(سلسلة اقرباء ولكن) الجزء الثاني بعنوان بنت خالتي

الفصل العاشر

#بنت_خالتي (الجزء الثاني من سلسلة اقرباء ولكن )

الفصل العاشر

وتين .. غصب عني يا جدو مش قادرة نتخيل ان الانسان اللي كان يستنى فيا نين نكبر يتخلى عليا بسهولة ومافيش سبب مقنع مش مستوعبة ان عبدو اللي كبرني على ايديه يرخي بيا هكي ( ومسحت ادموعها ) لكن لازم نكون قوية على مصيبتي وفي الاخير ما فيدي شئ ومرات الصافي يكون هو المكتوب ليا من الاول
باتي وباس راس وتين وبوجع عليا ومش عارف شنو يقول .. ربي يحفظك بنتي
عمو رواد .. تو نتصل بالصافي يجي تتكلمي معاه قبل اي شئ
وتين .. هنا بيجي
باتي .. وين تبيه يجي
وتين .. خلوها نين نروحو شقتنا
امي .. ليش
وتين بغصة .. مانبيش عبدو يشوفنا
باتي .. ما اديريش في حاجة عيب بنتي وقبل كل شئ هو ولد عمتك
وتين .. والله عارفة يا جدو لكن هكي اريح ليا

وتين
انا مازل قلبي مايدقش الا لعبدو ونفسي مايطلع الا عشانه عارفة عبدو ومتأكدة انه مازل يحبني لكن في سبب خلاه يدير هكي ورغم لومي وعتبي عليه مش قادرة نكرهه لكن مانقدرش نغصبه عليا لان قبل كل شئ عبدو رباني على اني انكون عزيزة النفس واني عمري ما نرخصها لاي حد مهما كان حتى لو كان هو هكي كان ديمة يقولي وحنكي مع الصافي بصراحة اذا ماقدرش ينسيني عبدو حنسيبه

نوضني اوس على العصر توضيت وعدينا للجامع وجينا للحوش نا واوس ولقيت كانو ووتين وعمو رواد واحمد مروحين وموسى قاعد مع سلومي هو ومحمد ولما سئلت عليهم قالو ان الصافي بيجي يحكي مع وتين ونا حسيت بنار ركبت جواي لكن ماعندي ما ندير وماطلع من فمي شئ الا ربي يهنيها وخشيت داري نا واوس مابين امي ماجهزت العصرية

قلبي يتقطع وبراكين تغلي بداخلي ولو انفث بعض الهواء ممكن احرق الاخضر واليابس اشعر بالانفجار الغيرة تقتلني ولكن ليس بيدي شئ الا الدعاء لربي ان يهدئ بالي ويوفق حلم حلمته لنفسي لاعطيه لغيري اشعر بالاسف على نفسي
              ...... عاشق نياط

نزلت المنشور ونا ماشي جاي في داري واوس يتفرج عليا وساكت عارف بشنو حاسس لكن مافيده شئ

اوس .. اهدء ياعبدو هكي مش كويس عليك
انا بقهر .. تعرف قلبي يقولي امشي لشقتهم وناخذ وتين نزرعها بين ضلوعي ونقوللها مكنتش بوعيي لما سيبتك انتي لي لكن عقلي يقولي اهدء وسلم لغيرك الراية نا معاش نصلح ليها
اوس .. ماهو ضارك في الحكاية هذي الا عقلك
انا ونخبط على راسي بايدي .. فعلا ماضارني الا هو حتى المرض لما جاء بيقتلني او بيعقني ماجاء الا من عقلي
اوس ومسك ايدي .. اهدء ياعبدو
انا حسيت راسي بيطربق من الصداع
اوس ويمدلي في حبة المسكن .. خوذ ياعبدو الدكتور قال لازم تبتعد على اي توتر
انا بعد ما شربت الحبة .. مش قادر
اوس .. شنو رايك به نمشو اسبوع لطرابلس
انا بهزة راس .. لا يا اوس انا اصريت نجي لليبيا قبل موعد العملية عشان نقعد بين اهلي وخوتي لان مرات ربي يكون كاتبلي انهن يكونن اخر ايامي
اوس.. بعيد السو عليك به كيف بتكون بعيد على الضغوط النفسية حتى مازن وقسم قالولي انهم بيضغطو على روحهم في الشغل بيش يقدرو يمشو معاك
انا.. والله قلت ليهم ما لازم انهم يمشو
اوس .. سبحان الله في اصحابك هذوم رغم انهم مصريين الا عندهم وفاء غريب لصحبتكم
انا.. ومن قال ان المصريين ماعندهمش اعتزاز بالصحبة او الوفاء ليها ممكن يبانو لينا انهم شعب مادي بس مش كلهم هكي وبالعكس تقديس الصداقة عندهم احسن حتى منا
اوس .. ربي يحفظهم بس برضو نحس فيها غريبة
انا.. ممكن لان فيهم اصل مختلط مش مصريين صافيين
اوس .. اول مرة نسمعها من وين
انا.. قسم امه رغم انها تحكي مصري ماتفرقهاش على المصريات لانها انولدت وكبرت في مصر لكن هيا لبنانية ومازن ام باته تركية
اوس .. ماهو قلت ليك علاقتهم بيك غريبة لكن لما عرفت ان فيهم اصل مختلط هذا ليش
انا.. انت مقتنع هكي ونا راسي مش متحمل نقنعك
اوس .. ارتاح يا عبدو ونا نطلع نشوف خالتو سومة فيش ادير ونساعدها