻞ؟
ريان: ﻣﻌﻠﻴﺶ ﺑﺲ ﺍﻧﺎ ﺑﺮﺍﻱ ﻡ ﺑﻘﺪﺭ ﺍﺩﺧﻠﻚ
منزر ﺑﻘﻲ ﻳﻘﺮﺏ ﻣﻦ ريان: ﻟﻴﻪ ﻣﺶ ﺍﻧﺎ ﺍﺧﻮﻙ؟
ريان ﺑﺪﺕ ﺗﺮﺟﻊ ﻟﻮﺭﺍ ﻭﻗﺎﻟﺖ ﺑﺨﻮﻑ : ﺍﻱ ﺍﺧﻮﻱ ﺑﺲ ﺑﺮﺿﻮ ﻣﺎ ﺑﻘﺪﺭ ﺍﺩﺧﻠﻚ
منزر: ﻣﺎﻣﺸﻜﻠﺔ ﺑﺪﺧﻞ ﺑﺮﺍﻱ ﻭﻫﻮ ﻛﻞ ﺷﻮﻳﺔ ﻳﻘﺮﺏ ﻋﻠﻴﻬﺎ
ريان: منزر ﻋﺎﻳﺰ ﺷﻨﻮ
منزر: ﻋﺎﻳﺰﻙ ﻭﺟﺮﺍﻫﺎ ﻋﻠﻴﻬﻮ ريان ﺑﺪﺕ ﺗﺼﺮﺥ
ﻭﺳﺒﺤﺎﻥ ﺍﻟﻠﻪ ﺍﻟﺘﻠﻔﻮﻥ ﻛﺎﻥ ﻓﻲ ﻳﺪﻫﺎ ﻭﻛﺎﻥ ﻫﺰﺍﺯ ﺟﺎﻫﺎ ﺍﺗﺼﺎﻝ ﻭﻛﺎﻥ يوسف ﻭﻋﻠﻲ ﺑﺎﻟﻮ ﺍﻧﻮ ﺍﻭﻝ ﺻﻮﺕ ﻳﺴﻤﻌﻮ ﻓﻲ ﺍﻟﺼﺒﺎﺡ ﺻﻮﺕ ﺣﺒﻴﺒﺘﻮ ﻭﻫﻮ ﻣﺎ ﻋﺎﺭﻑ ﺍﻟﻤﺼﻴﺒﺔ ﺍﻟﺮﺍﺟﻴﺎﻫﻮ
ﻓﺘﺤﺖ ﺍﻟﺨﻂ ﻭﻫﻲ ﺑﺘﺼﺮﺥ ﺍﻟﺤﻘﻮﻧﻲ
يوسف ﺑﺪﺍ ﻳﺼﺮﺥ : ريان فﻲ ﺷﻨﻮﻭ ﻭﻳﻦ ﺍﻧﺘﻲ
ﺍﻟﺨﻂ ﻓﺼﻞ ﻻﻧﻮ ﺍﻟﺘﻠﻔﻮﻥ ﻭﻗﻊ ﻣﻦ ﻳﺪﻫﺎ ﻭﻃﻔﺎ
يوسف ﺳﻤﻊ ريان بﺘﺼﺮﺥ ﻗﺎﻡ ﺯﻱ ﺍﻟﻤﻠﺪﻭﻍ ﻭﺟﺮﻱ ﺩﺧﻞ ﻏﺮﻓﺖ ﻣﻴﺎﺭ ﻟﻘﻲ ﻣﻴﺎﺭ ﻓﻲ ﺍﻟﺴﺮﻳﺮ ﺳﺄﻟﻬﺎ ﺑﺼﺮﺍﺥ : ﻭﻳﻦ ريان
ﻣﻴﺎﺭ ﺍﺗﺨﻠﻌﺖ ﻣﻦ ﺷﻜﻞ ﺍﺧﻮﻫﺎ : ﻣﺸﺖ ﺷﻘﺘﺎ ﺗﻠﻢ ﺑﺎﻗﻲ ﻫﺪﻭﻣﺎ
يوسف ﻣﺎ ﻓﻬﻢ ﺍﺧﺘﻮ ﺷﻲ ﻃﻮﺍﻟﻲ ﺟﺮﺍ ﻉ ﻋﺮﺑﻴﺘﻮ ﺭﻛﺐ ﺍﻟﻌﺮﺑﻴﺔ
ﻭما ﻭاعﻲ ﻋﻠﻲ نﻔﺴﻮ ﺍﻧﻮ ﻣﺎ ﻻﺑﺲ ﻗﻤﻴﺺ ﺑﻌﺪﻳﻦ ﺍﺗﺰﻛﺮ ﺍﻧﻮ ﻣﺎ ﻋﺎﺭﻑ ﺷﻘﺔ ريان ﺿﺮﺏ ﻟﻲ ﻣﻴﺎﺭ ﻭﺻﻔﺖ ﻟﻴﻮ
ﻣﻴﺎﺭ : يوسف ﻓﻲ ﺷﻨﻮﻭ وريان ﻣﺎﻻ ﻓﻬﻤﻨﻲ ﺷﻲ
ﻣﺎ ﺍﺷﺘﻐﻞ ﺑﻴﻬﺎ
ﻭﻃﻴﺮﺍﻥ يوسف ﻣﺸﻲ
....
