#بنت_خالتي (الجزء الثاني من سلسلة اقرباء ولكن )
الفصل الثامن عشر والاخير
انا بتنهيدة .. اسمعوني كويس وماحد يقاطعني
محمد .. خوفتنا يا عبدو
انا .. وسعو بالكم تو تفهمو انا عندي ورم
(واستبعدت كلمة خطير بعد ماشفت العيون ترقرق بدموع ) بس ماتخافوش نعتبر تعديت نص الخطر
عبدالسلام وماسك روحه انه مايبكيش .. كيف ياعبدو
انا.. درت عملية اولى وعلى ضوئها خسرت النظر في عيني اليمين
كلهم بشهقة وحدة ودموع نزلن من عيون البعض والباقيين شادينها بالغصب
ريفال بدموع .. ونحن وين من هضا كله
انا .. ماهو كنتو.....
موسى .. كنا شنو صغار تشوفو فينا والله مايحقش لينا نهونو عليك حتى لو بالكلام
الين .. انت خونا الكبير كيف ادس حاجة علينا زي هكي
انا .. استنو شوي والله ما دسيت عليكم الا خوف عليكم لان وقتها كنت ممكن نموت تحت العملية وانتم على باب امتحانات ماحبيتش نشغلكم معاي وسلمت روحي لربي واهو ربي ردني ليكم طيب
عبدالسلام وعنده ميول طبي زي باتي وامي من كثر مايشوف برامج طبية .. مش قلت ليكم ان عبدو فيه حاجة
احمد.. قصدك لما قلت انه لازم يلف بالجنب بيش يشوف
ريسال .. حتى نا ركزت عليك وقلتها لهم ضحكو عليا
عائشة .. هضا ليش بعد ماروحت لبست نظارة طبية
انا وفرحان ان النقاش على حركاتي بعدتهم عن حزنهم شوي .. اه بعد العملية الدكتور قال لازم نلبسها بيش نحافظ على عيني السليمة
عبدالسلام بجدية .. بس انت ماخبرتناش تو الا في حاجة اخرى وراء حكيك
انا .. بس مانبيش دموع
يارا .. خوفتنا عبدو
انا.. عندي عملية ثانية ولازم نسافر بعد ثلاثة ايام
موسى بهدوء .. ان شاءالله على خير يارب
انا .. واحتمال كبير نخسر النظر حتى في عيني السليمة يعني ممكن نروح اعمى
وكملت كلمتي من هنا والدموع نشوف فيها نزلت وجوني خواتي حضنوني وصوت بكاهن عالي ونا حاضنهن وملتفت للاخرين حتى من الشباب بكو وندمت اني خبرتهم
انا نهدي في خواتي .. شنو قلت نا تي انا قلت بناخذ قوتي منكم
عبدالسلام بعد خواتي وحضني وجاء موسى معاه حضنوني الاثنين واحمد ومحمد والوليد والخزرج يزاحم فيهم
انا بضحكة .. بتقتلوني قبل ماندير عمليتي
ريفال .. بعيد السو عليك
انا بعدتهم عليا ومسحت دموع كل واحد منهم .. هكي اديرو ونا اللي عابي عليكم انكم تفهمو وتكونو قوا بيش نا منضعفش
عبدالسلام .. انت قوتنا يا عبدو
موسى .. كيف تبينا نكونو ونحن نسمعو فيك تحكي هكي
انا .. تعرفو حتى نا كنت منهار ومضايق لما علمت هكي لكن صارت حاجة خلتني قوي واول حاجة درتها تزوجت اللي عمري كله ونا نستنى فيها وتو خبرتكم عشان نبيكم تهونو عليها في بعدي وتكونو معاها وماتسيبوهاش وتكونو مستعدين تساعدوني لان نا تو اللي بنعتمد عليكم بعد ماكنتم معتمدين عليا
محمد.. انت اطلب بس
انا .. اهم حاجة وتين
موسى .. في عيونا ومش حنخلوها بروحها
انا بتنهيدة راحة .. هذا هو المطلوب ولو ربي كتب لي اني بنكون اعمى انتم اللي بتكونو عيوني
كلهم .. تدلل
انا وصبيت لاني عارفهم بيبكو اخرى بعد ما نطلع من حذاهم .. نخليكم تو وبنتريح شوي وانوض واه راه عشاكم كلكم هنا اليوم
الوليد.. وشنو الجديد كل يوم نتعشو هنا
انا بضحكة .. صدقت لكن عائشة والخزرج قصدت
الخزرج .. تم
أنت تقرأ
(سلسلة اقرباء ولكن) الجزء الثاني بعنوان بنت خالتي
Historia Cortaسلسلة أقرباء ولكن هي سلسلة متصلة ببعض وعشان تفهم الجزء الثاني لازم من قراءة الجزء الاول منها بعنوان (بنت عمي) التنزيل يومي باذن الله اسعدني الوسام كثيرا وحتى قبل ان تنتهي.. حياة #7ابداع 9#ابداع 5#ابداع 6#ابداع #4ابداع
