انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤

😝😝

فاتو شهرين وهوما على هاذ الحالة تلبس غي المياميات سامبل ومرات اذا خرج يتفرج نادرا تروح تريح حذاه بعيد شوي حتى هو ينوض زعما جاه تيليفون من عند حبيبتو الو عمري والتمعشيق ....من بعد هو كي شافها هاك كيفاش قايمة بالامور شغل فالبدية عجبو الحال سهلت عليه من بعد كي حسبلها لقى بلي هاك تصعاب عليه باه يخرجها من الدار والعايلة قاع تحبها مالا حكمها
اسمعي ارواحي عندي هدرة معاك ..
واش غير الخير
في بالك هاذ اللعب مانعرفوش ؟؟
وشنو ؟؟
تمثلي عليهم زعما الفتاة المثالية وقايمة وكاملة ومامنكش عشرة ...!!
شوف انا مانحوسش نرد عليك والديا علموني بلاصة الراجل مليح -وجات رايحة -
استني ماكملتش هدرتي من اليوم ورايح ماتهبطيش بكري وماتنظفيش وتحرقي الماكلة واخطيك من الشياتة ليما حاجة ما راحا تنفعك
ثم هي تقلب وجهها وتنرفزت قدمتلو حتى قريب لسقت فيه
شوف نتا راجلي على عيني وراسي بصح نقلك ... -شدتلو شواربو - نهار اللي يبوسو هاذون -مستلو عينيه - هاذون نديرك وش راك تقول .. واذا ماتعرفش لاطاعة لمخلوق في معصية الخالق ... -بعدت عليه -
ونزيدك نهار اللي دخلتني لهذا الدار نتا قررت ونهار اللي راح تخرجني منها نتا تقرر بصح اللي بيناتهم انا نقرر اوك ؟؟
هو: نشوفو راسك وين يوصلك
هي :ان شاء الله - وجات رايحة من بعد دارت- حقاا انا مامنيش عشرة ... وكملت طريقها
زاد فات شهر وهي حتى لذيك الساعة ماكانتش عارفة كيفاه ترد الاعتبار لروحها وتوفي بوعدها لنفسها .. لكنها تمت على معاملتها الطيبة لاهلها وماتشرط عليهم والو حتى عايلتها كانت تكلمهم برك ومرات يجوها يعني صبرت عليهم

"""""""""""""""""""""""""""""""""""""""""""""""""""""""""""""""""""""""""""""""""""

ارجوكم تدعموني بتصويت وكومنت ... كي تلحق هذي الكرونيك 500 صوت نحط الجزء الثاني من سلسلة انتقامي بعنوان
💔لعب بي وتركني لكنني اعدته كما ذهب💔
... كرونيك هايلة ايضا فيها اهم الاسرار لاسترجاع الحبيب وجعل حبه اكبر من السابق ...
نقدرو نوصلو لهذا العدد اذا عشر اشخا فقط صوتو على كل اجزاء القصة