منزر ﺿﺎﻏﻂ ﻋﻠﻲ ريان ﻓﻲ ﺍﻟﺤﻴﻄﺔ ﻓﻜﻲ ﻟﻴﻬﺎ ﺷﻌﺮﺍ ﻭﺷﺮﻁ ﺍﻟﻌﺒﺎﻳﺔ ﻭريان ﻛﺎﻧﺖ ﻻﺑﺴﺔ ﺑﻴﺠﺎﻣﺔ ﺑﻴﺖ ﺗﺤﺖ ﺍﻟﻌﺒﺎﻳﺔ
ريان : ﻟﻴﻪ ﻳﺎ منزر ﺍﻧﺖ ﻣﺶ ﺻﺎﺣﺐ مهند ﺍﻧﺖ ﻣﺶ ﺍﺧﻮﻱ
منزر : ﻻ ﻱ ﻗﻠﺒﻲ ﻣﺎ ﺍﺧﻮﻙ ﺍﻧﺎ ﺣﺎﻭﻟﺖ ﺍﺻﻞ ﻟﻴﻚ ﺑﺎﻟﻄﻴﺐ ﻭﻗﺪﺭ ﻣﺎ ﻟﻤﺤﺖ ﻟﻴﻚ ﻣﺎ ﺣﺴﻴﺘﻲ ﺍﻣﺲ ﺷﺎﻳﻔﻚ ﻓﻲ ﺷﺎﺭﻉ ﺍﻟﻨﻴﻞ ﻣﻌﺎﻙ ﻭﺍﺣﺪ ﻭﻗﻠﺖ ﻣﺪﺍﻡ ﻫﻮ ﻗﺪﺭ ﻳﺼﻞ ﻟﻴﻚ ﻑ ﺍﻧﺎ ﺑﺮﺿﻮ ﺑﺼﻞ ﻟﻴﻚ
ﻭﺑﺪﺍ ﻳﺒﻮﺱ ﻓﻴﻬﺎ ﺑﺎﻟﻐﺼﺐ
ريان ﻭﺭﺟﻌﺖ ﺗﺼﺮﺥ ﺍﻟﺤﻘﻮﻭﻭﻧﻲ
منزر ﺑﻐﻀﺐ : ﺻﺮﺧﻲ ﻗﺪﺭ ﻣﺎ ﺗﻘﺪﺭﻱ ﻣﺎﻑ ﺯﻭﻝ ﺣﻴﺴﻤﻌﻚ
...
يوسف ﻧﺎﺱ ﺍﻟﻤﺮﻭﺭ ﺑﻘﻮ ﻣﻼﺣﻘﻨﻮ ﻻﻧﻮ ﻗﻄﻊ ٤ ﺍﺷﺎﺭﺍﺕ ﺣﻤﺮﺍ
ﻭﺻﻞ يوسف ﺍﻟﻌﻤﺎﺭﺓ ﻭﺟﺮﻱ ﻃﻠﻊ ﺍﻟﻄﺎﺑﻖ ﺍﻟﺨﺎﻣﺲ ﺳﻤﻊ ﺻﻮﺕ ريان ﺑﺘﺼﺮﺥ ﺩﺧﻞ ﺍﻟﺸﻘﺔ ﻭﻭﺭﺍﻫﻮ ﻧﺎﺱ ﺍﻟﻤﺮﻭﺭ
ﺩﺧﻞ ﺍﻟﻐﺮﻓﺔ ﺷﺎﻑ منزر ﺑﺤﺎﻭﻝ ﻳﻌﺘﺪﻱ ﻋﻠﻲ ريان
ريان ﺍﻭﻝ ﻣﻦ ﺷﺎﻓﺘﻮ ﺯﺍﺩ ﺻﺮﺍﺧﻬﺎ : يووووسف ﺍﻟﺤﻘﻨﻲ ﻳﺎ يوسف
يوسف ﻭﺍﻟﻐﻀﺐ ﻋﻤﺎﻫﻮ ﻣﺸﻲ ﺟﺮﺍ منزرﻣﻦ ﻓﻮﻕ ريان ﻭﺑﺪﺍ ﻳﻀﺮﺏ ﻓﻴﻬﻮ ﺿﺮﺏ ﻣﺎ ﻃﺒﻴﻌﻲ ﻭﺷﻠﺘﻮ ﻓﻲ ﻭﺷﻮ منزر ﻭﺷﻮ ﺍﺗﻤﻠﻲ ﺩﻡ
ﺟﻮ ﻧﺎﺱ ﺍﻟﻤﺮﻭﺭ ﺑﺤﺎﻭﻟﻮ ﻳﺠﺮﻭ يوسف ﻣﻦ منزر ﻋﺸﺎﻥ ﻣﺎ ﻳﻘﺘﻠﻮﻭ
ﺟﻮ ٣ ﻣﻨﻬﻢ ﺣﺘﻲ ﻗﺪﺭﻭ ﻳﻔﻜﻮﻫﻮ ﻣﻦ منزر
يوسف ﻭﺑﺪﺍ ﻳﺼﺮﺥ : ﻭﺍﻟﻠﻪ ﺑﻘﺘﻠﻚ ﻭﺍﻟﻠﻪ ﻣﺎ ﺑﺮﺣﻤﻚ
ﻧﺎﺱ ﺍﻟﻤﺮﻭﺭ ﻛﻔﺘﻮ منزر ﻭﺩﻗﻮﻫﻮ ﺳﻤﻤﻤﻤﻤﺢ ﻭﺳﺎﻗﻮﻫﻮ ﻗﺴﻢ ﺍﻟﺸﺮﻃﺔ
