انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤

.

مرات يرد مرات لا حتى صار يروح غي بش يشوف وش كتبت .. يخرج يصيب حوايجو تاع الخدمة واجدين كرطابلو بجي خارج يلقا تقاشرو نظاف يلبس كيف كيف مسحة عالراس وشوي ريحة تهبط هي وياه مع حبيبات البغرير للعايلة توصلو للباب تربيتة على الكتف وتوكل على ربي
يدخل يصيبها بتبسيمة عند الباب وتنح الفاست القهوة وباسينة ماء الرجلين شوي دلك وتشجيع عالصلاة وتعطيلو حوايج الدار وتقسيرة فللليل وتنحلو الهموم ويروحو يرقدو تحكيلو حكاية تاعد ذراري صغار تحطلو يدو على يدها وبيدها الزاوجة بصبعها تمشيهولو دويرات على راحة ذيك اليد وتمسحلو على حواجبو مسحة خفيفة وعلى عينية حتى يرقد هاكا هكا عوداتو على وجودها فكل لحظة فكل زاوية من الدار ماتغيبش عليه اكثر من ربع ساعة مدامهم في زوج فالدار وكي يكون فالخدمة مرة مرة تبعثلو ميساج تصبرو تشجعو تهنيه تقولو راني موجدتكلك كذا اخدم مليح بصح مش دايما مش مسمطتها مرة مرة يعني قدرت تخرج الطفل اللي في وسط راجلها وتعملو دور الام والطفل جامي يسمح في امو ..
بقاو مدة شهرين تقريبا بين خطبة سهيلة والعرس فيهم قدرت تدخل لمكان اقرب عند راجلها
وصلو ايام العرس .. هو ما دارش عرس مرتو برك اللي دارت عرس هو جابها بالساكت ودارو غير سهرة صغيرة مع الاحباب واهل العروسة وراح كل واحد لدارو ... قبل العرس راح جرات عليه وشراتلو الحوايج تقيسلو وتعاونو فالشري وتكتب وتحسبلو وتعطيلو الراي شغل ختو ..