(الفصل الثامن )
- الف مبروك يا معفنه
سما ببكاء : كنت فين كل ده يا ياسر
ياسر : انا قلت لك اخر مره اتقتبلنا فى لندن ..على الاقل شهر على ما انزل ..حتى معرفتش اجى فى العزا
سما : امال فين كريم
كريم.. اخ لياسر من الام : انت هنا اهو .. الف مبروك يا عسل
صافحته سما باليد فقط .. وكان احمد يقف بجانبها لا يعى اى شىء يحدث
احمد ناظرا الى اسر : مش نتعرف ولا ايه
سما :اكييد .. ياسر ابن عمى فؤاد الله يرحمه .بس هو كان مسافر من فتره طويله .. وده اخوه كريم من الام
- تشرفنا
ياسر : سوسو انا هطلع اناام لانى بجد فاصل ولسه واصل حالا ..
سما : لو عاوز تاخد غرفتى مفيش مشكله لان الغرفه بتاعتك تلاقيها مقفوله مليلنه تراب
ياسر : لا لا انا هخلى حد من جوا يظبطها بسرعه يلا سلام .. ،قبلته من احدى وجنتيه: سلام .. بس حلوه اللحيه دى مكنتش بتحبهم يعنى اكيد عشانى
ابتسم لها ياسر غامزا : اكيد
كريم : يلا ياعم الحاج هفضل شايل شنط البيه لحد امتى
تحركا الى الداخل بينما نظراتها تلحق به : واحشنى اوى
كان احمد يشتعل غضبا من اسلوبها .. ثم سمعها : عاوزين الحفله تخلص بقى عاوزه اروح لياسر
فكر احمد فيما تقوله وخطرت بباله فكره : اه ماشى
بعد قليل انتهت حقا الحفله ولم يتبقى الا شخص واحد : الف مبروك يا سما
ابتسمت له قائله : الله يبارك فيك
يا اتش
-ايوه لحظه واحده بعد ازنكم
سما : مع السلامه
احمد بغضب : مين ده كمان
سما : ده شريف صاحب اسر من وهم فى الجامعه
احمد بنفاذ صبر : بصى بقى يا بنت الناس عشان نبقى على نور .. مفيش سلام زى اللى شوفت انواعه النهارده ده على جنس راجل .. فاهمه
- لا بعيد عنك مبفهمش
- هفهمك انا ان شاء الله
ابتعدت الى الوراء خطوه : الجوازه دى اصلا لمده محدده انا مكنتش موافقه بس وافقت عشان الوصيه مش اكتر .. يعنى شهرين بالكتير ونكون منفصلين
-مده محدده ؟ .. بلا مده بلا ممتده مفيش انفصال ان شاء الله
- ده بعينك يا بعيد .. اما نشوف انا وانت والايام بيننا
احمد باستفزاز : الايام حلوه ان شاء الله
سما بغيظ : انا طالعه ... انت مش هتروح بقى ولا ايه . يلا مع السلامه
احمد بابتسامه خفيفه ليثير غضبها : لا انا قاعد معاكى شويه
اسرعت سما الى غرفتها وهى على وشك الانفجار : مع السلامه ... تصبح على قرد يجننك يارب
اسرع احمد خلفها عله يمسك بها :الله،.. استنى بس اااه يابنت ال ..
قاطعهم صوت اسر : فى ايه مالكم
احمد بخبث : لا مفيش .. اصل سما عرضت عليا انى ابات هنا عشان الوقت اتأخر جدا .. بس طبعا انا بقولها عادى اروح فى الوقت ده بس هى مصممه .