ريان ﺍﻭﻝ ﻣﻦ ﻃﻠﻌﻮ منزر ﻣﻦ ﺍﻟﻐﺮﻓﺔ ﺟﺮﺕ ﺿﻤﺖ يوسف ﻋﻠﻴﻬﺎ ﻭﻫﻲ ﺑﺘﺒﻜﻲ ﻭﻣﺎ ﻭﺍﻋﻴﺔ ﺑﻨﻔﺴﻬا
ريان: ﻣﺎ ﺗﺨﻠﻴﻨﻲ يا يوسف ﻣﺎ ﺗﺨﻠﻴﻬﻮ ﻳﻠﻤﺴﻨﻲ
يوسف ﺑﻜﻲ ﻏﺼﺐ ﻋﻨﻮ ﻭﻗﺎﻝ ﻟﻴﻬﺎ : ﺍﻗﺴﻢ ﺑﺎﻟﻠﻪ ﺍﻟﻴﻠﻤﺴﻚ ﺍﺷﺮﺏ ﺩﻣﻮ ﺍﻧﺘﻲ ﺣﻘﺘﻲ ﺍﻧﺎ ﻳﺎ ريان
ريان ﻭﻣﺎﺳﻜﺔ ﻓﻴﻬﻮ ﻗﻮﻭﻭﻱ ﻭﺑﻜﺖ ﻗﺪﺭﺗﺎ ﻓﻀﺖ ﻗﻬﺮﺍ ﻭﻭﺟﻌﺎ ﻛﻠﻮ ﻓﻲ ﺣﻀﻦ يوسف ﻭﺑﺪﺕ ﺗﺘﻜﻠﻢ : ﺍﻧﺎ .... ﺟﻴﺖ ﻋﺸﺎﻥ ... ﺍﺷﻴﻞ .. ﺣﺎﺟﺎﺗﺘﺘﻲ ﻭﻫﻮﻭﻭ
ﻭﺭﺟﻌﺖ ﺗﺸﻬﻖ ﺑﺎﻟﺒﻜﻲ
ﻭيوسف ﻭﻛﻞ ﻫﻤﻮ ﻓﻲ ﺍﻟﻜﺘﻜﻮﺗﺔ ﺍﻟﻤﺘﻌﻠﻘﺔ ﻓﻴﻮ ﺩﻱ ﺑﺪﺍ ﻳﻤﺴﺢ ﻋﻠﻲ ﺷﻌﺮﺍ ﻭﻳﻬﺪﻱ ﻓﻴﻬﺎ : ﻣﺎ ﺗﺤﻜﻲ ﺧﻼﺹ ﻳﺎ ريان
يوسف ﺷﺎﻻ ﻭﻃﻠﻌﺎ ﺑﺮﺍ ﺍﻟﺸﻘﺔ ﻭﻗﻔﻞ ﺍﻟﺒﺎﺏ ﻭﺭﺍﻫﻮﻭ ﻭﺳﺎﻗﺎ ﺭﺟﻌﺎ ﺍﻟﺒﻴﺖ ﻭﻛﻠﻢ ﺍﻣﻮ ﻭﻣﻴﺎﺭ ﺑﺎﻟﺤﺼﻞ ﻭريان ﺑﺲ ﺑﺘﺒﻜﻲ ﻭﺧﻼﻫﺎ ﻣﻌﺎﻫﻢ ﻭﺷﺎﻝ ﻗﻤﻴﺺ ﻭﻃﻠﻊ ﻟﻠﻘﺴﻢ ....
ﻣﻴﺎﺭ ﺑﻜﺖ ﻭﺍﺗﺨﺠﺖ ﻗﺪﺭﺗﺎ ﻟﻠﺤﺼﻞ ﻟﻲ ﺻﺤﺒﺘﺎ ﻭﻫﻲ ﻣﺎ ﻗﺎﺩﺭﺓ ﺗﺴﺘﻮﻋﺐ ﺍﻧﻮ ريان ﻣﻤﻜﻦ ﻳﺤﺼﻞ ﻟﻴﻬﺎ ﻛﺪﺍ
ﻭﺑﻘﻮ ﺣﺎﺿﻨﻴﻦ ﺑﻌﺾ ﻫﻢ ﺍﻻﺗﻨﻴﻦ ﻭﺑﻴﺒﻜﻮﻭﻭ
ﺍﻡ ﻣﻴﺎﺭ ﺑﻜﺖ ﻟﺤﺎﻟﺔ ريان ﻭﻫﺪﺗﻬﺎ ﻭﺑﻘﺖ ﺗﻘﺮﺍ ﻟﻴﻬﺎ ﻗﺮﺍﻥ ﻟﺤﺪﻱ ﻣﺎ ﻧﺎﻣﺖ ﻟﺤﺪﻱ ﻭﻫﻲ ﻧﺎﻳﻤﺔ ﺑﺘﺸﻬﻖ
ﻣﻴﺎﺭ : ﺍﻟﻠﻪ ﻳﻨﺘﻘﻢ ﻣﻨﻮ ﻳﺎﺭﺏ
ﺍﻡ ﻣﻴﺎﺭ : ﺍﻣﻴﻦ ﻳﺎﺭﺏ
يوسف ﻭﺻﻞ ﺍﻟﻘﺴﻢ ﻭﺍﻟﺪﻧﻴﺎ ﺳﻮﺩﺍ ﻗﺪﺍﻡ ﻭﺷﻮ ﻛﻴﻒ ﻣﺎ ﺗﻠﻘﻲ ﺳﻮﺩﺍ ﻭمنزر ﺣﺎﻭﻝ ﻳﻐﺘﺼﺐ ﺣﺒﻴﺒﺘﻮ ﻭﺭﻭﺡ ﻗﻠﺒﻮ ...
