انتقامي : جعلته يعشقني بعد أن تزوج علي ..باللهجة الجزائرية ❤ مكتملة ❤

.

هز الفطور طلعو وفطر هو ومرتو
- وجداتولنا هدى هذا
- وشنو ؟؟بالاك تسحرنا !
-اخخطيييك وشبيك تيا ذيك راها ختي
-من وقتاش ولات ختك بغضب 
- اووف وش جابدلنا فهذا الهدرة .. فطري فطري وصبحي
- وشكون يدير البغرير للعروسة صبحة عرسها ؟؟
-هذاك خطيك ليا هذاك ... هالخير قدامك الكبدة والنعمة قدامك جات على البغرير
- وعلاه تديرلك البغرير ؟،
-خلاص نقلها ماتزيدش تديرو
- بصح راك تاكل فيه
-ياااااربي كيما نديرو معاك مانسلكوش ول ... فطري ولا خليني نفطر ..
-افطر وحدك وناضت لشمبرتها 
-هزلها الكبدة للشمبرة وبدا يحاول فيها .. ايا حبوبتي فطري باه يكبرو كي يشوفوك اليوم  .. هايا هايا الزينة تاعي ...
بدات تتقلش عليه  حتى وين باتلها وكلات راحت بدلت ولبست مليح جبدت شعرها طويييييل لتحت الظهر مع هي قصيرة وطلقاتو شدت غير القدام ماكيات وخرجت تقتل فالزين وهبطت بشوي بشوي مع راجلها كانت هدى فالكوزينة بطابلية مبهدلة حالتها حالة كانت رايحة تسقسي عجوزتها على الغدا حتى شافتهم هابطين  ... اول مرة تشوف ضرتها مام كي دخلوها ماشفتها .. وحتى سهيلة اول مرة تشوفها ... قالت لاسحاق هذي هدى قالها ايه ...
وهدى حكمتها شوك كثر من لي فاتو شافتها كيف تقتل بالزين ماخلاتش وشعرها مارون طبيعي وعينيها عسلي كلاغ تقتل ... والمشكل شادها من يدها وهابطين يتبسمو وهي في حالة تخزي ... حكموها الدموع وقلبها وجعها وحست بالبرودة كانت رايحة تضعف بصح شدتها بتزغريتة ... روحها كانت رايحة