ريان طلعت من المحاضرة جاها تلفون من رقم غريب
ردت :الو
البت :ريان؟؟
ريان :نعم
البت :اسمعي هنا يا تافهة احسن تبعدي من يووسف لانو حبيبي وانا لو سمعت انك بتتكلمي معاو ما بيحصل ليك خير وهو القال لي اتصل عليك واوقفك عند حدك يا رخيصة لانك ما عايزة تبعدي من سكتوو وقفلت
ريان كانو صبت فيها موية بااررردة لا اراديا دموعا نزلت وبكت
جاتا ميار :ريو مالك بسم الله الحصل شنو هسي مش كنتي مبسوطه وبتضحكي؟
ريان :ميار انا عايزة ارجع الشقة 😢😢
ميار: اوك بنرجع
ريان:لا انتي خليك هنا احضري محاضراتك وانا هنا بدق للسواق وبرجع
ميار :يا بت انتي سجم ولا شنو كيف عايزاني اخليك في الحالة دي
ريان : استسلمت لميار لانها جد كانت محتاجة لزول جمبهااا اتصلو علي السواق ورجعو الشقة
اول من دخلوو ناني شافت لنا بتبكي اتخلعت وجاتا :مالك يا بتي بسم الله عليك
ريان :م تخافي علي يا ناني تعبانة شوية بس😊😊
ودخلو الغرفة هي وميار
ميار خلتها هدأت شوية وجات قعدت جمبها في السرير وميار بتحب ريان حب اخوي صادق وحاساها اختها الماولدتها امها :يلا احكي لي من طقطق للسلام عليكم انا عااارفة انو وراك في موضوع خطير
ريان حاسبة ميار انها بالجد اختها اتنهدت وبدت تحكي ليها من يوم عرفت خالد لحدي ما عرفت يوسف لحدي ما جاتها المكالمة وحست انو الانسان الوحيد الوثقت فيو خانها لنا كان عندها برنامج بتاع تسجيل مكالمات في تلفونا سمعت مكالمة البت لي ميار
ميار وبتسمع بي اهتمام بعد ريان خلصت قالت ليها: بسألك سؤال بصراحة ريو
ريان:اسألي
ميار :بتحبي يوسف؟
ريام وكانو ادوها كيف بعد سؤال ميار :سكتت مسااااافة وقالت لي ميار ما عارفة يا ميار بس حتي لو كان البحس بيهو اتجاهو دا حب بعد الحصل مستحيل اتكلم معاوو
ميار امها اتصلت عليها عشان ترجع البيت وقالت لي ريان ريو ماما اتصلت انا حرجع بعد دا لكن برجع ليك بتلفون هسي انتي حتاكلي وتصلي ونتفاهم بعدين ووالله لو ما اكلتي بزعل منك وباستها علي خدها وقامت
ريان اتصلت علي السواق عشان يجي يوصل ميار
طلعت ميار لي بيتهم
جات ناني جمب ريان وهدأتها وقالت ليها ماف شي يستاعل تبكي روحك علي شانو واتونست معاها وقامت جابت ليها اكل وقعدت جمبها لحدي ما اكلت وطلعت ناني بعد ما شالت الاكل لنا مشت اتوضت وجات
لقت تلفونها بيدق ردت وعلي بالها ميار
لنا وبحة صوتها زايدة بعد البكي البكتوو :الووو
يوسف: مسااااا الخيييير
ريان وبدت تبكي :ياريت يا اخ يوسف ما تتصل علي هنا وياريت تمسح رقمي واياك تفكر ترجع لي بمكالمة سكتت و زاد بكاها بس ضغطت عللي قلبها وكملت وغلطانة انا الوثقت فيك واعتبرتك اخوي
يوسف ما قدر يستوعب كلمة من البتقول فيهم ريان
ريان ما ادتو فرصة يرد وقفلت الخط دخلت الواتس ورسلت ليهو المكالمة وحظرتووو بس ما حظرتو من المكالمات
يوسف بهناك جن جنونو من السمعو في المكالمة وبدا يرمي الحاجات ف الارض ويصرخ دي منو الحقيرة العملت كدا بعد مسااافة مشي اتوضي وصلي ركعتين وقعد في الكنبة وبدا يستوعب منو ممكن يعمل كدا
