ايه راني بديت نقول ليما ونمهدلها ...
راكي مزروبة قاع هاك على الطلاق ؟
وشنو ثاني راني طولت نسيت من لي كنت تطرد فيا
ايه نسيت ومش حاب نتفكر ونتي علاه مانسيتيش ...
وشبيك نتا ثان (ضرباتو على كتفو )
هدىىىىىىىى ماتلعبيهاش ماعلابالكش
وشنوو ؟
راه علابالك
وشنو ... ايه علابالي بلي طولت وكثرت فيها وقعدت بزاف معاكم وكثرتلكم المشاكل بصح والله ماقصدي راك شفت درت اللي نقدر باه نوقف معاك ...
ناض اوك نتي مش حابة تفهمي ...نهار تفريها مع يما يكونو الورق واجدين وراح يجرجر في رجليه للشمبرة ما حبش يتعشا وقعد ثم راحتلو كي العادة قعدت معاه تمسحلو على راسو .... قالها
رايح نتوحشك
وانا ثان رايحة نتوحشك بزاااااف ..خاطر مش رايحة نقدر نهدر معاك تعود اجنبي نسلم عليك ونفوت بصح نجي نزوركم اكيد وكي تولد مرتك نجي نقوم بيها قاع ماتخافش
نخاف نخاف يا هدى ...
لااا لاا بصوت دااافييي
ماتقدريش تبقاي ماتقدري ش ماتروحيش ...
وشنو هذا منين جات هذا الهدرة ... راه جايك ولدك فالطريق ولازم تتهلا فعايلتك وتقوم بيها وتتهنا نتا وحبيبتك الغيرة تقدر تفسد العشرة وانا مانقدرش نكون سبب فذالشي وحنا من لول كنا رايحين نطلقو حتى انا نحب ندير عايلة راجل يحبني ويحتويني وراك عارف ذاك الحديث ومدام جا هاد السيد مايليقش نراطيه ...
شحال بقالك بش تروحي ..
وحد سمانة هاك ونروح ..
معليش ذالسمانة قاع نبات معاك ؟
ههه اذا قبلتلك المدام
كمل ذيك السمانة ومش حابها تفوت
أنت تقرأ
انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤
Romanceقصة ❤❤اسحاق &هدى❤❤ : علمته كيف يعشقني بعد أن تزوج علي وأهانني ... قصة خطيرة تحتوي أهم أسرار الرجل لتملكه والسيطرة عليه وجعله عاشقا مطيعا بارادته بطرق اثبتها علم النفس ... طرق اقوى من السحر اقرب الى التخذير والادمان تهم كل أنثى وامرأة عازبة مرتبط...
