انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤

.

خرج من عندها وسكر الباب موراه .. وراح عند هدى وجهو مقلوب  حلتلو الباب بتبسيمة كي العادة شافتو مش مريقل ... شداتو من كتافو ...
معليش معليش تهدن -بصوت حنين-  ( تحسو بلي راها تفهم كيما قلت بلي كي تخرج البيبي من الراجل تعود بنظرة تفهم كلش من بعد تتحكملو في وجهة نظرو كانها تلقن فيه الكلام ) ..قعداتو فالفوتاي (علابالي الفوتاي مرقها بصح جاي حدا الباب )
جابتلو كاس ما وريحت حداه تهدي فيه 
تعوذ من الشيطان استغفر .. قعدت شادتلو يدو خمس دقايق هاك فالسكات يجي يهدر تقلو شششششت بسياس يعاود يهد ا .. كي هدا شوي داتو للدوش قاتلو سمي وتوضا تبرد شوي .. وهو يسمعلها .. مين كمل لقاها موجدتلو سجادة صلي ركعتين واستغفر وارواح نهدرو ..
صلى وكمل كام هادي خلاااص
دخل للشمبرة لقاتو مكسل في فراشو ودمعتو طايحة على وذنو .. راحت ريحت حذا راسو فالسرير . مسحتهالو .. قالها ..
عييت ... والله عييت .. مانيش عارف وش ندير .
مسحتلو على راسو  .. نلقاولها حل ان شاء الله ماتخافش ... ساهلة كلش يتحل شدتلو يدو كيما موالفة ترقدو حتى رقد وخرجت راحت توجد فالعشا قالت لعجوزتها توجد في دارها وتهبطلهم  ذيك هي خلاتها ...  طيبت وقعدت  كل شوي تطل عليه اذا فاق  حتى بعد ما أذن المغرب فاق راحت عاوناتو بش يروح يصلي رقاد العصر مش مليح وزيد رقد منارفي
ذيك هي وجدتلو قهوة لراسو .. صلى وجا ريح حذاها لقاها تنقي فالجلبانة وتتفرج قعد ساكت ويتفرج قاتلو
نقي معايا نتا قاعد تتفرج انفع في حاجة .. ضحك وقالها علاه والو