رغم الأسى

عمل ومرض

في سورية يستيقظ أبطالنا ويتناولون الفطور الذي اعده مراد فهو عاشق للطبخ والاهتمام بامور الطبخ تحت أسئلة إياد المهتمة بمحاضرات التوأم الصغير
اياد : شو عنكن اليوم
ريناد: انا عندي اربع محاضرات للساعة 12 الضهر وبعدها عندي شغل للساعة 4
إياد بغضب : بس بدي اعرف ليش مصرة عالشغل نحنا الثلاثة بايش مقصرين عليكي انا بدي أياكي تتركي هالشغل
ريناد نزلت راسها : بالعكس اخي لو امي وابي عايشين ما كانوا اهتمو فيي متلكن بس انا مبسوطة بشغلي شغل سهل ومبسوطة ومكان محترم كتيير وصاحبو محترم وبيهتم باللي بيشتغل معه متل ولادو بالإضافة إلى أنه زياد بيشتغل معي
إياد : انتي عنيدة وانا ما بحب اكسر خاطرك ومشان ما تضلي لحالك بالبيت انا وافقت بس والله اذا بسمع انو حدا ضايقك وما قلتيلي او انتي سكتي ورضيتي بهيك وضع وقتها راح تشوفي إياد تاني
ريناد : حبيبي يا احلى اخ بالدنيا لا تخاف المكان كتيير هادي واللبس محتشم
زياد: اي اخي وانا كمان دايما بوصي اصحابي عليها رفقاتي ومن وقت للتاني بجي لعندها وبشوف الوضع
اتنهد إياد :ماشي ان شاء الله خير وانتي شو عندك اليوم
زياد : انا ما عندي محاضرات اليوم راح روح اشتغل دوام كامل اليوم
اياد:الله يوفقكن يارب وتخلصو هالسنة على خير والتفت على ريناد وقال : ما تنسي بكرى عندك دوام بالمشفى
رينا: مستحيل انسى هالشي انا يومين بالأسبوع عندي تدريب
مبارح وبكرى مستحيل انسى والتفت على زياد مطول لتوصلني
زياد: لا خلصت قومي وتحركو راحو ركبو التاكسي اللي بتوصله كل على جامعتها وبعدين عالفندق الفخم اللي بيشتغل فيه زياد وريناد
ريناد بتشتغل كرسونة بالكافيه اللي جوا الفندق وزياد بيشتغل شوفير بيسوق السيارات اللي بيستاجروها السواح اللي بينزلو بالفندق
دخل عالفندق من باب الموظفين ودخل عالكراج هون موجود رفيقه الوحيد الغالي فارس دخل لعندو وسلمو عبعضهم:
فارس وزياد بيعرفو بعضهن من 10 سنين وقتها ام زياد دخلت ولادها عمدرسة خاصة وكتيرر كويسة ومشهورة بالبلد وهناك ام ريناد وزياد تعبت كتيير لحتى قدرت تأمن أقساط المدرسة بس إياد ومراد كان يشتغلوا اي شغلة بتخطر عالبال كرمال يساعدو امهم ويخلو اخواتهم يدرسوا بأحسن المدارس وطبعا هناك الكل بيعرف الكل وعرفوا انو ريناد وزياد أشخاص على قدهن وانهن بالموت عم يقدرو يدفعو أقساط المدرسة لهيك الكل صار يتمسخر عليهن و يضربوهم وهناك بالمدرسة فارس الشخص الوحيد اللي دافع عنهن و ووقف جنبهن هوي واختو يارا ضلو مع بعضهن 3 سنين لحتى دخل فارس الجامعة ودخل هندسة ورسب سنة عن قصد وبعدها بسنة دخل زياد ذات الفرع وذات الجامعة وهيك صار الاتنين بذات الفرع والسنة والجامعة
فارس شخص نقي من جوا ومن برا قلب من دهب متهور شوي بس أنسان شعارو الإخلاص والصدق يعني شخص رائع بمعنى الكلمة شخص ما بيعرف الغرور مع انه ابوه السيد عزمي رجل أعمال غني لكن علم ولاده عالتواضع والطيبة وهوي صاحب الفندق اللي شغال فيه زياد ومع هيك ابنو قرر يشتغل متلو متل رفيقه لهيك بيروحو سوى عالجامعة وبرجعو التنين عالفندق بيتشغلو سواقين وانهن الاتنين عندهن رفقات لكن فارس وزياد أخوة جمعتهن السنين والمواقف
فارس : تأخرت يا نمر وينك لهلق
زياد : كنت عم وصل اختي عندها محاضرات
فارس : تمام الله يعطيك العافيه انا ماشي عندي توصيلة باليموزين سياحة لواحد ألماني هوي وعيلتو راح يشغلني طول النهار
زياد : وانا شو عندي
فارس : عندك أربع رجال أعمال عندهن اجتماعات يعني شغل 3 او اربع ساعات سلام يا صاحبي