(سلسلة اقرباء ولكن) الجزء الثاني بعنوان بنت خالتي

الفصل السابع

#بنت_خالتي ( الجزء الثاني من سلسلة اقراباء ولكن )

الفصل السابع

باتي بصدمة قوية وصوت شهقة عالي من امي اللي كانت وراء باتي   .. شنوو
انا .. اللي سمعتوه
امي بصوت عالي .. انت شنو تقول اكيد تبصر صح
انا بتأكيد .. اكيد شكل وجهي مش شكل واحد يبصر
باتي يحاول يكون هادي مع انه وجه انحمر ودلالة على غضبه .. انت مش طبيعي اكيد انت يا ولد شنو صاير معاك اكيد في حاجة مخليتك مش طبيعي
انا.. ماصاير معاي شئ لكن خلاص معاش نبي وتين فيها حاجة هذي كنكم انتم
باتي بصوت عالي .. عبدالله
على خشة كيان .. بابي خلي عبدو
باتي والتفت جيهة كيان  .. انتي سمعتي شنو قال صح
كيان بهدوء.. اه سمعت ومهما كانت اسباب عبدو هذي حاجة ترجعله ومافي حد يجبره على شئ مايبيشي
انا بوجع حاولت ندسه وتكلمت بثقة .. انتي معاي يا كانو صح مش حتزعلي مني صح
كيان بحب .. انا اللي بيني وبينك مش بنت يا سبعي اللي بيني وبينك اكبر من بنت تخليني نزعل منك هذي حياتك ونا متأكدة ان عندك سبب كبير خلاك تسيب حب عمرك
انا وماسك دمعتي .. انتي خالتي واختي اللي فتحت عيوني عليها حتصبي معاي صح
كيان وجت حضنتني وبهمس ماسمعاهاش باتي وامي .. نا معاك للموت ومهما كان السبب انت مش حدسه عليا صح
انا وبنفس الهمس .. عطيني يومين بس ونقولك شنو لكن صدقيني وتين حب عمري لكن نا معاش ننفع ليها
كيان بعدت على حضني وباست راسي .. انت سبعي وحتبقى طول عمرك سبعي
انا بهمس .. ساعديني
كيان .. بشنو
انا .. تجيبلي السلسلة اللي عند وتين الاولى
كيان .. صعب لكن حنحاول
انا وحضنتها زين .. نحبك يا كيان نحبك يا خالتي ماتخدلينيش زي ما الدنيا خذلتني

وطلعت من حذاها بسرعة وخشيت داري وسمحت لدمعتي تنزل مش بالساهل انك تتخلى على حب عمرك حب تستنى فيه يكبر بيش تكمله بالحلال حب تتنفس هواه لكن تو خلاص ابصر لمن يمشي او لمن بيكون

تخيلت كل شئ الا ان الحياة تصفعني وبقوة لدرجة اني اسقط على الارض ولا استطيع الوقوف
هل تعلمون اني كنت انتظر هذا اليوم من سبعة عشر عام لكي اتوج حبي ولكن انا اليوم اقوم بتمزيق قلبي وبقطع الاكسجين على رئتي لان ليس هناك بعدها يستحق الحياة بنعيم وعندما يختفي الامل يختفي كل شئ ومع ذلك مازالت عاشق لها
              ...... عاشق نياط

ومسحت دموعي وخشيت حمام داري وغسلت وجهي وتوضيت صليت ولما سلمت لقيت باتي مقمعز يستنى فيا

باتي بهدوء .. شنو في يا ولدي
انا .. بعد الحفلة عدي لعمو معتز تو يقولك شنو في نا مانقدرش نقولك
باتي على نفس الهدوء .. خلاص انا مش حنضغط عليك وطالما عمك يعلم ماليش داعي نخاف عليك لكن تو نسئله بعد الحفلة

طلع باتي ونا ندعي ربي يهون عليه اللي بيسمعه وجهزت روحي وغلفت العلبة وطلعت وتممت على خواتي وعلى سلومي شنو لابسين وطلعنا مع بعض وامي مابتش تحكي معاي ولا حرف
نا مش غرضي اندس عليهم امي وباتي وكيان وعمو رواد لكن الاهم عندي وتين مستحيل نخليها تعلم ولانشوف نظرة شفقة في عيونها بدل نظرة الحب والهيام مستحيل
ومشينا للحفلة وكانت حلوة ووتيني طالعة زي القمر لا احلى من القمر استنو شوي وتيني لابسة حجاب وتيني طالعة زي الغزال لا احلى واحلى وحسيت بوجع يعني اليوم اللي بنسيبها فيه هو نفسه اليوم اللي دارت فيه اهم شئ كنت متمنيها اديره