اصبح الصباح
يوسف مبسوووط لانو عرف كل شي عن ريان تقرييا😊
نزل سلم علي امو وابوهو وقرر انو يطلع وهو طالع لاقي ميار وسألها اليوم ماف جامعة؟؟
ميار : في بس انا ما عندي نفس امشي
يوسف : اووك براحتك
وطلع للشغل وهو بدندن وهو مبسوووط ريان صحت من نومها واول شخصية خطرت ع بالها يووسف تلقائيا ابتسمت☺☺
بس اتزكرت انو دا اخر يوم لي ميمي واسامة ف السودان وانو بكرا طيارتهم وانها حتقعد برااها في الشقة دي ما معاها الا "المدبرة وهي البتجهز لي ريان الاكل والشراب وتغسل وتكوي وتنضف يعني عليها كل الشغل"😔😔
ريان حبت تعمل برنامج لي ميمي واسامة ف البيت
قررت انها تتصل علي منزر عشان يوريها مطعم اكلو حلوو ويديها رقم الدليفري حقهم بعدين غيرت رايا وقررت انها تتصل علي يوسف لانها طولت من صوتو
وفتحت تلفونها اول اسم جا عندها اسم يوسف☺ واتصلت
يوسف تقول كان منتظر مكالمتها وخاتي يدو ف التلفون
قبل الجرس الاول يتم رد : الووو
ريان ضحكت : خلي الجرس يتم يا شفقان😂😂
اتحرج وضحك يوسف وقال ليها : التلفون كان في يدي عشان كدا
يوسف : اووك بس برضو شفقان
يوسف: خلاص عشانك شفقان
وريان ما عارفة انو الشفقان دا البنات بموتو عشان بس يسمعو كلمة الو منو
ريان بهدوء :يوسف
يوسف من جواهو يا قلب يوسف انتي ريان ما تقولي اسمي بالطريقة دي والله حتجننيني يا بت ابوك و رد : نعمين
ريان: عايزة لي اسم مطعم حلوو واكلهم حلو
ويكون عندهم تورتات وعايزة رقم الدليفري كمان
يوسف : ما طلبتي شي هسسسي يصلك العنوان والرقم
ريان بفرحة :تسلللم يارب وما انحرم منك
يوسف: ولا منك "ي حياتي وقالها صوت واطي عشان ريان ما تسمع "
يوسف : يلا انا حقفل واشوفهم وارسلهم ليك في رسالة
يوسف: باي
ريان: ما تقول باي قول مع السلامة منو الكان بقول لي كدا يارب وضحكت
يوسف بضحكة : دا واحد مجنون ساي
ريان: م تقول ع يوسف مجنون
يوسف :يوسف دا منو كمان
ريان وبجدية : يوسف دا فرحة في عز الوجع بعدين سكتت ريان واستوعبت هي قالت شنووو بقو الاتنين ساكتيين وكل واحد راجي التاني يكسر السكوت..
يوسف خلاص اعصابو تلفت ولو كانت ريان اتكلمت معاو دقيقة زيادة كان حيعترف ليها بحبووو قال ليها بجدية : بشوف ليك المطعم و برجع ليك طيب؟
ريان: اووك
استغربت هي ليه اتكلمت معاو كدا
يوسف اتصل بعد ١٠ دقايق ووراها اسم المطعم ورقم الدليفري وقفل طوالي
ريان اتصلت ع المطعم وطلبت اكل ومشت ترتب حاجاتا الجديدة في الدولاب
في شندي..
