رغم الأسى

ضلال

في منزل صلاح تدخل الخادمة وهي تحمل صينية الفطور وتدخل على فتاتنا الجميلة نعم انها جود السلطان الحفيدة الأصغر لعائلة السلطان تاخذ الصينية جود وتبدأ تناول فطورها وحيدة كالعادة فوالدها لم يأتي للبيت منذ 3 ايام ووالدتها نائمة تستيقظ عند العصر واخوها رائد الذي يعمل مع والده في الشركة قد ذهب لعمله منذ قليل وكالعادة متأخر اما اخوها و حبيبها الوحيد عمر لديه مناوبة في المشفى اصلا هو الوحيد الذي ياكل معها ويتحدث معها تحت إهمال والديها حملت هاتفها واتصلت بماسة ابنة عمها ماسة :صباح الخير حبيبتي جود كيفك يا حلوة شو عم تعملي
جود : والله ولاشي ضايجة تعالي ننزل عالسوق شوي نغير جو عن المدرسة والبيت
ماسة :والله ياريت بس مستحيل ماما تسمحلي واذا هيي وافقت أدهم ما بيرضى انزل لوحدي من دون امي او واحد منهن
جود حست بوجع بصدرها بعد كلمة ماسة ولو انها ما بتعرف ماسة وطيبة قلب ماسة لكانت قالت إنها قاصدة تجرحني لانو بابا وماما ما بيهتموا بامري

فاقت على صوت ماسة عم يقول : طيب تعالي لهون بتتغدي معنا ما حدا بيجي عالغدا الا رامي وانا وماما بنتسلى كتيير شو رايك بتغيري جو والا شو رايك تجيبي تيابك بتنامي عنا اليوم وبنسهر انا وانتي
ابتسمت جود وقت ذكر رامي بالفعل ابن عمها قلبو طيب كتييير وحنون لما كانو صغار كان يدافع عنها لانو احمد ورائد كانو يضربوها كتيير هي وماسة

جود :ماشي ليش لا هلق بجي سلام
وبالفعل قامت اخدت دوش ولبست العباءة والحجاب
وهيي نازلة عالدرج شافت اخوها رائد جاي وشكله مو بوعيه قربت منو قامت شمت ريحة بشعة عرفتها خمر لانو كتييير بتشمها على تياب ابوها واخوها واوقات امها خافت من شكله المبهدل ورجعت بدها تطلع عالدرج بس هوي كان اسرع ومسكها من حجابها وطالعها لفوق وبغضب وصوت عالي:
ولك وين طالعة بهالوقت يا حقيرة ولوحدك لابسة ومجهزه حالك في بنت محترمة بتطلع عند العصر
جود بهلع : ما في حدا بالبيت وماما نايمة.. وقبل ما تحكي ولا كلمة اجاها كف على شفايفها نزل دمهن من قوته وبصوت عالي : كمان طالعة من غير اذن ولك انتي ممنوع تطلعي بإذن كيف يا وقحة بتطلعي بدون باذن وضربها مرة تانية
جود : حاسة بدوخة من الكفوف وقعت عالارض وصارت تبكي هاي مو اول مرة بيكون قاسي بس بالعادة بيصرخ و بس ما بيضربها الا وهوي سكران
ما حست الا و شخص ضربه بوكس وقعه لرائد واجا لعندها طلعت فيه وجدته عمر نزل لعندها وعم يطلع عليها باسف وقلها : حبيبتي انتي منيحة وشالها على غرفتها وهي عم تبكي ورجع لعند رائد وطلع عليه بغضب منه وزعل عليه لان طريق الخمرة دائما بشع انتبه على صوت امه وهي عم تصرخ : ابني رائد حبيبي اصحى ولك عمر مين ضرب اخوك
قلها : انا ضربته لانو ضرب جود
نوال : مو اخوها الكبير شو فيها اذا ضربها وهي لساتها صغيرة بدو مين يربيها
حاولت تصحي رائد فاق وقام بدو يضرب عمر منعته امه وهي عم بتصرخ : بدكن تضربو بعض مشان ست ماسة عشنا وشفنا
رائد : بدي اضربها اجيت لقيتها لابسة وبدها تطلع من غير اذن حدا
بدها تفلت على حل شعرها وتسود وجهنا بين ااناس وتنزع سمعة العيلة
نوال : اذا كان هيك الموضوع يسلم هالديات وهيي بتستاهل اكتر من هيك
عمر : لو شو ما صار يصير مو من حق حدا يضربها بهالشكل اخر مرة بسمحلك تضربها وياريت تبطل هالسم وتلتفت لشغلك يا رائد
وتركهن ومشي
رائد بخبث : شفتي ابنك راح يفسدها بدلاله الزائد ماما لا تسمحيلها تطلع من الفيلا وتسود سمعتنا والا جدي بيزعل منك وبتعرفي غضب السلطان