عند أدهم
دخل الضابط لعنده وهوي حامل ملفات دخل وسلم على أدهم وقال: سيد أدهم نحنا شفنا كاميرات المراقبة بالإضافة إلى التحقيق مع الحراس وعمال المخازن وكل شي حكوه حكي طبيعي الشركة كانت ترسل الشاحنات مع السواقين ومعهن امر كتابي مختوم بختم جدك و العمال يعطهون الكميات اللي بالاوراق اللي معهن
أدهم : هالحكي صعب يتصدق الختم موجود مع جدي فقط وانا بروح كل يوم لعنده لأخذ توقيعه على الأوراق الضرورية ويختم الأوراق بختمه الخاص
بالإضافة إلى نحنا ما احتجنا غير 4 شحنات وين الشحنات الباقياات
الضابط : بس في شي غريب انه سائق الشاحنة كان موظف جديد عندكم بالشركة حسب أقوال الحراس
ادهم: الاغبياء ليش ما حكو شي
الضابط : شنو رايد يحكولك انه في موظف جديد بالشركة اصلا الشركة كل أسبوع في موظفين جدد فيها
ادهم: طيب الشاحنة شفتو رقمها مين سواقها
الضابط : نحنا شفنا رقم الشاحنة والسواق ورحنا على بيته لقيناه سافر وعيلته وحسب اقوال الموظفين انه حامد سواق جديد من 6 شهور عم يشتغل بالشركة اما الشاحنة موجودة بكراج الشركة
أدهم :معنى هالحكي انه في شخص عم يختم أوراق الشركة وعم يوظف موظفين على كيفه وكمان عم يسرق مواد من المخزن بس مين هالشخص
الصابط:ما زال التحقيق جاري وخصوصا انه السواق اختفى
ادهم: ليش ما تبحثوا عن الشركات اللي عم تستخدم الحديد البرازيلي
الضابط : هالشي مستحيل في اكتر من 30 شركة بناء بتستخدم حديد هالشركة بالبلد إضافة إلى أنه في مستثمرين يستوردوا الحديد ويبيعوه في السوق لهيك ملاحقة الحديد مستحيلة على كل حال نحنا عم نراقب بيت السواق وكمان بيت اهله هوي أملنا الوحيد لنعرف مين سبب هالمشاكل وراح نتابع تحقيقنا مع العمال
عن اذنك سيد ادهم
أدهم يصافحه ويخرج الضابط ويترك أدهم في تفكير : مين هالشخص القادر يسرق الختم وكمان يعمل هيك خطة ذكية مين يا ترى
في سورية وببيت عثمان
ومثل كل يوم يجلس الكل حول المائدة الدائرية عثمان على يمينه نور وجنبها غادة وجنبها أمير مشن تهتم باكل أمير وغادة اذا احتاجو شي
متل العادة الصمت عم يلفهم غير طلبات أمير لياكل وكمان سؤال عثمان غادة على جامعتها
وبعد شوي يجي باص الروضة وياحذ أمير عالروضة وكمان اجت رفيقة نور واخذتها عالجامعة لانه في محاضرات مهمة لقرب الامتحانات
وضلت غادة اللي حاسة بمغص وتعب ووجهها اصفر وعثمان اللي عم يجهز حاله ليروح على شغله
خلص عثمان وطلع لقى غادة قاعدة على الطاولة وحاطة ايدها على رأسها و لسا الاكل عالطاولة ما شالته
قرب منها وقال بصوت بارد : ليش الاكل على الطاولة
غادة رفعت راسها وطلعت فيه وقالت: هلق بشيله عالتلاجة
عثمان: شو بالنسبة لشغلك ليش ما رحتي اليوم
غادة : عندي شغل بالبيت ولازم نظف غرفة نور وأمير
عثمان بهدوء : وغرفتنا
غادة بهجوء : غرفتنا نظفتها قبل ما ترجع عالبيت وبعدين هي نظيفة
عثمان بغموض: طبعا راح تظل نظيفة لأنك وقت بسافر بتنامي مع أمير و اوقات مع نور
غادة بدهشة : كيف عرفت
عثمان ببرود : نور بس بدون قصد قالتلي اني لازم خفف سفر لانك ما بتقدري تنامي غير بحضني
أنت تقرأ
رغم الأسى
Mystery / Thrillerكلما بكيت وكلما تالمت تذكر قوله تعالي إن الله مع الصابرين يتامى فقدوا الحنان وعرفوا الفقر ولكنهم تشبثوا بأيدي بعض فهم الأخوة سند اخواتهم وهن فتيات عرفن الله واحببنه طيبات خلوقات عشن الفقر والحرمان ولكن لم يعرف الخوف فورائهن أخوة يأكلون المرا...
