رغم الأسى

النائم

في سوريا يدخل إياد ومراد وزياد ريناد ونور وغادة ومعهم أمير إلى حيث يسكن اخاهم الصغير جواد اخوهم الهادئ الرزين منذ 7 اشهر يسكن هنا ولا يلبي نداء إخوته ليرجع معهم لقد اصبح عنيدا و هو الذي يحترم ااياد ومراد كابيه ويعتبر زياد وريناد كاصدقاءه يحبهم ويحترمهم كثييير لكن منذ  عيد ميلاده ال 18 قد سكن هنا ورفض الخروج نائم بغيبوبته  تقدم الأخوة باتجاهه وضعت ريناد يدها على جبينه وغادة أمسكت يده وضغطت عليها
ريناد : شو حبيي مطول بالنوم ما اشتقت النا نحن اشتقنالك قوم ما بدك تدخل عالجامعة حبيبي الامتحانات قربت لازم تقوم وتدرس وتخلص الثانوية  مشان تدخل الجامعة اللي بتحلم فيها   بعرف بتحب النوم بس لازم تصحى قوم وصارت تبكي
وغادة عم تبكي معها ونور كمان عم تبكي على حزنهن وعلى شاب صغير عم تضيع احلى ايام مراهقتو
بعد شوي خلصو بكي
واجا مراد وقال قومي حبيبتي ريناد صار وقت  تدريبك  وانت إياد لازم تاخد نور لعند الدكتور هاشم كرمال فحص عيونها
هزو الاتنين رأسهم ومشو وقامت غادة مشان تروح مع نور
ضل زياد ومراد وأمير  عم يطلعو بجواد وفجأة أمير قرب من جواد وباس خده وصار يحكي : شو خالو مطول لتفيق مو احنا اتفقنا تجبلي هدية كبيرة على عيد ميلادي  وقرب عيد ميلادي  بس انا ما بدي اي هدية بس بدي شوفك وانت صاحي وعم تضحك انا اشتقتلك واشتقت لالعابنا مع بعض ورجع باسه من خده وجواد نايم ما في غير صوت جهاز القلب عم  يتسمع بالغرفة وبعد 10 دقايق قام مراد وباس جبين  جواد ابنه  نعم ابنه من يوم يومه كان يعده ابنه بيذكره بحاله وقت كان صغير هادي وعاقل وكتوم وحنون بيشبه طبعه وكمان حنون متل ماما الله يرحمها  التمعت عيونه بحزن وحمل أمير ومشي
ضل زياد لوحده مع جواد وقرب منه : بتعرف انك واحد اناني معقول كل هالدموع وكل هالحزن وكل هالترجي باصواتنا ونظراتنا والقهر اللي عم ينزل مع دمعنا ما اثروا فيك انت حجر والا شو فهمني قوم وكمل عيلتنا العيلة ناقصة من دونك حبيبي مشان الله قوم
صرخ فيها بكل قوته وبعدين قرب منو وباس جبينه وهوي عم يقول اشتقتلك يا فصعون
وبعدها طلع
عند نور قاعدة عند الدكتور وهوي يفحص عيونها
وعم يسألها اسئلة
الدكتور : يا انسة حكيلي عن وضعك
نور بقهر بان على ملامحها : انا من  3 سنين صار معي حادث سيارة وفقدت بصري رحت على دكاترة وكلهن قالولي بدي  عمليه لارجع اشوف
اتنهد الدكتور وقال  : آنسة نور بصراحة انتي وضعك مستقر بس الوقت مو بصالحك انتي لازم تعملي 3 عمليات لحتى تقدري ترجعي تشوفي من اول وجديد عمليه لاصلاح الضرر اللي براسك وعمليتين كل واحدة لعين من عيونك لانو بصراحة يوجد ضرر في عينك اليمين اكثر من اليسار  والاتنين بدهن عمليات دقيقة
نور : وكم بتكلف العمليات بشكل تقريبي
الدكتور :،  بصراحة ما عندي فكرة لان مشفانا مو متخصص بهيك عمليات كبار انتي محتاجة  مشفى أعصاب  وكمان دكتور أعصاب كويس انا فيني اعطيك اسماء كتير دكاترة مختصين بهالمجال  بس التكلفة الحقيقية راح تكلفك مع المشفى والأدوية والابر بحدود 3 مليون سوري
نور نزلت راسها بمرار نفس الكلام كل مرة وغادة عرفت بايش عم تفكر ولهيك شكرت الكتور وطلعو ودقت على أخواتها مشان يطلعو من المسفى وبعد شوي طلع الكل ما عدا ريناد لانو راح تضل للمسا بالتدريب
بالبيت  قعد الكل بالجنينة وكلهن عم يتذرو اللي صار من7 شهور