ﻭﺻﻞ ﺍﻟﻘﺴﻢ ﻟﻘﻲ منزر ﻣﺎﺳﻜﻨﻮ ﻣﻦ ﻏﻴﺮ ﻣﺎ ﻳﺘﻔﺎﻫﻢ ﻣﻦ ﺯﻭﻝ ﺗﺎﻧﻲ ﻣﺸﻲ ﻳﻀﺮﺏ ﻓﻴﻬﻮﻭ ﻭﻧﺎﺱ ﺍﻟﻤﺮﻭﺭ ﻟﺴﻪ ﻭﺍﻗﻐﻴﻦ ﺑﻘﻮ ﻳﻘﺎﺑﻀﻮ ﻓﻲ يوسف ﻭﺟﺮﻭﻫﻮ ﻣﺮﻗﻮﻫﻮ ﺑﺮﺍ ﺑﺎﻟﻐﺼﺐ
ﺍﻟﻀﺎﺑﻂ ﺑﻘﻲ ﻳﻬﺪﻱ ﻓﻲ يوسف ﻟﺤﺪﻱ ﻣﺎ ﺍﻗﻨﻌﻮ ﺍﻧﻮ ﻳﺮﺟﻊ ﺍﻟﺒﻴﺖ ﻭﺍﻧﻮ منزر ﺣﻴﻔﻀﻞ ﻋﻨﺪﻫﻢ ﻟﺤﺪﻱ ﻳﻮﻡ ﺍﻟﻤﺤﻜﻤﺔ
يوسف ﺭﺟﻊ ﺍﻟﺒﻴﺖ ﻭﻃﻮﺍﻟﻲ ﻟﻲ ﻏﺮﻓﺔ ﻣﻴﺎﺭ
ﺩﺧﻞ ﻟﻘﻲ ريان ﻧﺎﻳﻤﺔ ﻭﺍﻧﻮ ﻭﻣﻴﺎﺭ ﻗﺎﻋﺪﻳﻦ ﺟﻤﺒﻬﺎ
ﺳﺄﻟﻬﻢ ﻛﻴﻔﺎ ﺍﻣﻮ ﺭﺩﺕ ﻟﻴﻬﻮ ﺍﺣﺴﻦ ﺍﻟﺤﻤﺪﻟﻠﻪ
يوسف ﻗﺎﻋﺪ ﺟﻤﺒﻬﺎ ﻓﻲ ﺍﻟﺴﺮﻳﺮ ﺷﺎﻳﻔﺎ ﻛﻴﻒ ﺑﺘﺸﻬﻖ ﻭﻫﻲ ﻧﺎﻳﻤﺔ ﺍﻟﻌﺒﺮﺓ ﺧﻨﻘﺘﻮ ﻣﻦ ﺣﺎﻟﺘﺎ
ﺍﻣﻮ ﻗﺎﻟﺖ ﻟﻴﻮ ﻧﻬﺪﻳﻚ ﺍﻧﺖ ﻭﻻ ﻧﻬﺪﻳﻬﺎ ﻫﻲ
ﻭﺍﺋﻞ ﺑﻐﻀﺐ : ﺣﺎﻭﻝ ﻳﻌﺘﺪﻱ ﻋﻠﻴﻬﺎ ﺍﻟﺤﻘﻴﺮ
ﺍﻣﻮ : ﺣﺴﺒﻲ ﺍﻟﻠﻪ ﻋﻠﻴﻬﻮﻭ ﺍﻟﻠﻪ ﻳﻨﺘﻘﻢ ﻣﻨﻮﻭﻭ
ﻣﻴﺎﺭ : ﻳﺎ ﻗﻠﺒﻲ ﻋﻠﺒﻚ ﻳﺎ ريان
يوسف : ﻭﺍﻟﻐﺒﻴﺔ ﺩﻱ ﻛﻴﻒ ﺗﻤﺸﻲ ﺍﻟﺸﻘﺔ ﺑﺮﺍﻫﺎ ﻟﻴﻪ ﻣﺎ ﻛﻠﻤﺘﻨﻲ
ﻣﻴﺎﺭ : ﻋﺮﻓﺖ ﺍﻧﻚ ﻧﺎﻳﻢ ﻻﻧﻚ ﻣﺎ ﺍﺗﺼﻠﺖ ﺻﺒﺤﺖ ﻋﻠﻴﻬﺎ ﻭﺍﻧﺎ ﻋﻴﺎﻧﺔ ﻋﺸﺎﻥ ﻛﺪﺍ ﻣﺸﺖ ﺑﺮﺍﻫﺎ
يوسف : ﻭﺍﻟﻠﻪ ﺑﺸﺮﺏ ﻣﻦ ﺩﻣﻮ ﺍﻟﻨﺬﻝ ﺩﺍ ﺑﺲ ﺧﻠﻴﻬﻮ ﻳﺼﺒﺮ ﻟﻲ
ريان ﻗﺎﻣﺖ ﻣﺨﻠﻮﻋﺔ ﻭﺑﺘﺒﻜﻲ ﻟﻘﺖ يوسف ﻗﺪﺍﻣﺎ ﺿﻤﺘﻮ ﻭﺑﻘﺖ ﺗﺒﻜﻲ : يوسف ﻗﻮﻝ ﻟﻴﻬﻮ ﻳﺒﻌﺪ ﻋﻨﻲ ﻭﺑﺪﺕ ﺗﻬﻠﻮﺱ ﻓﻲ ﺍﻟﻜﻼﻡ