ما جا في بالو غير حوتة وقال :هو الوحيد البيعرف عن ريان
يوسف طلع بي ليلو داك ومشي لي حوتة في بيتهم
حوتة استغرب من جية يوسف ووشو ما بيتفسر حسي انو حيكون عرف بالعملو
يوسف بجدية :حوتة انت كلمت بت تتصل علي ريان وتقول ليها تبعد عني ؟
حوتة وخلاص اعصابو تلفت وبدا يصرخ : ايوا ما ملاحظ انو كلامك كلو بقي عن ريان وحياتك كلها بقت ريان ؟
يوسف اتصدم من رفيق عمرو وما قدر يتكلم
حوتة:يوسف انا عملت كدا عشان مصلحتك وقف علي حيلو وقال لي صاحبوو : انت عارف اني بحبها وبرغم كدا عايز تبعدها عني ؟
عايز تبعد عني اول بت احبها في حياتي لانك اناني ؟؟
حوتة : الضمنك شنو انها ما قعد تغشك ؟
يوسف:لانها ما زي العواليق الانت بتعرفهم
وقال يوسف :حوتة لي هنا ونحنا كويسين سلام الله بيدك ليهو لكن غير كدا لا بتلزمني ولا بلزمك سلام عليكم وطلع يوسف وهو حاسي انو الدنيا مسودة في وشووو تلقاااائي مشي النيل وقعد قصاد البحر ونزلت دمعة من عيونو معقولة في يوم يخسر حب حياتو اقرب صاحب ليو؟؟؟
رجع يوسف بيتهم وكانت الساعة ٣ صباحا يوسف العمرو ما اتاخر برا
وطوالي دخل غرفتو وراقد في سريرو يتزكر كلام ريان "ياريت يا اخ يوسف ما تتصل علي هنا وياريت تمسح رقمي واياك تفكر ترجع لي بمكالمة وغلطانة انا الوثقت فيك واعتبرتك اخوي " نزلت دموعو وبقي يقول معقول يايوسف حبيتها للدرجة دي وبقي يلوم في ريان ويقول ظلمتيني ياريان ظلمتيني وانا والله ما عندي ذنب غيرر اني حبيتك
عدا اسوأ اسبوع علي ريان ويوسف وريان بقت ما بتاكل ووالضحكة فارقتها
ويوسف بقي جسد بدون روح
ميار شايفة حالة اخوهاا بس ابدا ما فكرت انو اخوها هو نفسو الببتكلم عنو ريان
يوسف جا داخل غرفتو مررهق ولع النور لقي ميار قاعدة متتظراهو في نص سريرو
يوسف: ميار اطلعي انا عايز انوم😒😒
ميار :ما بطلع اسبوع وانا ساكتة ليك نهائي ما عاجبني الايام دي يايايوسف مالك الحاصل عليك شنووو
يوسف بعصبية :قلت ليك اطلعي عايز انوم
ميار: مستحيل الا تحكي لي 😟😟
يوسف اتنهد وقرر انو يحكي لي اختو علي الاقل يفضفض حبة لانها الانسانة الوحيدة الممكن يثق فيها
وبدا يحكي لي اختو عن لنا من يوم اتصلت عليهوو لحدي ما حصل الحصل وسمعا المكالمة الرسلتا ليو ف الواتس
وميار كانو كبو فيها موية تلج
ميار :قلت لي اسمها منو؟؟
يوسف :ريان
ميار ربطت الامور وعرفت انو ريان البحبها اخوها هي نفسها ريان صحبتهاا وعرفت انو الموضوع كلو سؤء تفاهم وكانت عايزة تصرخ من الفرحة بس ما ظهرت شي لاخوها وقالت ليو ربك كريم وانو ربنا ما بينسي حق زول ووعدتو انو ريان حتعرف الحصل وطلعت علي غرفتها اول ما وصلت بدت تصرخ وتنطط من الفرحة وانو اخيرا اخوها حب بت وفي البنات حب صحبتهااا القريبة وهو ما عارف ولا ريان عارفة انو يوسف هو نفسو اخو ميار
وقطعت وعد علي نفسها انو تجمعهم بي بعض