اسر: والله كلك زوق يا سما .. فكره برضه . وبعدين يا احمد انت مش غريب ده انت زوجها ....ثم اشار له على غرفه ..: الغرفه دى فاضيه تقدر تريح فيها
سما فى دهشه منهم : لا دى فيها ياسر .. اصله رجع دلوقت
اسر بفرحه : بجد .. طب اما ادخل اسلم عليه
سما :لا ده نايم
اسر : تمام بص خد الغرفه دى بقى يلا تصبحوا على خير
سما : هه .. ياسر على يمينى واحمد على شمالى هى ناقصه
ثم تركته ودلفت لغرفتها مغلقه باب الغرفه باحكام
ودخل احمد للغرفه المجاوره ودخل الحمام اخذا شور ليزيل الارق وذهب الى غرفة الملابس لينتقى شىء ملائم له وبعدها خرج الى شرفة الغرفة يراقب ظلمة الليل .. خرجت سما من شرفتها ايضا لكنها كانت تتحدث فى الهاتف : ماشى يا ياسمين نتقابل بكره سلام
اغلقت الهاتف وكانت تلتفت لتدخل الى غرفتها مجددا الا انها رأت احمد
سما : انت هنا
افاق احمد من شروده على صوتها : هاا ... انتى لسه صاحيه لحد دلوقت
سما : ايوه
كادت ان تدخل الا انه استوقفها : انا مش بكلمك
سما : معلش اصلى عاوزه انام وبعدين .. نجى نتفق اتفاق
احمد مضيقا عينيه لمعرفه مايدور برأس تلك العنيده : ايه
سمابإيجاز وعلى شفتاها ابتسامه : كل واحد يبقى فى حاله
احمد : لا يا ماما انا جوزك ازاى يعنى فى حالك
حركت سما يدها فى الهواء : لا والله جبت حاجه جديده
كاد احمد ان ينفجر من طناشها : بقولك ايه اتظبتى احسن لك
لم تعير له اى اهتمام ولكنه القى نظره على ملابسها بتقزز : ايه اللى انتى لابساه ده !!
نظرت الى ملابسها القصيره جداا قائله : ماله وحش ؟
احمد بغضب : اللبس ده ميتلبسش بره غرفتك تانى .... قبل ماتبقى على اسمى حاجه ودلوقت حاجه تانيه خالص.. انا بحذرك بلاش لبس مكشوف
ثم ابتسم بخبث : بتلبسى كده قدام الناس امال هتلبسى فى غرفتنا ايه
سما بحرج : دا فى المشمش انا هلبس كل اللى انا عوزاه وملكش انك تتحكم فيا ده ايه الارف ده ..
دخلت سما واغلقت باب الشرفه ..اما احمد فكان يشتعل غضبا من تلك الفتاه وعندها : والله لهربيكى من جديد طالما انتى مش متربيه كده
ثم دخل الى غرفته وغطى فى ثباات عميق
......... . ............
وفى مكان اخر ..
البوص : مفيش جديد
احد الرجال : لا يا باشا .. بس كان كتب كتاب البت النهارده
البوص : عارف كانت عينى قبلكم هناك
احد الرجال : مفيش اى حاجه يا باشا .. انا مراقب كل حاجه وكل التحركات ..،هما لسه مبدأوش اى شغل من بعد وفاة والدهم
البوص : تمام .. اى جديد خبرونى .
....... .. ....... ......
فى صباح اليوم التالى فى فيلا الدمنهورى
ايمن : صباح الخير
نهال ونهاد : صباح الخير
نهال :هو فين احمد
ايمن : مش عارف والله يا نونو
نهاد: انا هطلع اصحيه هو مراد
صعدت نهاد الى غرفته ولكنها عندما طرقت الباب لم يرد ففتحتها ولكن احمد لم يكن موجود بها .. ذهبت الى غرفة مراد وكان يخرج من الحمام .. ابتسمت له وقبلته من احدى وجنتبه:صباحك فل يا احلى مراد
اتجه مراد الى المراه يمشط شعره: صباحك فل يا قلب مراد .. ايه يانونو مفيش مبروك ولا اى حاجه كده
نهاد وهى تفتح يدها لتبدأ بالغناء : مبرووووك .... مبرووووك ...والفرحه جمعتنا .. شوحلو لمتنا مبرووك ..