يوسف ﻏﻠﺒﻮ ﺍﻟﻴﺴﻮﻫﻮ ﺑﺲ ﺑﻘﻲ ﺣﺎﺿﻨﺎ ﻋﻠﻴﻬﻮ ﻟﺤﺪﻱ ﻣﺎ ﺭﺟﻌﺖ ﻧﺎﻣﺖ ﺗﺎﻧﻲ ﻭﻫﻮ ﺑﻬﺪﻱ ﻓﻴﻬﺎ : ﺍﺍﺍﺷﺸﺸﺸﺶ ﺧﻼﺹ ريوو ﻣﺎﻓﻲ ﺷﻲ ﺍﻫﻮ ﺍﻧﺎ ﺟﻤﺒﻚ
ﻭﻋﺪﺍ ﺍﺳبﻮﻉ ﻋﻠﻲ ريان ﺑﺎﻟﺤﺎﻟﺔ ﺩﻱ ﻭيوسف ﻣﺎ ﻛﺎﻥ ﺑﺰﺡ ﻣﻦ ﺟﻤﺒﻬﺎ ﻭﻻ ﺩﻗﻴﻘﺔ ﺣﺘﻲ ﺍﻟﻨﻮﻡ ﻛﺎﻥ ﺑﻨﻮﻡ ﻓﻲ ﺍﻟﻜﻨﺒﺔ ﺍﻟﻠﻲ ﻓﻲ ﻏﺮﻓﺔ ﻣﻴﺎﺭ ﺑﻌﺪ ﺍﺳﺒﻮﻉ ﻭﺷﻮﻳﺔ ريان ﺣﺎﻟﺘﺎ ﺍﺗﺤﺴﻨﺖ
ﻭﻃﻮﻝ ﺍﻟﻔﺘﺮﺓ ﺍﻟﻔﺎﺗﺖ ﺩﻱ ﻛﻞ ﻣﺎ ﻳﺘﺼﻠﻮ ﺍﻫﻞ ريان ﻛﺎﻧﺖ ﺑﺘﺮﺩ ﻋﻠﻴﻬﻢ ﻣﻴﺎﺭ ﺍﻭ ﺍﻣﻬﺎ ﻭﻳﻔﺘﺸﻮ ﺣﺠﺞ ﻣﺮﺓ ريان ﻃﻠﻌﺖ ﻭﻣﺮﺓ ﻧﺎﻳﻤﺔ ﻋﺸﺎﻥ ﻣﺎ ﻋﺎﻳﺰﻳﻦ ﺍﻫﻠﻬﺎ ﻳﻌﺮﻓﻮ ﺑﺸﻲ ﻭﻳﻘﻠﻘﻮﻭﻭ
ريان ﺑﻘﺖ ﺍﺣﺴﻦ ﻛﺘﻴﺮ ﻣﻦ ﺍﻭﻝ ﺑﺲ ﺑﻘﺖ ﺗﺨﺎﻑ ﺗﻘﻌﺪ ﺑﺮﺍﻫﺎ
ريان ﻻﻡ يوسف ﻭﺍﺑﻮﻫﻮ : ﻋﻤﻮﻭ ﺍﻧﺎ ﻣﻔﺮﻭﺽ ﺍﺳﺎﻓﺮ ﺑﻌﺪ ﺩﺍ
ﺍﻡ يوسف: ﻻ ﻳﺎ ﺑﺘﻲ ﺍﻗﻌﺪﻱ ﻣﻌﺎﻧﺎ ﻣﺎ ﺗﺮﺟﻌﻲ ﺍﺣﻨﺎ ﺑﺮﺿﻮ ﺍﻫﻠﻚ
ريان ﺍﻫﻠﻲ ﻭﻋﻠﻲ ﻋﻴﻨﻲ ﻭﺭﺍﺳﻲ ﺑﺲ ﺍﺷﺘﻘﺖ ﻻﻣﻲ ﻭﺍﺑﻮﻱ ﻭﻃﻮﻟﺖ ﻣﺎ ﺷﻔﺘﻬﻢ
ﺍﺑﻮ يوسف : ﺍﻥ ﺷﺎﺀ ﺍﻟﻠﻪ ﻳﺎ ﺑﺘﻲ
ﻫﻢ ﻗﺎﻋﺪﻳﻦ ﺟﺎ يوسف ﺩﺍﺧﻞ ريان ﺍﺗﻮﺗﺮﺕ
يوسف ﻗﻌﺪ ﺑﻴﻦ ﺍﻣﻮ ﻭﺍﺑﻮﻫﻮ ﻭ ﺑﺪﻭﻭﻥ ﺳﺎﺑﻖ ﺍﻧﺬﺍﺭ : ﺍﻧﺎ ﻋﺎﻳﺰ ﺍﻋﺮﺱ
ﺍﺑﻮﻫﻮ : ﺩﺍ ﻳﻮﻡ ﺍﻟﻬﻨﺎ
