....كلمت ام اسحاق بهية ام هدى وقالتلها بلي الطفل مستعجل سمانتين يخطبو وبعد التخرج العرس وحتى لهذاك الوقت ويقرو كتاه زادو هدرو الرجال مع بعضهم وتفاهمو .... هدى كانت مخلوعة وخايفة لكن ماقدرتش ترفض وماعرفتش منين طاح عليها العريس والعرس والشقاليل مع التخرج ماعرفتش بواش تلها وكانت مشوشة مالا بعتت ختها وماما يقضولها شراولها قفطان وشوي حدايد وخواتم مع عايلتها متواضعة ماديا عمروها بلاكيور ومكياج وروايح وقاطو وفراشات للصالة وديكور المهم ريقلو رواحهم لنهار الخطبة وهي لهات في قرايتها سهرت على جالها قالت نتهنا منها العرس همو اكبر مع التوجاد وكلش ماجاوهاش قاع فالوقت المناسب بصح هي صبرت وحمدت ربي وكانت كل يوم تدعي ربي يكملها على خير
لحق ذاك النهار مشطت مشطة خفيفة ومكياج خفيف ومع القفطان خرجت تهبل ولكن كي العادة تشوف في روحها ناقصة ومش راضية بشكلها لكن تحمد ربي هاكا ولا اكثر ... دارو خطبة صغيرة غي العايلة وخاصة هي معندهاش صحبات غي شوي بنات الجيران ودارو النسا وحدهم والرجال وحدهم شربو القازوز وكلاو القاطو وعجوزتها غير فرحانة بيها ... راحت لبستها خاتم لاليونس وخاتم سامبل وسلسلة ذهب وسباعيات وهي تتحيشم وتبدلت قاع كي ناضو يرقصو هوما يشطحو يشطحو ماشبعوش وهي شطحت شوي مع عجوزتها ومها وختها وريحت ... من بعد راحو قاع الضياف وبقات غير هي وعجوزتها وختها ومها ....
"""""""""""""""""""""""""""""""""""""""""""""""""""""""""""""""""""""""""""
ارجوكم تدعموني بتصويت وكومنت ... كي تلحق هذي الكرونيك 500 صوت نحط الجزء الثاني من سلسلة انتقامي بعنوان
💔لعب بي وتركني لكنني اعدته كما ذهب💔
... كرونيك هايلة ايضا فيها اهم الاسرار لاسترجاع الحبيب وجعل حبه اكبر من السابق ...
نقدرو نوصلو لهذا العدد اذا عشر اشخا فقط صوتو على كل اجزاء القصة
أنت تقرأ
انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤
Romanceقصة ❤❤اسحاق &هدى❤❤ : علمته كيف يعشقني بعد أن تزوج علي وأهانني ... قصة خطيرة تحتوي أهم أسرار الرجل لتملكه والسيطرة عليه وجعله عاشقا مطيعا بارادته بطرق اثبتها علم النفس ... طرق اقوى من السحر اقرب الى التخذير والادمان تهم كل أنثى وامرأة عازبة مرتبط...