ابتسم لها مراد : شكرا يا نونو، تعالى بقى نرخم على احمد .. انت عارفه انا وانتى طيبين اد ايه وراحين نبارك له
ابتسمت هى بشر : احنا مفيش اطيب مننا .. بس للاسف مش فى غرفته مش عارفه طلع فين على الصبح كده
نزلا الى غرفة السفره ليفطروا
-صباح الفل
رد عليه الجميع ثم جلس مبتدأ فى تناول فطوره
- امال فين احمد
ايمن : مش عارف والله
اخرج مراد هاتفه مهاتفا احمد : السلام عليكم
- وعليكم السلام
- انت فين يابنى
-انا كنت نايم عند اسر وجاى فى الطريق
غمز مراد بعينه : الله يسهله ياعم مين ادك
رد احمد رافعا يده بدعاء : ايوه والنبى يامراد خليك ديما بتدعيلى انه يسهلها كده ... يلا سلام
اغلق مراد الهاتف وعلى وجهه ابتسامه
ايمن : هو فين يامراد
-عند سما كان بايت هناك
نهال : طب والله كويس .. ايه رأيكم نروح لهم
قبلها مراد : الله انتى حبيبتى اللى بتفهمينى يا نونو..
- بقيت حبيبتك دلوقت
- والله من زمان بس انتى مش واخده بالك
تحرك مراد تاركا اياهم قبل ان يعلق شخص اخر ...
بعد فتره وصل مراد الى منزل السيوفى : صباح الخير يا جماعه
مازن : الف مبروك ياعم مراد
اسر: ايوه اخدت موافقه مين فينا .. مش المفروض تتقدم رسمى الاول .. ونعرف اصلك وفصلك مش يمكن تطلع واحد مدمن ولاحاجه ولا حشاش ولا اى حاجه من الحجات دى
ضحك الجميع ثم حضرت مى ومنار .... مى : صباح الخير
نظر اليها مراد بهيام : صباح الفل والياسمين
ضربه حازم بخفه على يده : ايه ياعم احنا مش موجودين ولا ايه
مى : وانا شفافه ولا ايه ده انا اللى قلت حتى
اسر :على فين كده يامى
قبلته مى : على الجامعه ياحبيبى
بعد قليل انتت نهال ونهاد وايمن وتسائلت نهاد عن احمد واخبرها مازن بأنه مازال نائما بالاعلى
نهاد : نايم هار اسود على دماغه
مازن مداعبا : اسود ليه مهو ابيض اهو
حمحمت نهاد بحرج : اسفه ياجماعه انتم ساكتين ليه
كانت مى تضحك ضحكه خرجت من قلبها: انتى مسخره .. انت عامله زى الامهات كده هو انتى امه ولا ايه
- ااه حاجه زى كده
......
اما عند احمد بالغرفه كان حارا فى امر خروجه بملابس اسر التى ارتداها امس وايضا لن يستطيع ارتداء حلته فارتدى "شبشب الحمام " وخرج من غرفته وقابلته سما بخروجها ايضا من غرفتها ولكنها كانت ترتدى نفس الملابس التى كانت بها امس وفور ان رأها احمد اشتد غضبه الى درجه اخافت
احمد بحده: انتى راحه فيين
نظرت اليه سما من الاعلى الى اسفل ثم اتجهت الى الدرج تسرع بالنزول ولكن امسكها احمد من زراعها بسرعه : انا مش بكلمك انتى راحه فيبن بلبسك ده !!!
سما بتوجع : ااه سيب ايدى بتوجعنى ... ملكش دعوه بيا انت فاهم ..البس ما البسش انا حره يااخى
ضغط ع يدها اكثر : انتى تلبسى حاجه اطول من كده والا قسما بالله هتشوفى اللى محدش شافه
كانت تحاول الفرار منه : ااه ايدى يا متخلف يا حيوان .. وسع ..