ﺍﻡ يوسف: ﻳﻮﻡ ﺳﻌﺪﻱ ﺩﺍ ﻳﺎ ﻭﻟﺪﻱ
ريان ﻭﺍﻋﺼﺎﺑﺎ ﺗﻠﺠﺖ ﻃﻮﺍﻟﻲ ﺍﺳﺘﺌﺬﻧﺖ ﻭﻗﺎﻣﺖ
ﺍﺑﻮ يوسف : ﻣﻨﻮ ﺍﻟﻌﺮﻭﺱ
ﺍﻡ يوسف: ﺍﻟﻜﺎﻧﺖ ﻗﺎﻋﺪﺓ ﻫﺴﻲ
ﺍﺑﻮ يوسف : ريان؟
يوسف: ﺍﻳﻮﺍ
ﺍﺑﻮ يوسف: ﻭﺍﻟﻠﻪ ﻋﺮﻓﺖ ﺗﺨﺘﺎﺭ ﻳﺎ ﻭﻟﺪﻱ
ﺍﺑﻮ يوسف : ﺧﻴﺮ ﺍﻟﺒﺮ ﻋﺎﺟﻠﻪ ﻭﺍﺗﺼﻞ ﻋﻠﻲ ﺍﺑﻮ ريان ﻭﻃﻠﺐ ﻳﺪ ريان ﻣﻨﻮ
ﻭﺑﺤﻜﻢ ﺍﻧﻮ ﻛﺎﻥ ﻓﻲ ﺑﻴﻨﻬﻢ ﺗﻌﺎﻣﻞ ﻭﺍﺗﻮﺍﺻﻠﻮ ﺷﺨﺼﻴﺎ ﺑﻘﻮ ﻳﻌﺮﻓﻮ ﺑﻌﺾ ﻭﺍﺑﻮ ريان ﻋﺮﻑ ﺍﺳﺮﺓ يوسف
ﻭﺍﺑﻮ يوسف ﻛﻤﺎﻥ ﻋﺮﻑ ﺍﺳﺮﺓ ريان
ﻭﺍﻓﻖ ﺍﺑﻮ ريان ﻭﻗﺎﻝ ﻟﻴﻬﻢ ﻓﻲ ﺍﻻﻭﻝ ﻭﺍﻻﺧﻴﺮ ﺍﻟﺮﺍﻱ ﺭﺍﻱ ﺍﻟﺒﺖ ﻭﺍﺣﻨﺎ ﻣﺎ ﺣﻨﻠﻘﻲ ﻟﻲ ﺑﻨﺘﺎ ﺍﺣﺴﻦ ﻣﻦ ﻭﻟﺪﻛﻢ
ﺍﺑﻮ يوسف : ﻋﻠﻲ ﺑﺮﻛﺔ ﺍﻟﻠﻪ ﺍﺣﻨﺎ ﺑﻜﺮﺍ ﺍﻥ ﺷاءالله ﺑﻨﺠﻴﻜﻢ ﻓﻲ شندي
ﻭﺍﻟﺠﻤﻌﺔ ﺍﻟﻌﻘﺪ
ﺍﺑﻮ ريان : ﺍﺑﺸﺮ ﺍﻥ ﺷﺎﺀ ﺍﻟﻠﻪ
ﻭﺍﺗﺼﻞ ﻋﻠﻲ ﺍﻋﻤﺎﻡ ريان ﻛﻠﻤﻬﻢ ﻭﻛﻠﻬﻢ ﻭﺍﻓﻘﻮ ﺑﻌﺪ ﺍﻟﻤﺮﺕ ﺑﻴﻬﻮ ﻟﻨﺎ ﻣﻦ خالد
ﺍﻡ ﻣﻴﺎﺭ : ﺍﻳﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻱ😍😍
ﻣﻴﺎﺭ ﺟﺮﺭﺭﺭﻱ ﻃﻠﻌﺖ ﻟﻲ ريان ﻭﺣﻜﺖ ﻟﻴﻬﺎ ﻭﺟﺎﺕ ﺍﻡ ﻣﻴﺎﺭ ﺑﺎﺭﻛﺖ ﻟﻴﻬﺎ ﻭﺍﺑﻮ ﻣﻴﺎﺭ ﺳﺄﻻ : ﻳﺎ ﺑﺘﻲ ﺍﺣﻨﺎ ﻋﺎﻳﺰﻧﻚ ﻟﻲ ﻭﻟﺪﻧﺎ ﻭﻭﺍﻟﻠﻪ ﻡ ﺣﻨﻠﻘﻲ ﺍﺣﺴﻦ ﻣﻨﻚ ﻟﻲ يوسف
