انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤

.

هذيك هيا نقاوها وهبط معاها  القدورة تاع العشا وسقاتلهم وقاتلو يعيط لسهيلة راها ماتغذاتش .. وقاتلو بينو بينها .. سايسها ... ذيك هي راح يحاول فيها بالعقل بالهداوة باه تتعشا هبطو وتعشاو مع بعض ... زاد ذيك الليلة بات مع سهيلة من بعد عادو نهار بنهار وهو اللي حب هاك  ... فاتو ليامات فهم سهيلة با تكثرش عليه المشاكل واذا عندها مشاكل مع عبد تحلها وحدها  بصح هي  بقات هي هي ماتبدلتش تكره  هدى ماتقدرلهاش يسمعها تعيط عليها يفوت ومايدخلش روحو موصياتو  هدى . دايما هاك وهي تحقرها ماتردش عليها وهي كي شافتو هاك ولات تتمادى حتا مرات تحاول تستعمل الضرب بصح هدى تتحكم فالوضع بفهامتها ومتخليش اسحاق يتدخل  خاصة كي فاقولها بالحمل ولاو غير يساعفو فيها ويقولو الوحم جاها على ضرتها وماهيش تحملها .. تقلهم مانحبش نشوفها  واسحاق كان فرحااااان بولدو فالطريق بصح يسمع العياط مخو يتقلب  .. والصوالح هي اصلا ماكانت تقضي والو  ومع الحمل زادت عايلتو غي مستحملينها وهي غيرتها وانانيتها  عاميتها  حتى جات تبدل ليطاج مع هدى فاقت بيها لعجوز قاتلي اهبطي قاع لتحت معانا هاك لادروج لا هم يحزنون وتبقى بنتي حدايا ... هبطت ومكاش قاع عاجبها الحال راجلها ولا يهرب  منها وغي صابر عليها في خاطر العشرة اللي بيناتهم والولد اللي في كرشها فنفس الوقت كانت هدى دايما موراه ... ودارتلو بصمتها فكلش فحياتو من لي ينوض على الريحة لين يرقد على الحكاية ...