افلتت منه بصعوبه . ثم هرولت الى المطبخ فقابلتها الداده بكوب النيسكافيه التى اعتادت على شربه كل صباح
- صباح الخير ياداده
-صباح الخير يا عنيا اتفضلى يا ستى عملتهولك اول ماعرفت انك صاحيه
- مرسى يا داده
خرجت وهى تلتفت يمينا ويسارا خشية من مقابلته ففزعت عندما رأته امامها وعلى وجهه ندتعبيرات لا تبشر بالخير ابدا .. حركت الكوب الى الامام كانه الدافع : ابعد احسن لك بدال ما اكب البتاع ده عليك والله
تحركت الى الحديقه بحذر ثم اسرعت الى حيث يجلس اخواتها والقت التحيه ثم جلست بهدوء
اقتربت منها نهال ممده لها يدها لتصافحها : انا نهال اخت احمد .. الف مبروك .. مسلمتش عليكى امبارح
صافحتها بابتسامه :اهلا يا نهال .. تشرفنا
تحدثت نهاد لتلطف الاجواء : انا بقى نهاد .. عدوة احمد
ضحكت سما بملو فاهها: دمك خفيف يا نهاد .. عندك كام سنه
ردتا نهاد ونهال : 22
حزم ومازن : ايه ده تنتوا تونز .. مش معقول
نهاد : لا احنا اخوات من الاب
حازم : اها .. مين لخت احمد من الاتنين
كادت نهاد ان ترد على سؤاله ولكن قاطعتها نهال : اظن يا بشمهندس ده مش هيفرق مع حضرتك فى حاجه ولا ايه .. احنا الاتنين اخوات احمد مفيش فرق بينا ..
حازم : انتى بتتكلمى كده ليه انا بس كنت عاوز اعرف مش لتفرقه والله
احمد منهيا للموضوع : خلاص ياحازم بقى
- صبااح الخيير
التفتت سما لهذا الصوت فهى تحفظه ظهرا عن قلب .. وقفت لنعم بالسلام عليه بهدوء : ياسر حبيبى ...كده يا ياسر كل ده يا ياسر سفر
ياسر : خلاص بإذن الله الفرع اللى بره بيتصفى وهفتحه هنا بابا الله يرحمه مش عارف كان رايح اخر بلاد المسلمين ولا ايه
كان احمد يراقب ما يدور بينهم ويشتعل غيره وغضب .. فلقد حذرها من ان تحتضن احد هكذا مره اخرى.. ولن تخضع لكلامه .. واحتضنت ذاك الياسر .. هو بن عمها واحمد زوجها والاولى للزوج
ياسر : ياجماعه انا مسافى الاسبوع الجاى مرسى مطروح عشان عندى شغل و..
حازم وقد خطر بباله فكره : انا عندى فكره حلوه اوى ...ايه رأيكم لو نروح معاه ونغير جو
اسر : مفيش مشكله
منار: اشطا بقى
مراد : لا ياجماعه .. احنا عندنا ثفقه ولازم نخلصها اول
سما : مراد انت ممكن تدير كل حاجه وانت هناك
ايمن : ايوه صح .. ما احنا ممكن نحول الشغل للفرع اللى هناك وخلاص
مراد: تمام
احمد : خلاص ياجماعه ان شاء الله هنطلع معاكم
نهاد : خلينا نيجى معاكم يا احمد بليز انا ونهال
احمد : اكيد هتيجوا معانا
نهاد : الله عليك يا حمو انت حبيبى والله
ياسر :خلاص يا جماعه خلال خمس ايام وهنتحرك ان شاء الله
سما : هنروح برى ولا جوى يا اسر
اسر : اكيد برى .. وبعدين كده هنستمتع اكتر ولا ايه
تحدث احمد بصوت اعلى نسبيا : ياجماعه النهارده عقد القران بتاع الشله
اسر :تصدق كنت ناسى .. كويس