ﺧﻠﺠﺖ ﻡ ﻋﺮﻓﺖ ﺗﺮﺩ ﺑﺸﻨﻮﻭﻭ
ﻣﻴﺎﺭ ﺑﺸﻼﻗﺔ : ﻭﺍﻟﻠﻪ ﻣﻮﺍﻓﻘﺔ ﻳﺎ ﺍﺑﻮﻱ
ﺍﺑﻮ يوسف : ﻣﻌﻨﺎﻫﺎ ﻣﺒﺮﻭﻭﻙ ﻭﺭﺑﻨﺎ ﻳﺘﻢ ﻋﻠﻲ ﺧﻴﺮ ﻭﺑﺎﺳﺎ ﻓﻲ ﺭﺍﺳﺎ ﻭﺍﻧﺎ ﺍﺗﺼﻠﺖ ﻉ ﺍﺑﻮﻙ ﻭﻛﻠﻤﺘﻮﻭﻭﻭﻭﻭ ﻭﻫﻮ ﺷﺎﺭﻭ ﺍﻋماﻣﻮ ﻭﻣﻮﺍﻓﻘﻴﻦ ﻭﺍﻟﻌﻘﺪ ﻳﻮﻡ ﺍﻟﺠﻤﻌﺔ ﻭﺍﻟﻤﻨﺎﺳﺒﺔ ﺑﻌﺪ ٣ ﺍﺳﺎﺑﻴﻊ ﻋﺸﺎﻥ ﺗﺠﻬﺰﻱ ﺣﺎﻟﻚ ﻭﻃﻠﻊ
ريان ﻭﺍﻟﻔﺮﺣﺔ ﻣﺎ ﺳﺎﻳﻌﺎﻫﺎ ﺍﺧﻴﺮﺍ ﻫﻲ ﻭيوسف ﺣﻴﺒﻘﻮ ﻟﺒﻌﺾ
ﻣﻴﺎﺭ ﺧﻠﺘﺎ ﻭﻧﺰﻟﺖ ﻟﻲ ﺍﻣﻬﺎ ﻟﺰﻭﻡ ﻳﺨﻄﻄﻮ ﻟﻠﻌﻘﺪ ﻭﺍﻟﺤﺮﻛﺎﺕ ﺩﻱ ﻭﺍﺷﺘﻐﻠﺖ ﺍﻟﺘﻠﻔﻮﻧﺎﺕ ﻣﻦ ﺍﻡ ﻣﻴﺎﺭ
ﻭﺳﺎﻗﺖ ﻣﻴﺎﺭ ﻭﺟﺮﻱ ﻋﻠﻲ ﻣﺤﻼﺕ ﺍﻟﺪﻫﺐ ﺍﺧﺘﺎﺭﻭ ﻟﻲ ريان ﺍﺣﻠﻲ ﺍﻻﻃﻘﻢ ﻭﻟﻔﻮ ﻣﺎ ﺧﻠﻮ ﺷﻲ ﺣﺎﻳﻢ ﻓﻲ ﺍﻟﺴﻮﻕ ﻻﻧﻬﻢ ﻋﻨﺪﻫﻢ ﻳﻮﻡ ﺍﻟﻠﻴﻠﺔ ﻳﺠﻬﺰﻭﻭﻭ ﻭﻳﺴﺎﻓﺮﻭ ﺑﻜﺮﺍ
يوسفﺍﺗﺼﻞ ﻉ ريان
يوسف : ﺣﺒﻴﺒﻲ
ريان ﻭﻛﺎﻧﺖ ﻭﺍﻗﻔﺔ ﺑﺘﻔﺘﺢ ﻓﻲ ﺍﻟﺪﻭﻻﺏ ﻭﺗﻘﻔﻠﻮ ﻭﺗﺮﺟﻊ ﺗﻔﺘﺤﺘﻮ ﻭﺗﻘﻔﻠﻮﻭ ﻣﻦ ﺍﻟﻔﺮﺣﺔ
يوسف: ﻣﺒﺮﻭﻙ ريان
ريان ﺑﺨﺠﻞ : ﺍﻟﻠﻪ ﻳﺒﺎﺭﻙ ﻓﻴﻚ ﻳﺎﺭﺏ
ﻭﺑﺪﺍ ﻳﺘﻜﻠﻢ ﻣﻌﺎﻫﺎ ﻛﻼﻡ ﺭﻭﻣﺎﻧﺴﻲ ﻭﻫﻮ ﻭﺍﻗﻒ ﻓﻲ ﺍﻟﺒﺎﺏ ﻭﻫﻲ ﻣﺎ ﺷﺎﻳﻔﺎﻫﻮﻭﻭ ﻭﻫﻲ ﻣﻦ ﺍﻟﺨﺠﻞ ﻋﺎﻳﺰﺓ ﺗﻤﻮﻭﺕ
يوسف: ريو
ريان: ﻫﺎﺍﺍ
يوسف: ﻟﻴﻪ ﺑﺘﻔﺘﺤﻲ ﺍﻟﺪﻭﻻﺏ ﻭﺗﻘﻔﻠﻴﻬﻮﻭ ﻭﻓﻚ ﺍﻟﻀﺤﻜﺔ؟ !!
