ميار اتصلت ع يوسف وقالت ليهو : عايزاك في موضوع ضرووووري يا تجيني في الجامعة يا اجيك في المعرض
يوسف : تعالي المعرض ودا كلو عشان يتجنب ريان
ميار ساقت ريان طلعومن الجامعة للبيت ميار كلمت ريان انو عندها مشورا صغيرووني وبترجع ريان اساسا كانت مرهقة طوالي دخلت ريان البيت وميار مشت لي يوسف☺☺
يوسف : خير الحاصل شنو
ميار : كدي اول اعزمني علي بارد شاي قهوة اي شي
يوسف بنرفززة : ميااااااااار قولي العندك ولا اطلعي
ميار وعارفة انو اخوها عصبي بسبب الحاصل عليهوو خلفت رجل فوق رجل وقالت ليو ببرود : انا يا سيد الناس جيتك بخصوص ريان
يوسف اتوتر وبان التوتر في وشو : ريان؟ مالا ريان
ميار حبت تلعب باعصابو : طقطقت اصابعا ودنقرت راسا وسكتت 😂😂
يوسف خلاااااص اعصابو تلفت : ميار احكي مالا ريان
ميار : ريان بتحبك يا يوسف وبتموت في الارض الانت بتمشي عليها😍
يوسف ما مصدق الهو بسمعو : قلتي شنو؟
ميار : قلت السمعتو ولو ما عايزة تروح منك وريها شعورك اتجاها
يوسف: ميار احلفي
ميار : اقسم بالله بتحبك
يوسف :طيب وسامر؟
ميار وبان الحزن في وشها : ياريت تعفو لي انت وهي
يوسف : في شنوو؟
ميار وحكتت ليو كل الحصل وكل العملتو واقنعت ميار انها تعملوو 😑😑
يوسف زعل في الاول بس بعدين فهم انو ميار سوت كل دا عشان تجمعو هو وريان وكانت مبسوطة لدرجة ما قادر يستقر في محل واحد مرة يقيف ومرة يقعد😂😂😂
ميار : انا ماشة البيت ارح وصلني
يوسف كانو ما صدق انو جاتو فرصة عشان يشوف ميار طوالي وقف وقال ليها :ارح
وصلو البيت يوسف جرا طلع السلم قبل ميار فتح باب غرفة ميار لقي ريان واقفة بتسرح في شعرا
ريان شافتو في المراية قبلت عليهو باستغراب وقالت ببحتها الحلوة: يووووسف؟؟
يوسف من غير ما يتكلم مشي وقف قداما وضماها عليهو شديييييييييد
ريان كل فيوزات مخها ضربت وبقت متجمدة في محلها ما قادرة تتحرك ولا قادرة تتكلم حست بانو قلبها وصل رجليها 😀😀
يوسف وهي لسه بين ايدينو زح راسو لي ما خشمو بقي قصاد اضانا وهمس ليها : بحبك ونزل شفايفو في رقبتا وباسا
ريان بالجد جسمها هبط خلاص يوسف البتحبو ضاميها لا وبيقول ليها بحبك كمان وهو الصباح كان بيتفادي انو يعاين ليها
وخلاها في حالتها دي وطلع
ميار كانت واقفة في الباب وشافت اخوها لم ضم ريان وكانت مبسووووطة 😍😍
بعد طلع يوسف ريان لسه واقفة في نفس حالتا ديك ما اتحركت ولا حتي رمشت بس فاتحة خشمها ومنططة عيونا
ميار : وقفت قداما وقالت ليها ريوو
ريان بدت تتكشم وتتبسم 😀
ميار : مبسوطة؟
ريان بدت تصرخ من الفرحة وحضنت ميار وباستا خمسمية مرة
ميار : شفتي انا هان علي اشوفكم بتتعذبو كدا عشان كدا مشيت صلحت الخربتوووو وانتي وويوسف ان شاء الله حتكونو من نصيب بعض
ريان الليلة ديك ما نامت بالفرحة بالليل جاها تلفون من يوسف بس شافت اسمو قلبها بقي زي الدللوكة ما قدرت ترد بالربكة جاتا رسالة بعد مسافة فتحت الرسالة وكان مكتوب فيها : يا تردي يا حتلقيني قدامك هسي
وجاتا مكالمة تانية من يوسف ردت بس ما اتكلمت
يوسف: حبيبي
ريان........
يوسف : ريوو بليز قولي شي
ريان ولسسسه ساكتة
يوسف: اوك انتظريني جاي غرفتكم
ريان بعفوية: لا ي مجنون البجيبك غرفتنا شنووو
يوسف : اااااخ اخيرا اتكلمتي
ريان : ضحكت ببحتها الحلوة
يوسف : لا كدا بموت انا
ريان: الله يطول بعمرك ما تقول كدا
يوسف برومانسية: حاااضر
اتغير صوتو للجدية وقال ليها : ريان
ريان: هااا
يوسف: شنو شعورك اتجاهي
ريان اتوترت شديد وسكتت ما درت
يوسف :ريان بليز جاوبي
ريان بخجل : انت عارف شعوري اتجاهك
يوسف : عايز اسمع منك
ريان :بيجي يوم واقول ليك بس اعرف انو انت في قلبي ووالله مافي قلبي غيرك ولا حيكون
يوسف: اقسم بالله بحبك ...تفتكري ي ريوو انو كان حيجي يوم زي دا ؟؟! لمتنا مكالمة بالغلط وبقيتي روحي وكل شي حلو فيني
ريان: الله يديمك في حياتي يارب الله ما يحرمني منك يارب
...
في شندي ......
خالد طلع من السجن بعد برئوهو ولقو كل التهم ضدو بقي قاعد مع امو في المستشفي وهو ابوهو نهائي ما بتكلمو مع بعض ...