تاني يوم ...😍😍
صحت ميار بددري ولبست للجامعة بدري عكس عوايدها وكان في فرحة غريبة في عيوناا كلمت يوسف انو يوصلا وطلعووو وصلت الجامعة ولاقت ريان ومن غير ما تحس حضنتا شدييييييد وقالت ليها مرة اخوي اشتقت ليك 😘😘😘
ريان ضحكت علي هبال ميار ودخلو المحاضرة
ميار المحاضرة كلها بتفكر كيف تخلي يوسف يتصل علي ريان وكيف تخلي ريان ترد عليهوو
طلعو من المحاضرة وميار طوالي غير مقدمات سألتا :ريووو يوسف اتصل عليك؟
ريان لم سمعت اسمع يوسف حست دقات قلبها ما طبيعية ويدينا تلجت سكتت مسااافة بعدين قالت لميار :لاا
ميار :ريان ما تظلمي الود ساي يمكن جد ما ذنبو انتي ما تتسرعي وتحكمي ساي
عايزة اطلب منك طلب
ريان :تأمري امر
ميار :اوعديني اذا يوسف اتصل عليك حتردي
ريان جد كانت مشتاقة لصوت يوسف الحنين البقي ليها زي الاوكسجين لازم تسمعو عشان يعدي يوما طوالي دموعا نزلت وضمت ميار وقالت ليها :اشتقت ليو
ميار والفرحة ما سايعاها : يعني انتي بتحبيو زي ما هو بحبك؟!!
ريان من غير ما تحس :ايوا
ميار بدت تصرخ زي الهبلة
بعدين ريان استوعبت كلام ميار وقالت ليها :ميووو كيف يعني زي ما هو بحبني؟
ميار حست انها طربقت في الكلام ولحقت روحا سريع قالت ليها :هو انتي في زول يعرفك وما يحبك ؟ دا الا يكون مووتخلف وضحكوووو😂😂😂
ميار واصلت يوما عادي بس ريان كل شوية تتبسم من الاكتشاف الاكتشفتو وانها طلعت بتحب يوسف واتمنت من قلبها انو يحبها بس كيف وهي ما بتعرف عنو غير اسمو ؟ م بتعرف ولا معلومة عنوووو
يوسف ايامو ماشة من سئ لي اسؤا واخلاقو بقت ضيقة والكل مستغربين من تصرفاتو ما عدا ميار العارفة اخوها مالوو
بعد طلعو ميار وريان من الجامعة ميار مشت لي يوسف في المعرض وطوالي دخلت المكتب ...
ميار واقفة مصدومة من :يوسف دا شنو البتسوي فيو دا؟
يوسف اتخلع وطوالي طفي السجارة الفي يدوو:ولا شي😡
ميار حنت علي حال اخوها بقي ما بيخلق دقنو ولا مهتم بي روحو ومبشتن قالت ليو :للدرجة دي بتحبها؟
يوسف نزلت دمعة من عيونو غصب :بعشقا والله حاسي بيها هي نصيبي ي ميار فاهماني انتي؟ ريان بقت كل شي بالنسبة لي وحوتة حاووول يفرقنا
ميرا باستغراب: يعني حوتة هو الخلا البت تدق لي ريان؟
يوسف: ايواا
ميار: حسبي الله
وقالت بجدية : يوسف ريان بتحبك زي ما انت بتحبها واكتر كمان😍
يوسف ضحك :وانتي يا كونان العرفك شنو
ميار باستهبال: هي حتلقي احسن منك وين غايتو كما حبتك تبقي عويرة
ورجعت لي جديتها :اتصل عليها
يوسف: كيف يعني اتصل عليها
ميار:ارفع تلفونك واكتب رقما واضغط اتصال
يوسف ضحك باستهتار وقال ليها :ذكية
ميار :والله جادة معاك هي حتكون مشتاقة ليك اكتر مما انت مشتاق ليها ولو ما ردت بغسل ليك عربيتك وبنضف ليك غرفتك لمدة اسبوع
يوسف حب يختصر ميار : ان شاء الله هسي قومي اقطعي وشك خليني اشوف شغلي
ميار طلعت وهي عارفة انو اخوها ح يفكر في كلامها ولو جد بحب ريان حيتصل عليها