ريان ﺍﺗﻠﻔﺘﺖ ﺷﺎﻓﺘﻮ ﺍﻗﻒ ﺑﻴﻌﺎﻳﻦ ﻟﻴﻬﺎ ﻭﺗﺎﻛﻲ ﺭﺍﺳﻮ ﻓﻲ ﺍﻟﺒﺎﺏ
ﺍﺗﺤﺮﺟﺖ ﻭﺩﺧﻠﺖ ﻓﻲ ﺿﻔﻮﺭﺍ
ﻣﺸﺖ ﺟﻤﺒﻮ ﻟﺰﺗﻮ ﻭﻋﺎﺍﻳﺰﺓ ﺗﻘﻔﻞ ﺍﻟﺒﺎﺏ ﻗﺎﻝ ﻟﻴﻬﺎ : ﺑﺤﺒﻚ ﻳﺎﻟﺤﺘﻜﻮﻧﻲ ﺣﻼﻟﻲ
ريان ﻭﻗﻠﺒﻬﺎ ﺩﻗﺎﺗﻮ ﺯﺍﺩﺕ : ﻭﺍﻧﺎ ﻛﻤﺎﻥ ﺑﺤﺒﻚ
يوسف ﻻﻭﻝ ﻣﺮﺓ ﻳﺴﻤﻌﺎ ﻣﻨﻬﺎ ﺣﺴﻲ ﺑﻘﻠﺒﻮ ﺣﻴﻘﻴﻒ ﺣﺴﻲ ﺑﻤﻐﺺ ﻗﻮﻱ ﻓﻲ ﺑﻄﻨﻮﻭﻭﻭ : ﺷﻨﻮ ﻗﻠﺘﻲ ﺷﻨﻮ ﻛﺪﻱ ﻋﻴﺪﻳﻬﺎ
ريان ﻭﻳﺪﻳﻨﺎ ﺟﻤﺪﺕ ﻣﻦ ﺍﻟﺨﺠﻞ : ﻳﻼﺍﺍﺍ ﺍﻣﺸﻲ ﻳﺎﺥ
يوسف: ﻭﺍﻟﻠﻪ ﻣﺎ ﺗﻘﻮﻟﻴﻬﺎ ﻣﺎ ﻣﺎﺷﻲ ﻣﻦ ﻫﻨﺎ ﻭﺑﻘﻴﻒ ﻟﻴﻚ ﻟﻠﺼﺒﺎﺡ
ريان ﻋﺎﺭﻓﺎﻫﻮ ﻣﺠﻨﻮﻥ ﻭﺑﻴﻌﻤﻼ ﺩﻧﻘﺮﺕ ﺭﺍﺳﺎ ﻭﻗﺎﻟﺖ ﻟﻴﻮ ﺑﺒﺤﺔ ﻭﻫﻤﺲ : ﺑﺤﺒﻚ
يوسف ﻗﺮﺏ ﻣﻨﻬﺎ ﺷﺪﻳﺪ : ﺍﺭﻓﻌﻲ ﺭﺍﺳﻚ ﻭﻗﻮﻟﻴﻬﺎ
ريان ﻭﺧﻼﺹ ﺍﻋﺼﺎﺑﺎ ﺑﺎﻇﺖ ﺑﺲ ﻗﻮﺕ ﻗﻠﺒﻬﺎ ﻭﻗﺮﺑﺖ ﻣﻨﻮ ﺯﻳﺎﺩﺓ ﻭﻭﻗﻔﺖ ﻋﻠﻲ ﺍﻃﺮﺍﻑ ﺍﺻﺎﺑﻌﺎ ﻭﻗﺮﺑﺖ ﻣﻦ ﺍﺿﺎﻧﻮ : ﺑﺤﺒﻚ
ﻭﻃﻮﺍﻟﻲ ﺑﻌﺪﺕ ﻣﻨﻮ ﻭﺩﺧﻠﺖ ﻭﻗﻔﻠﺖ ﺍﻟﺒﺎﺏ
يوسف ﻣﻦ ﻭﺭﺍ ﺍﻟﺒﺎﺏ : ﺍﺣﺴﻦ ﺷﻲ ﻋﻤﻠﺘﻴﻬﻮ ﻭﺍﻻ ﻭﺍﻟﻠﻪ ﻛﻨﺖ ﺣﺘﻬﻮﺭ ﻣﻌﺎﻙ
ﻭﻓﻌﻼ ﺳﺎﻓﺮﻭﻭ ﻭﺍﻫﻞ يوسف ﺍﺗﻘﺪﻣﻮ ﻟﻲ ﺍﻫﻞ ريان ﻭﻭﺍﻗﻔﻮﺍ ﻭﻋﻘﺪﻭﻭ ﻟﻴﻬﺎ ﻭﺑﻌﺪ ﺷﻬﺮ ﻋﻤﻠﻮ ﺍﻟﻤﻨﺎﺳﺒﺔ ﻭﺗﻤﺖ ﻓﻲ ﺍﻣﺎﻥ ﺍﻟﻜﺮﻳﻢ
ﻭﺑﻘﻮ يوسف وريان ﻣﻀﺮﺏ ﻣﺜﻞ ﻓﻲ ﺍﻟﺤﺐ ﺑﻴﻦ ﺍﻻﺳﺮﺗﻴﻦ ﺑﻌﺪ ﻣﺎ ﺟﻤﻌﺖ ﺑﻴﻨﻬﻢ ﻣﻜﺎﻟﻤﺔ ﺑﺎﻟﻐﻠﻂ
#دعاء حلو ربنا اسهل علي وادعوا لي انا ويوسف خطيبي نتزوج ونكون مع بعض يارب ويرزقني منه الزريه الصالحه ياارب 😍😍😍
ﻟﻨﺎ ﻟﻘﺎﺀ بعد العيد ♡♡
#ﻛﻮﻧﻮ_ﺑﺨﻴﺮ