مهند سافر وهو ف الامارات مبسوووط من الصباح وبيتبسم من غير سبب تلفونو رن لقي المتصل احمد رد وهو بضحك من غير عوايدوة وفرفش مع اخوهو وطمنو انو وصل كويس وانو المسا طيارتو للسويد
احمد طوالي فهمو وقال ليو :مهند ناوي علي شنووو
مهند: اصبر ساعتين بالكتير وبتعرف
مهند قبل يسافر بيوم مشي لي خالد في محل شغلو وكان خالد في اجتماع دخل في نص الاجتماع وقال ليهو: والله انا كنت ناوي اطين عيشتك بس وعدت ريان اني ما المس شعرة منك وما بزعل اختي عشان واحد زبالة زيك ومشي مدا ليو يدو وقال ليهو العفو (الكلام دا وناس الاجتماع كلهم شايفين)خالد مدا يدو وهو مخلوع مهند مشي سلم عليهو بالحضن وهمس ليو في اضانو بكلام م يسمعو غير خالد وضحك واعتذر لي ناس الاجتماع وطلع
خالد مخلوع من تصرف مهوالكلام القالو ليو في اضانو جهجهو اكتر
تاني يوم في محل شغل خالد
خالد: انا طالع ي عبودي عايز شي؟
عبدالله (صاحب خالد) : ااي عندي سفرة صغيرونة كدا شيل لي شنطتي دي معاك لاتي بعد اخلص بجيك ف البيت توديني وقبل تطلع تعال اشرب معاي العصير دا
خالد: اووك وينا الشنطة
خالد شال الشنطة وشرب كباية العصير وطلع
عبدالله رفع تلفونو واتصل :اديتو الشنطة
الطرف التاني :تمام والعصير؟؟
عبدالله : شربو....اخوي حيرجع متين السودان يامهند
مهند:في اول طيارة وقفل الخط
"عرفتووو عبدالله اخو منو صح"اخو الولد الكان بيضايق ميمي ومهند ضاداهو وخلاو يطلع من السودان بدون رجعة
خالد بس وصل البيت ١٠ دقايق والبيت اتملي عربات شرطة ودوريات وطوالي بدو يفتشو في البيت
ابو خالد وهو مخلووع :في شنو يا جنابو الحاصل شنو
الشرطي : اسأل ولدك المحترم
ابو خالد :في شنو يا خالد؟
خالد مصدوم وما قادر يتكلم
جا الشرطي شايل شنطة:دي هي المخدرات يا جنابو
ابو خالد:مخدرات شنو؟!
هالد:دي ما شنطتي دي شنطة عبدالله اداني ليها عشان مسافر وعايزني اوصلو البيت
الشرطي: يلا ارفعوهووو
ام خالد بدت تكورك :ولدي سايقنو وين جيبوهو
ابوهو:حسبنا الله ونعم الوكيل وقعد في اقرب كرسي من الصدمة
بعد وصلو القسم خالد اتزكر كلام مهند القالو ليهو في اضانو وحسي بي لفة راس قوية وصداع قوووي
مهند: مايغرك السويتو دا دا للمظاهر بس لكن انا عند وعدي كسرتك لي قلب اختي حكسر لي روحك بدلا وبتشوف وابتسم وطلع
خالد في الزنزانة:يا جنابو انا والله العظيم الشنطة دي
ما حقتي حقت صحبي اسمو عبدالله وانا والله ما عندي علاقة بالمخدرات
وبدا يحكي ليهم الشرطي حسا انو صادق: خلاص احنا نعمل فحص للمخدرات في دمك ولو طلع فيهو نسبة واحد من مية في المية هيروين يبقي حقك راح
خالد بثقة :اوك تمام وجابو الدكتور سحب دم من خالد والنتيجة بتظهر بعد ٤ ساعات
في الوقت دا شندي كلها بقت تحكي وتتكلم عن خالد القبضو بي شنطة مليانة مخدرات والكلام وصل اهل ريان
احمد الوحيد الما كان مستغرب لانو عارف انو مهند ممكن بعمل اكتر من كدا
احمد فكاها ضحكة
حامد:والله يا احمد لو عرفت انك ولا اخوك ورا القصة دي والله ما يحصل ليكم طيب
احمد:م وراها بس يستاهل الحقير وقام طلع