استأذنت سما وصعدت الى اعلى وابدلت ملابسها وحملت حقيبة اللاب ونزلت مسرعه تجاه سيارتها .. ولكن اوقفها احمد : رايحه فين
نظرت اليه بتقزز : حضرتك بقى هطلع لى تقرير رسمى عن اليوم بتاعى .. ولا ايه مش فى الرايحه والجايه
صر احمد على اسنانه : اتكلمى عدل احسن لك
نظرت سما الى اسر : اسر انا رايحه الشركه
اسر : ماشى يا قلبى
نظرت اليه نظره اخيره وكأنها تقول " ليس لك أهميه كبرى فى حياتى ولن اخضع لك مطلقا "
ثم قادت سيارتها تجاه الشركه فلقد تأخرت كثيرا .. ولم تذهي منذ فتره طويله ...وتريد ان تدرس كافه الامور هناك فى من المحبات لعملهن
اما احمد فلقد انصرف الى الفيلا لتغيير ملابسه لينطلق هو ايضا الى عمله وامر ايمن ومراد بأن ينصرفوا الى الشركه التى لم يذهبا اليها منذ فتره طويله
اما مى ومنار ونهال ونهاد اتجهن الى الجامعه
........
فى شركة السيوفى
دخلت سما الى المقر وعند دخولها لم يكن هناك احد جالس فالجميع واقف لليرحب بها كرئيسة مجلس اداره لاحد الفروع الرئيسيه
احد الموظفين : نورتى يا بشمهندسه
اومأت برأسها مبتسمه له وسمحت لهم بالجلوس ثم اكملت طريقها الى المكتب وقد سمعت بعض التهامسات عنها
احدى الموظفين: شوفتيها .. انا اول مره اشوفها
موظفة اخرى : انا شوفتها مره واحده قبل كده
وموظف اخر : ايه العسل ده جى جديد فى الشركه
م2 : دى بشمهنديه سما بنت م/ محمد الله يرحمه .. بصراحة مش مصدأ ان دى هتدير الشركه دى
مرت سمامن امامهم ملقيه التحيه فوقفوا وطلبت جميع التقارير والملفات الحديثه واختصار لكل فايل وبعد ذلك تُراجع من قبل م/ امير
الثلاثه: مفهوم يا فندم
ذهبت بعد ذلك الى مكتبها
م1: هر جد كده ليه
م2:انا برضوا سمعت انها جد اوى فى الشغل .. دى يا بنى كانت ماسكه فرع لوحدها فى لندن وهى فى اولى هندسه
م2: افلح مننا يا رجاااله
...
وفى مكتب سما عندما دخلت قابلتها تلك الفتاه السكرتيره بترحاب حار فلقد صادقتها بضعة اشهر قبل سفرها
هيام : حمد لاه على السلامه .. وحشااانى
- وانتى والله يا هيام
المهم.. شوفى كده الملف ده
- ده ملف تبع الفرع التالت اللى ماسكه مستر حازم ومازن ..،بس ده لازم يروح لان الثفقه دى شغالين فيها وهيحتاجوا الملف ده ضرورى
سما : اوك ابعتيه على هناك .... بقولك مفيش اى ايميلات وصلت ؟
- ايوه وصل ثلاثه هحولهم لك حالا
....... ......... .....
اما عند احمد .. وصل الى الفيلا وابدل ملابسه الى حله كحلية اللون كلايسكيه .. تليق بالعمل ثم توجه الى مقر عمله
احمد موجها حديثه للسكرتيره : ازيك يا رحاب
- اهلا يا فندم حمد لله على سلامتك..هبعتل احضرتك القهوه حالا
- بسرعه وهاتى البوسطه معاكى واى ايميلات
- حاضر يا فندم
دخل احمد مكتبه .. ولم تكتمل دقيقه من دخوله الا ورن هاتفه ..
- الو..احمد ؟؟
- إلين ؟؟؟؟!!!!!!!
............
