مهاب الذيب

الجزء الاول -- بارت ١، ٢، ٣

مهاب

انا مهاب ابن شيخ صفاء ابن الشيخ هاشم
ابن الاصل والفصل ابن رجال العرب الشهامة
انا الذيب ابن الذيب
انا رجل عربي رجولتي لست مربوطة في شنبي و باروتي
اتكلم عن الرجولة الحقيقية
رجولة المسؤولية والالتزام الكرم والشهامة والتسامح وحب الله
اذا اقطعت عهد التزم به حتى لو كان أجزي رأسي
عوضا عن عدم وفائي به
اسمي السن كل القبائل تتباهى بيه ألسن اهلي وقبيلتي
اذ ينخيني شخص لا يخذل اقف معه حد الموت
الظلم والإظلام اعدائي
انا رجل ابن رجال وفخري احترامي لحرمتي
انا خلقت من بطن حرمه و نصف ديني حرمه وشرفي حرمه
❤انا مهاب الذيب معشوك مهره❤

امير: مهاب

التفتت

مهاب: هلا امير
امير: ليش مستعجل
مهاب: رايد اشوف سالفة عمك ألي ما تخلص
امير: مهاب اني مارايد نورا
مهاب: ليش
امير: اسولفلك لان انت اكثر واحد راح يفهمني
مهاب: شكلك عاشك يخويه
امير: والي عاشكها اخت نورا
مهاب: هذه سهله
امير: ما سألتني منو بيهن
مهاب: ههههه اني ادري سولفولي
امير: من علمهم
مهاب: اكو غيره فصيلان
امير: ما يعرف فيصل بالموضوع
مهاب: ياخويه چنك نسيت فصيلان... العشك منسيك
امير: معناها وصل الكلام لأبوي
مهاب: اطمأن ما يعلم ابوي بالسالفة
امير: مهاب
مهاب: أمر
امير: ما يأمر عليك عدو .... اريد اسألك سؤال
مهاب: جواب
امير: ليش صارلك فتره تعبان ومهموم
مهاب: ابوي متعبني وما اعرف شلون اراضي
امير: شنو السالفة لا عاد اله ابوي يتعب كل الدنيا اله الذيب
مهاب: ابوي يريد الي يشيل اسمي ... يگلي كبرت شوكت اشوف بزرك
امير: هذه السالفة ما تخلص ويه ابوي .... هذا امر الله
مهاب: امير تعرف شنو السعاده
امير: شنو
مهاب: تنام وتصحى على انسان يحبك صدكني تنام وانت مطمأن وسعيد لا الطفل ولا شي الي يسعدك
امير: ابوي ما يفهم هذا الكلام
مهاب: عمه صبيحه فوك راسه اكيد ما يفهم هذا الكلام
امير: الي مدوخني شلون فصيلان رآهم ويه مريتك وهو حبيب صبيحه
مهاب: امير فيصل اخونا مو ابن عمتنا
امير: اسف الي اقصده تربية عمتي صبيحه
مهاب: ما اقبل تحسس فيصل بهذا الشي
امير: والله مو قصدي

فتحت باب السيارة

مهاب: بعدين نكمل كلامنا
امير: اليوم اسرار تجئنا هي ورجلها
مهاب: بلغني ابوي وكل الهلا بيهم
امير: مهاب مو على بعضك شبيك
مهاب: ااااااخ يا مهره هي كل همومي وتفكيري وكل فرحي وسعادتي الله يسامحه لأبوي

صعدت سيارتي

امير: تتأخر بيت عمي
مهاب: ان شاء الله مااتاخر
امير: لا تتأخر
مهاب: ماشي

مشيت أباع على الطريق
الحسرات تاخذني

اذكرت ايام قبل ....ايام حبي وعشقي
اول اغنية مهره هدتها الي
اشتهيت اسمعها