تفجعنا فيها الحمدلله خرجت سلامات ...جيت من الخدمة حطتلي يما القهوة وريحت حذايا عرفت ديراكت وش رايحة تقول والفت .. قلتلها
انا :يما اخطيك
يما : شوف اولدي راك تعبتني وانا نخيرلك فالبنات
انا :شوفي خليني انا نجيب لمرا لي توالمني ونتي ريحي راسك
يما :تحب تجيبلي العيب (بدات تعيط) من وقتاش والطفل يخير... كي نموت انا باه تخير وحدك ... ياولدي الله يهديك مكانش كيف اللي نجيبهالك انا ونخيرلك المخير تاع المخير
انا : بعيد الشر عليك يما وش هاذ الهدرة (باسها من راسها ) بصح راكي شفتي وش صرا المرات اللي فاتو
يما :ايه شفت ... بسبتك وليت فاللسان تاع الغالي والرخيس .. ماعرفتش تربي .. الزين والمال خالعينو متكبر ...نمشي ونسمع فالناس مورايا ياولدي ..
انا: الناس الرسول وهدرو فيه ماتديريش عليهم ...
يما :نقلك هدرة وحدة هذا المرة تعاود تبهدلني مع الناس والله نحلف يمين ماراك ولدي مانعرفك ...
انا :يماااا علاه وصلنا لهذا الهدرة ؟؟
يما : كون جيت تاخذ الراي كون راني شادة حفيدي فيدي هذا كلامي التالي ... راني شريت الخاتم على يومين وجد روحك نروحو نتكلمو على الطفلة خير مايدوها ...
انا :(حط فنجان القهوة )يمااااا علاه راكي تديريلي هاك ..
يما :شوف الطفلة راها بنت اصل عايلة متواضعة وباباك صاحب باباها وزوينة وماعندها ماخصها وعندها حتى وش يعجبك هههه(تهز في حواجبها زعما لاطاي )
انا : والله ماهي خدمة (ناض وراح ويماه تعيط موراه)
يما :ماتلبسش ذاك الدجين المقطع يقولو ماعندهمش ثاني ...
رحت ديراكت لشمبرتي حاير الحصلة لي ماقدرتش نخرج منها كلمت عمري سهيلة
""""""""""""""""""""""""""""""""""""""""""""""""""""""""""""""""""""""""""""
ارجوكم تدعموني بتصويت وكومنت ... كي تلحق هذي الكرونيك 500 صوت نحط الجزء الثاني من سلسلة انتقامي بعنوان
💔لعب بي وتركني لكنني اعدته كما ذهب💔
... كرونيك هايلة ايضا فيها اهم الاسرار لاسترجاع الحبيب وجعل حبه اكبر من السابق ...
نقدرو نوصلو لهذا العدد اذا عشر اشخا فقط صوتو على كل اجزاء القصة
أنت تقرأ
انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤
Romanceقصة ❤❤اسحاق &هدى❤❤ : علمته كيف يعشقني بعد أن تزوج علي وأهانني ... قصة خطيرة تحتوي أهم أسرار الرجل لتملكه والسيطرة عليه وجعله عاشقا مطيعا بارادته بطرق اثبتها علم النفس ... طرق اقوى من السحر اقرب الى التخذير والادمان تهم كل أنثى وامرأة عازبة مرتبط...
