#بنت_خالتي ( الجزء الثاني من سلسلة اقرباء ولكن )
الفصل الثالث
انا بصدمة وفرحة كبيرة .. وتين وتيني
وتين بفرحة وهيا حاضنتني بقوة ..
I missed you abdo
I miss you so much
انا ومازالت حاضنها ورفعتها بسبب فرق الطول وضمت رجليها فوق من خصري .. حبيبي بالعربي
وتين بحب .. اشتقت لك عبدو اشتقت لك واجد
انا بحب وفرحة مش قادر نسيطر عليها .. ونا شنو نقول ياقلب وروح عبدو
وتين ونزلت من حضني .. انا رجعت ليك ومعاش بنسيبك
انا وحضنتها بايدي ليا من عند كتفها ومازالت مش مستوعب فرحتي ولا مركز على شنو قالت .. المهم تو معاي العمر كله يارب العمر كله وانتي لي ومعاي
وتين وحولت من حضني .. نحن روحنا على طول عبدو
انا مازالت ما استوعبت .. اه عارف انكم جيتو
وتين بضحكة .. عبدو ركز معاي نحن روحنا بكل خلاص معاش رادين لكندا
انا واستوعبت شنو قالت وحضنتها بقوة .. احلى خبر سمعته (وبتنهيدة كبيرة ) واخيرا بتكبري قدامي بدل شاشة هيا اللي بينا بنتنفس نفس هواك ونصبح ونمسي معاك الحمد والشكر لك يارب
وتين .. اه وبتزيد انت تغرقني بحبك وتحاوطني بيه
انا وبعدتها عن حضني شوي .. ليش ماقلتيش ليا انكم جايين
وتين .. هذي فكرة جدو وماما قالو نخلوها لك مفاجأة
انا بضحكة .. كيف عرفتي ادسي عليا
وتين .. بالغصب لاني مش متعودة اندس عليك حاجة لكن كل مانكلمك ماما فوق راسي هيا وبابا ويقولولي راك تقولي
على طلعة موسى .. كنا نحطو في ايدنا على قلوبنا كل ماتكلمك وتخرب مفاجأتنا
انا وبعدت على وتين وحضنت موسى اللي ماشاءالله شكله بيطلع طويل زينا حتى احمد زيه الا وتيني بس طلعت قصيرة زي كانو داير انا وياها زي رقم عشرة
انا .. كيف حالك ياغالي
موسى .. بخير ياعيون الغالي
وتين .. معليش مافيش حد يغازل عبدو الا نا بس
موسى .. لو الغزل ماقلناشي لعبدو مافيش حد يستاهله
انا بصدمة من كلمته .. مش لهدرجة وباتك وامك واحمد وحنينة وجدو وعمامك وعماتك وجدو موسى وين راحو
موسى بثقة .. هذوم غلاهم بروحه لكن انت غير
وتين بزعل طفولي .. شوف ياعبدو يمكر فيا
موسى بضحكة .. قديش يعجب فيا شكلها هههه ماتخافيش عبدو ليك انتي بس وكلنا عارفين
انا.. خلاص يا موسى خف على وتيني هيا مش حملك
كيان وفاتحة ايديها ليا .. شنو من شف احبابه نسى اصحابه وانت ليك ساعة على الباب
انا وجيت حضنتها .. انتي الاصل ياقلبي
وبعد السلام الحار عليها وسلمت على رواد واحمد وفرحتي مازلت مش مستوعبها ومازلت مش مصدق
انا .. تعرفو مازلت مش مصدق انكم خلاص هنا احذاي
رواد .. اطمن خلاص نقلنا كل اوراقنا لهنا
انا بصوت واطي .. الحمدلله ليك يارب
باتي .. صبو ارتاحو عشان في الليل بنحتفلو بذكرى ميلاد وتين
امي .. لا يا احمد يمشو قبل لحوش هل رواد يسلمو عليهم وبعدها يجو
رواد بتنهيدة .. حتى بعدين
امي .. لا يا رواد تو تمشو مش بسبب امك تجفى الباقيين اللي اكيد مستنين رجعتك بفارغ الصبر زينا وكاما اكثر منا اخرى
باتي .. اسماء عندها الحق يا رواد
انا .. عمو رواد ماتعلمش عيالك الجفاء من تو لان اللي بديره انت هما بيزابوك فيه
رواد بتنهيدة .. امري لله قبل بنأجل النكد لبعدين لكن هيا طالما وراي وراي
كيان .. اسماله الكريم من وين بيجي النكد ان شاءالله وكان على عمتو سامية عادي ما ادير شئ في بالك من ناحيتي خذيت عليها وربي يهديها ان شاءالله
أنت تقرأ
(سلسلة اقرباء ولكن) الجزء الثاني بعنوان بنت خالتي
Cerita Pendekسلسلة أقرباء ولكن هي سلسلة متصلة ببعض وعشان تفهم الجزء الثاني لازم من قراءة الجزء الاول منها بعنوان (بنت عمي) التنزيل يومي باذن الله اسعدني الوسام كثيرا وحتى قبل ان تنتهي.. حياة #7ابداع 9#ابداع 5#ابداع 6#ابداع #4ابداع
